Бугун, 18 ноябрь куни Тошкент шаҳридаги бир гуруҳ таниқли уламолар пойтахтимиз масжидларига ташриф буюриб, пешин ва хуфтон намозларини жамоат билан бирга адо этгандан сўнг мўмин-мусулмонларга маърифий суҳбат қилиб беришади.

Қуйида уламолар пешин ва хуфтон намозларига борадиган масжидлар рўйхати билан танишишингиз мумкин:

Шайхонтоҳур туманидаги “Фирдавс” масжидига пешинга, Олмазор туманидаги “Мунаввар қори” жомесига хуфтонга Ўзбекистон мусулмонлари идораси бўлим бошлиғи ўринбосари Аброр домла Мухтор Алий;

Яшнобод туманидаги “Холид ибн Валид” масжидига пешинга, тумандаги “Аҳмад Яссавий” жомесига хуфтонга Яшнобод тумани бош имом-хатиби Фазлиддин домла Аллаёров;

Яккасарой туманидаги “Усмон ибн Мазъун” масжидига пешинга, тумандаги “Яккасарой” жомесига Чилонзор тумани бош имом-хатиби Эргаш домла Рустамов;

Юнусобод туманидаги “Мирза Юсуф” масжидига пешинга, Яккасарой туманидаги “Раҳимжон ҳожи ота” жомесига Учтепа тумани “Маҳкам ота” масжиди имом-хатиби Муҳаммадбобур Йўлдошев;

Мирзо Улуғбек туманидаги “Тўра бува” масжидига хуфтонга, Тошкент шаҳридаги “Шайх Муҳаммад Содиқ Муҳаммад Юсуф” масжиди имом-хатиби Исмоил домла Муҳаммад Содиқ;

Мирзо Улуғбек туманидаги “Доруломон” масжидига пешинга, тумандаги “Оққўрғон” жомесига хуфтонга Яккасарой туманидаги “Ракат” масжиди имом-хатиби Роббимқул домла Муҳаммадиев;

Олмазор туманидаги “Масжидус-салом” масжидига пешинга, тумандаги “Абу Бакр Қаффоли Шоший” жомесига хуфтонга Шайхонтоҳур тумани “Доруссалом” масжиди имом-хатиби Муҳаммадраҳим домла Абдуқодиров;

Яшнобод туманидаги “Али Ибн Абу Толиб” масжидига пешинга, тумандаги “Ал-Худайбия” жомесига Тошкент шаҳридаги "Камолиддин Ориф ал-Бухорий" масжиди имом-хатиби Закариё домла Ҳафизуллаев;

Олмазор туманидаги “Сафабой ота” масжидига пешинга, тумандаги “Ҳофиз Кўҳакий” жомесига хуфтонга Тошкент шаҳар “Ал-Ҳудайбия” масжиди имом-хатиби Муродулла домла Хуназаров.

Аллоҳ таоло уламоларимизнинг суҳбатини манфаатли ва давомли қилсин!

АҚШнинг Техас штатидаги Хьюстон шаҳри шу йил 12 декабрь куни VIII ислом санъати фестивалини ўтказишга мезбонлик қилади. Унда Техас шаҳридаги “Ас-Салом” масжидида жонли равишда бўлиб ўтади. Барча хоҳловчилар фестивалга масофадан туриб иштирок этиши мумкин.

Фестивалда АҚШнинг турли вилоятларидаги ҳунармандлар томонидан ишланган санъат асарлари намойиш этилади. Унда ташриф буюрувчилар ўзлари ёқтирган асарларни сотиб олиши мумкин.

Техас штатининг Хьюстон шаҳрида бўлиб ўтадиган VIII ислом санъати фестивали доирасида болаларга хаттотлик ва бошқа ислом санъатларини ўргатиш бўйича махсус дарслар ташкил этилади.

ЎМИ Халқаро алоқалар бўлими

"Дуода қўлларни юқорига кўтариш бандаликка оид хусусиятдир. Кўзлар осмонга қаратиш ҳикматини Аллоҳнинг ўша тарафда эканлиги билан боғлиқ эканлигига ишонган киши, намозда ва шунга ўхшаш (сажда) вақтида назарини ерга қаратганда Аллоҳнинг Ернинг остида эканлигига ишонган киши кабидир.

Яна у намозда Қиблага юзланиш учун тўғрига ёки ғарбга, ёки ҳаж ибодати учун Маккага юзланган киши Аллоҳнинг ўша тарафда эканлигига ишонган кишига ўхшаб қолади.
Аллоҳ таоло эса бу нарсаларнинг барчасидан покдир. Аллоҳ таоло наздида ҳеч бир тараф бошқа тарафдан янада яқин ёки илми билан қамраб олишга қулайроқ эмас. Махлуқотлар Унга етишиши учун бирор тарафни танлаш қудратига эга эмаслар... Ҳеч бир кишининг зеҳнида тарафларнинг бири ёки бошқаси орқали Унга етишиш фикри келмайди, фақатгина Аллоҳни тўғри танимаган кишигина (бундай адашиши мумкин)"

Имом Мотуридий раҳимаҳуллоҳнинг "Ат-Тавҳид" китобидан

Изоҳ: Сохта салафийлар Аллоҳ таолонинг юқори тарафда эканлигини исботлаш учун "дуоларимизда қўлимизни осмонга кўтарамиз" деб ақлий далил келтирмоқчи бўлади. Ваҳоланки, уларнинг ўзлари динда ақлий далилларга суянмаслик кераклигини даъво қиладиган кишилар эди.
Ана шундай кишиларнинг "ақлий" далилларига Имом Мотуридий раҳимаҳуллоҳ юқоридагидек фикрлар билан раддия берадилар.

manba

Бутунжаҳон мусулмонлар лигаси Expo 2020 Dubai кўргазмасидаги павильонида пайғамбарлар ҳаётига бағишланган кўргазма очди, деб хабар бермоқда ArabNews.

“Гўё сиз пайғамбарларни кўраётгандек” деб номланган кўргазмада пайғамбарлар ва набийларнинг таржимаи ҳоллари, шунингдек, улар инсониятга олиб келган ғоялар ҳақидаги маълумотларни тақдим этиш учун энг сўнгги технологиялардан фойдаланилди. 

Қуръонда зикр қилинган 25 нафар пайғамбар ва набий ҳақидаги маълумотлар араб, инглиз, француз, иброний ва индонез тилларида тақдим этилади.

Кўргазмадан ўрин олган “Инсониятга сизнинг номангиз” номли интерактив светодиод девор ирқий тафовутларни олиб ташлаш, салбий маданий зиддиятларни бартараф этиш ҳамда одамларнинг эркинликда яшаш ҳуқуқи тушунчасини чуқурлаштиришга қаратилган бўлиб, ҳамжиҳатликда яшашнинг муҳимлигини таъкидлайди.

azon.uz

Ўзбекистон мусулмонлари идораси раиси, муфтий

Нуриддин домла Холиқназаров