Тошкентда "Терроризм, экстремизм ва радикализмга қарши курашишда ёшларнинг ўрни" мавзусида халқаро анжуман бўлиб ўтди.

Ушбу анжуман ўтказилиши ҳақида сайтимизда хабар берган эдик. 

Анжуман Ўзбекистон Республикаси Ёшлар ишлари агентлиги, Ташқи ишлар вазирлиги, БМТнинг Ўзбекистондаги ваколатхонаси, Тараққиёт дастури, Гиёҳванд моддалар ва жиноятчиликка қарши курашиш бўйича бошқармаси, шунингдек, ЕХҲТнинг Ўзбекистондаги лойиҳалари координатори, Осиёда ҳамкорлик ва ўзаро ишонч чоралари бўйича кенгаш, Германия халқаро ҳамкорлик жамияти (GIZ) каби халқаро ташкилотлар ҳамкорлигида ташкил этилди.

Тадбирда ушбу тузилмаларга аъзо мамлакатлар ёшлари ўртасида терроризм, экстремизм ва радикализмга қарши курашишга эътиборни янада кучайтириш, шунингдек, биргаликда самарали фаолият олиб боришга доир масалалар муҳокама қилинди.

ЎзА хабарига кўра, тадбирда иштирок этган Ўзбекистон Республикаси Бош вазири ўринбосари Азиз Абдуҳакимов давлатимиз раҳбари ташаббуси билан 2021 йил – Ёшларни қўллаб-қувватлаш ва аҳоли саломатлигини мустаҳкамлаш йили деб эълон қилинганини қайд этаркан, шу муносабат билан қабул қилинган Давлат дастурида ёшларнинг жамиятдаги ўрнини мустаҳкамлашга алоҳида эътибор қаратилганини таъкидлади. Сўнгги уч йилда мамлакатимиздаги олий таълим муассасалари сони 60 фоизга ошиб, айни дамда 116 тага етгани ҳам ушбу йўналишда амалга оширилаётган ислоҳотлар самарасидир.

Анжуманда, шунингдек, онлайн тарзда Туркий тилли давлатлар ҳамкорлик кенгаши Бош котиби Бағдат Амреев, ОҲИЧК Котибияти Ижрочи директори Қайрат Сарибай, МДҲ Ижроия қўмитаси Раиси – Ижрочи котиби Сергей Лебедев, БМТ Бош котиби ўринбосари Владимир Воронков ва бошқа қатор нуфузли халқаро тузилмалар масъул вакиллари ҳам сўзга чиқишди.

– Бугунги кунга келиб ер юзида истиқомат қилаётган қарий 8 миллиард кишининг 2,3 миллиарди ёшлар, – дейди А.Абдуҳакимов. – Ўзбекистонда 30 ёшгача бўлган ўғил-қизлар мамлакат аҳолисининг 55 фоизини, яъни 18 миллион нафарини ташкил этади. Шу маънода кўпгина давлатларда экстремизм, терроризм ва радикализм каби ғоявий таҳдидларнинг ёшлар онгига салбий таъсири бошқа хавфли омилларга нисбатан бирмунча юқори. Халқаро ҳамжамият, хорижий ва минтақавий ташкилотлар томонидан жаҳон миқёсида ушбу хатарларга қарши курашиш борасида муайян ишлар олиб борилмоқда. Табиийки, айни йўналишда маълум маънода ижобий натижаларга ҳам эришилмоқда.

Видеоконференция дастуридан ўрин олган мавзулар бўйича 4 та шўъба йиғилишида халқаро экспертлар, хорижий мамлакатлар кузатувчилари терроризм, экстремизм ва радикализмга қарши самарали курашиш бўйича ўз тажрибалари билан ўртоқлашди.

Ўзбекистон мусулмонлари идораси матбуот хизмати

Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Умайя ибн Бистом айтади: «Бир аёл Юнус ибн Убайднинг олдига ёпинчиқ кўтариб келиб, «Мана шуни сотиб олинг», деди. «Қанчага сотасан?» деди у. Аёл: «Беш юзга», деди. Юнус «Бу ёпинчиқ бундан қимматроқ туради-ку?» деди. Аёл: «Унда олти юзга», деди. Юнус унинг бундан ҳам қимматроқ туришини айтди. Шу тариқа ёпинчиқнинг нархи мингга етди. Кейинроқ Юнус шундай деди: «Унга саховат қилиб, яна беш юз бердим».

Аллоҳнинг чегараси

Саллом ибн Абу Мутиъ айтади: «Юнуснинг (нафл) намозу рўзалари кўп эмас эди. Лекин Аллоҳга қасамки, агар у Аллоҳ таолонинг ҳадларига келиб қолса, албатта тўхтар эди».

«Солиҳлар гулшани» китобидан

ОЗ-ОЗ ЎРГАНИБ ДОНО БЎЛУР...

*   *   *

Заҳируддин Муҳаммад Бобур хазиналари

*   *   *

МУБАЙЯН ВА НАСРИЙ БАЁНИ

*   *   *

ИЙМОН-ЭЪТИҚОД  КИТОБИ

*   *   *

НАЗМ

Кимки дўзахқа тушса кофирдин,

Чиқмагай жовидон ўшал ердин.

Ҳар азобеки эл тасаввур этар,

Дўзахийларға ул азоб етар.

Тушса гар мўъмин жаҳаннамға,

Гунаҳича қолур ўшал ғамға.

Ё шафиъе шафоъат эткай анга,

Манзиле жаннат ичра еткай анга.

Ё Худо анга маҳз лутф этгай,

Андин ул меҳнату алам кетгай.

Кимки мўъмин борур бу оламдин,

Қутулур, билки, жовидон ғамдин.

Гунаҳича агарчи ранж етар,

Лек охир биҳишт сари кетар.

НАСРИЙ БАЁН

Дўзахнинг сифати баёни

Кофирлардан  кимки  дўзахга  тушса,  у  ердан  абадий  чиқмайди. Одамлар тасаввур қиладиган ҳар қандай азоб бўлса, дўзахийларга ўша азоб етади.

Агар мўъмин киши жаҳаннамга тушса, қилган гуноҳи миқдорича ўша ғам-азобда қолади. Ёки бир шафоъатчи зот унга шафоъат қилиб, кейин унга жаннат ичра бир манзил тегади.

Ёки Аллоҳ таъоло унга соф ва холис лутфу марҳамат қилиб, ундан у меҳнат – ғам ташвиш ва алам, азобу уқубат кетади (ва жаннатга киради).

Кимки бу оламдан мўъмин ҳолида ўтса, билгинки, у абадий ғамдан қутулади. Гарчи унга ўз гуноҳи миқдорича ранж-азоб етса ҳам, лекин охири жаннат томон боради.

ИЛОВА. Бақара сураси, 161-162-оятлари (маъноси): “Шубҳасизки, (оятларимизга ва ҳукмларимизга қарши) куфрга кетиб, кофир ҳолида ўлганлар (борки) – Аллоҳнинг, фаришталарнинг ва барча инсонларнинг лаънати ана ўшаларга бўлур. (Улар) шу (лаънатланган) ҳол ичра абадий қолурлар. Уларнинг азоблари енгиллатилмас, юзларига назар ҳам қилинмас” (“Файзул-Фурқон”).

ИЗОҲ. Мўъминларнинг охир-оқибат жаннатга киришларига далил ушбу ояти каримадир; Марям сураси, 72-оят маъноси: “Кейин муттақий бўлган (ибодат ва итоат билан гуноҳлардан сақланган) кишиларни қутқарурмиз (жаннатга киритурмиз). Золимларни эса у ерда тиз чўккан ҳолларида қолдирурмиз”.

Энг охирида дўзахдан чиқиб,

жаннатга кирадиган киши

Имом Молик, Ибн Умардан (розияллоҳу анҳумо) ривоят қилдилар: “Энг охирида (дўзахдан чиқарилиб) жаннатга кирадиган киши Жуҳайна қабиласидан Жуҳайна исмли бир кишидир. Жаннат аҳли (бир-бирларига): “Жуҳайнада энг аниқ хабар бор, ундан сўранглар-чи: “(Дўзахда гуноҳкор мўъминлардан) азоб кўраётган бирор киши қолдими?” – дейдилар. У: “Йўқ (бошқа қолмади)”, деб жавоб беради” (“Ромузул-аҳодис”, I, с.4:1; Дороқутний, Хотиб, “Таърих”).

Насрий баён ва шарҳ муаллифи:

Мирзо КЕНЖАБЕК

Мусулмонларнинг харид қобилияти ошиши, Ислом олами мамлакатларида иқтисодий ўсиш кузатилаётгани боис Бирлашган миллатлар ташкилоти халқаро савдо маркази катта бизнес имкониятларига эга бўлган янги глобал бозор сифатида белгиланган тенденцияни юзага келтирди.

Сертификатланган ҳалол маҳсулотлар – Ислом қонунчилиги томонидан рухсат берилган маҳсулотлари кўплаб Испания компаниялари учун Жануби-Шарқий Осиёда бизнесни ривожлантириш учун катта имкониятни тақдим этади. Испанияда Ҳалол институт томонидан тасдиқланган 500 та компания бор, улардан фақат 12 таси Малайзия ва Индонезияга ўз молини экспорт қилади.

Халқаро ҳалол институти жамоатчилик билан алоқалар бўйича директори Барбара Руис-Бежаранонинг сўзларига кўра, ушбу йўналиш сифатли, соғлом ва барқарор маҳсулот ва хизматларнинг синонимига айланган. Ва бу аграр озиқ-овқат соҳаси чегараларидан анча узоққа чиқиб, туризм, мода, фармацевтика, косметика, ҳаттоки молия каби соҳаларда кенг имкониятлар очади.

Islam.ru маълумотларига кўра, ислом иқтисодиёти бўйича эксперт Томас Герреро ҳалол маҳсулот ва хизматларга глобал сарф-харажатлар 2024 йилда 3 триллион долларга етиши кутилаётганини эслатди. Испания озиқ-овқат ёки косметика каби юқори талабга эга бозорларда кўплаб компанияларга эга. Аммо ҳали ўз салоҳиятини тўла намоён қила олгани йўқ.

Ўзбекистон мусулмонлари идораси матбуот хизмати

ЎМИ матбуот хизмати