Хабар берганимиздек, бугун, 7 сентябрь куни юртимиздаги бир гуруҳ таниқли уламоларнинг Бухоро вилоятига ташрифлари бошланди.

Тошкентдан уламолар, диний соҳа раҳбарлари йўлга чиққан Афросиёб тез юрар поезди Бухоро вилоятига етиб борди. Муҳтарам устозларни Бухоро вилояти ҳоким ўринбосари Эркин Мажидов, Бухоро вилояти бош имом-хатиби Жобир домла Элов, вилоятдаги соҳа вакиллари томонидан кутиб олиниб, меҳмонхоналарга жойлаштирилди.

Эслатиб ўтамиз, юртимизнинг таниқли уламлари сафарнинг илк ташрифини Бухоро вилоятидаги масжидларда пешин намозини адо этиб, маърифий маъруза қилиб бердилар.

Ўзбекистон мусулмонлари идораси матбуот хизмати

6 сентябрь куни Ўзбекистон мусулмонлари идораси тасарруфидаги 3 та олий диний таълим муассасаси ва 10 та ўрта махсус ислом таълим муассасасида 2021-2022 ўқув йилининг бошланиши ва Ўзбекистон Республикаси мустақиллигининг 30 йиллигига бағишланган байрам тадбирлари бўлиб ўтди.

Ушбу тадбирларда Ўзбекистон мусулмонлари идораси ҳамда Дин ишлари бўйича қўмита раҳбар ва маcъул ходимлари, вилоят вакиллари, мартабали меҳмонлар, ўқитувчи ва талабалар, ота-оналар иштирок этди.

Маросимлар давлат мадҳияси, Қуръон тиловати ва хайрли дуолар билан бошланди. Сўнгра таълим муассасалари раҳбарлари ва мартабали меҳмонлар сўзга чиқиб, талабаларни мутақилликнинг 30 йиллик байрами, янги 2021-2022 ўқув йилининг бошланиши ва қабул имтиҳонларидан муваффақиятли ўтиб, таълим муассасаларининг биринчи курсига ўқишга кирган талабаларни билан табриклаб, дуои хайрлар қилдилар.

Шундан сўнг таълим муассасаларининг барча гуруҳларида “Янги Ўзбекистонда эркин ва фаровон яшайлик!” шиори остида “Мустақиллик дарси” ўтказилди. Ушбу дарслар махсус видео слайдлар асосида олиб борилди.

Маълумот учун, 2021-2022 ўқув йили учун олий диний таълим муассасаларига 216 нафар, ўрта махсус ислом таълим муассасаларига 270 нафар, жами 486 нафар абитуриентлар талабаликка қабул қилинди.

Эслатиб ўтамиз, ҳозирда барча олий ва ўрта-махсус диний таълим муассасаларида жами 2212 нафар талаба таҳсил олмоқда. Уларга 425 нафар малакали педагог-ўқитувчи дарс бермоқда.

Ўзбекистон мусулмонлари идораси матбуот хизмати

Ўзбекистон давлат мустақиллигининг 30 йиллиги муносабати билан Истанбул тижорат университети ректори Южел Огурлу халқимиз номига ўзининг байрам тилакларини йўллади, деб хабар бермоқда «Дунё» АА мухбири.

– Ўзбекистон мен учун алоҳида қийматга эга бўлган юртдир. Тарихий боғлиқлигимиз бир ёнда, қардошлик ришталаримиз бир ёнда. Чунки бизнинг чуқур илмий-маънавий илдизларимиз бугунги Ўзбекистон тупроғига бориб туташади. Буюк маданиятимизнинг бешиги бўлган Самарқанд, Бухоро, Тошкент, Қўқон каби қуббатул илм марказлари замонавий Ўзбекистон чегараларида экани юртингиз обрўсини янада оширади.

Ўзбекистон замини нафақат туркий тилли ва ислом дунёси, балки бутун башарият учун илм сарчашмаси бўлиб хизмат қилган. Бу заминда туғилиб вояга етган, ўзидан биз авлодларга буюк мерос қолдирган уламолар, орифлар дунё аҳлини ҳануз лол қолдириб келмоқда. Ўзбекистон – Марказий Осиёнинг юрагидир.

Фурсатдан фойдаланиб қардош ўзбек халқини истиқлол айёми билан табриклайман. Мустақиллик шодиёнаси абадий бўлсин.

Ўзбекистон мусулмонлари идораси матбуот хизмати

Шайх Салоҳ Абулҳож ҳафизаҳуллоҳ