Бирлашган Араб Амирликларидан муслима аёл Жавоҳир Ал-Мҳейри Яқин Шарқдаги Forbes рўйхатининг юқори 30 талик рўйхатига кирди.

Islam.ru хабар беришича, қиз олти тилда гапиради, авиация менежменти бўйича бакалавр, халқаро алоқалар бўйича магистр ва статистик оптималлаштириш бўйича мутахассис ҳисобланади. Шу ой истеъдодли муслима аёл 300 номзоддан ўтиб, Forbes Яқин Шарқ рўйхатининг энг яхши ўттизталигига кирди.

2017 йилда стереотипларни бузган араб аёли Абу-Даби ташқи ишлар вазирлигида ўз лавозимини эгаллади ва БАА дипломатик академиясига ўқишга кирди. Вазирликда қиз тезда мансаб пиллапояларидан юқорига кўтарилди ва тез орада Амирликлар ва АҚШ ўртасидаги иқтисодий алоқалар бўйича бош мутахассис лавозимини эгаллади ва ўтган йилнинг сентябрь ойида Осиё минтақаси билан иқтисодий алоқалар бўлими бошлиғи лавозимига кўтарилди. Бу йил у АҚШнинг Колумбия Давлат университетида халқаро муносабатларда икки йиллик курсни бошлади.

"Мен ўзларига ишонган ва орзуга эргашган, ўзлари интилган ҳамма нарсага эришишга ҳаракат қилганлардан бириман. Минтақамизда истеъдодли ёшлар кўп. Биз куч-қувватга тўламиз ва мақсадларимиз ҳам улкан ва биз, албатта, дунёни ўзгартиришга қодирмиз", - дейди Жавоҳир Ал-Мҳейрий.

Ўзбекистон мусулмонлари идораси матбуот хизмати

— Қуръони каримдан баъзи сураларни ўқиб, фарзандларим ёки набираларимга дам солиб қўйсам бўлади-ми?

— Дам солиш деганда, Аллоҳ таолонинг китоби Қуръони Карим оятларини ва Аллоҳ таолонинг исмларини, Пайғамбаримиз соллаллоҳу алайҳи васалламдан ривоят қилинган дуоларни ўқиб паноҳ тилаш кўзда тутилади. “Фотиҳа”, “Бақара” сурасининг аввалидан 5-6 оят, “Оятул Курсий”, “Кафирун”, “Ихлос”, “Фалақ”, “Нас” сураларини ўқиб дам солинади.

Муҳаммад Айюб ҲОМИДОВ

Ўзбекистон мусулмонлари идораси ҳузуридаги “Вақф” фонди ташаббуси билан Имом Термизий Халқаро илмий-тадқиқот марказида эшитиш ва сўзлашишда нуқсони бор, ижтимоий химояга муҳтож юртдошларимизга “Сиз бизга кераксиз!” шиори остида маърифий тадбир ўтказилди. Унда Диний идора, Сурхондарё вакиллиги, “Вақф” фондининг ҳудудий филиали ва ҳамкор ташкилот ходимлари иштирок этди.

Маърифий тадбирда сўзга чиққан Диний идора хотин-қизлар бўлими масъул ходими Мунира Абубакирова Ислом динининг мазмун-моҳияти, имон-эътиқод масаласи ҳақида маълумот бериш билан бирга, миссионерлик хатаридан огоҳ бўлиш лозимлигини таъкидлади.

Тадбир давомида марҳум муфтий Усмонхон Алимов ҳазратлари таржима қилган “Қуръони карим ва ўзбек тилидаги маънолар таржимаси” китоби имконияти чекланган ҳамюртларимизга ҳадя тариқасида тарқатилди, шунингдек, озиқ-овқат маҳсулотлари берилди.

Йиғилиш якунида “Вақф” хайрия жамоат фонди томонидан учрашув иштирокчилари учун эҳсон дастурхони ёзилиб, ош тарқатилди.

Ўзбекистон мусулмонлари идораси матбуот хизмати

Исҳоқжон домла Бегматов