muslim.uz
В Ираке стартовал крупный конкурс чтецов Корана
В Ираке в мечети Куфа стартовал крупный конкурс чтецов Корана. В двухдневном конкурсе принимают участие тридцать чтецов из разных провинций Ирака. По данным islam.ru, выступая на церемонии открытия, имам мечети Мухаммад аль-Мусави, сказал, что соблюдение законов Всевышнего и жизнеописания Пророка Мухаммада ﷺ является необходимостью для продвижения исламских ценностей в обществе. В первые в истории в конкурсе принимают участие чтецы и хафизы Священного Корана из Курдистана.
Пресс-служба Управления мусульман Узбекистана
Кичик ширкдан сақланинг!
Ислом дини ҳар бир амални ихлос билан бажаришга буюради. Ихлоснинг зидди бўлган “хўжа кўрсин”га қилинадиган ишдан сақланишга чақиради. Чунки “хўжа кўрсин”га қилинадиган ишлар риё бўлиб, бундай амал қиёмат куни ўз соҳибига манфаат бермайди.
Риё – банданинг зоҳиран Аллоҳ таолонинг ризосини топишни,ботинан эса бошқа бир мақсадни кўзлаб қилган амалидир.
Қуръони карим оятларида ва Пайғамбаримиз Муҳаммад мустафо соллаллоҳу алайҳи васалламнинг ҳадисларида “хўжа кўрсин”га иш қилишдан инсон қайтарилган.
Жумладан, Қуръони каримда “хўжа кўрсин” учун қилинган амалига инсон ҳеч қачон савоб олмагани ҳолда, бу амали учун азобланиши муқаррарлиги тўғрисида бундай дейилади: "Мол-мулкларини одамлар кўрсинга (риёкорлик билан) эҳсон қиладиган, (аслида эса) Аллоҳга ҳам, охират кунига ҳам имон келтирмайдиганларни (Аллоҳ севмайди). Кимгаки шайтон дўст бўлса, нақадар ёмон дўст у!" (Нисо сураси, 38-оят).
Аллоҳ таоло бандаларидан баъзиларига кўпроқ, бошқасига озроқ мол-дунё ато этиб, ҳар икки гуруҳни ҳам имтиҳон қилади. Аллоҳ берган неъматларни ҳақ йўлда, Аллоҳ буюрган ўринларга сарфлаганлар, молларидан эҳсон қилганлар, муҳтожлар ҳолидан хабардор бўлганлар ана шу имтиҳондан яхши ўтишади. Аммо бу борада бахиллик қиладиган, Аллоҳ берган неъматларни тўплаб-кўпайтиришга интиладиганлар эса Парвардигор синовидан ўта олишмайди, Аллоҳ бундайларни яхши кўрмайди. Айниқса, мазкур амалларни хўжакўрсинга қилишдан заррача фойда йўқ.
“Хўжа кўрсин” га иш қилиш,ўзини катта олиш, берганини миннат қилиш, бирор нарса берса, бошқаларга овоза қилиш каби иллатлар мусулмонларга хос бўлмаган ишлардандир. Ушбу ояти каримада Аллоҳ риёкор, “хўжа кўрсин”га иш қилувчиларни шайтоннинг дўсти демоқда. Мўмин-мусулмон киши учун шайтон билан дўст деган номни олишдан оғирроқ нарса бўлмайди.
Қатода розияллоҳу анҳу айтади: «Банда қачон риё билан (хўжакўрсинга) амал қилса, Аллоҳ таоло айтади: «Бандам Мени масхара қилаётганини кўринглар!» дейди. Расулуллоҳ соллаллоҳу алайҳи васаллам риё, кибр, манманлик каби иллатларни кичик ширкка ўхшатганлар. Шайтон айнан кибри ва манманлиги туфайли лаънатга учраб, қувғин қилинган. Эҳсонини, амалини бошқалар кўриши учун учун, риёкорлик билан қилувчилар ҳам шайтон йўлидан юрган ҳисобланишади. Чунки улар Аллоҳга ва қиёмат кунига ишонишмагани учун шайтоний васвасага учишади. Шайтон эса мўминларнинг очиқ-ойдин душманидир, у фақат ёмонликка чорлайди.Унинг сўзига кирганлар эса жаннат лаззатларидан маҳрум бўлишади.
Агар ҳақиқий саодатга эришмоқчи бўлсак, ҳар бир амалда динимиз кўрсатмасига биноан иш тутишимиз, жумладан ҳар қандай “хўжа кўрсин”га иш қилишни ташлаб, одамлар ундай десин, одамлар бундай десин, деган ният билан эмас, ёлғиз Аллоҳ таолонинг розилигини кўзлаб амал қилишни ўрганишимиз лозим. Ана шунда амалларимизда риё қилмаган бўламиз. Қиёмат куни шарманда бўлмайлик десак, ихлос билан, риёсиз, фақат Аллоҳ таолонинг ёлғиз Ўзининг розилигини кўзлаб иш қилишга одатланайлик. Аллоҳ таоло амалларимизга риё аралашишидан Ўзи сақласин!
Хўжақул НИЁЗОВ,
Миришкор тумани "Помуқ" жоме масжиди имом-хатиби
Расулуллоҳ соллаллоҳу алайҳи васаллам ҳаётларидан лавҳалар: Карамлиларнинг карамлироғи(Аудио)
ЎМИ матбуот хизмати
Унутилаётган суннатлар (14-суннат): Сафарда такбир ва тасбеҳ айтиш
Мусофир тепаликка чиқаётганида такбир (“Аллоҳу акбар”) ва ҳамд айтиши (“Алҳамдулиллаҳ”), пастга тушаётганда тасбеҳ (“Субҳаналлоҳ”) айтиши лозим. Жобир розияллоҳу анҳу айтадилар: “Биз Расулуллоҳ соллаллоҳу алайҳи васаллам билан биргаликда сафарга чиқардик. Агар тепаликка кўтарилсак такбир, тушганда эса тасбеҳ айтардик” (Имом Аҳмад ривояти).
Ибн Умар розияллоҳу анҳу айтади: "Расулулоҳ соллаллоҳу алайҳи васаллам ва аскарлари агар тепаликка кўтарилишса, такбир айтишар эди. Агар пастликка тушишса, тасбеҳ айтишар эди" (Имом Абу Довуд ривояти).
Қаранг, бу жуда ҳам осон, аммо савоби улкан, гуноҳларни кетказувчи, жаннатга етказувчи бўлган амалдир. Лекин дангасалигимиз, бепарволигимиз оқибатида бунга эътибор бермаймиз, амал қилмаймиз. Кўпчилигимиз ҳатто билмаймиз ҳам. Аввал билмасак, энди билиб олдик. Энди билганимизга амал қилайлик ва бошқаларга ҳам етказайлик.
Зеро, Расулуллоҳ соллаллоҳу алайҳи васалламнинг суннатларини ёйилишига хизмат қилиш у зотга бўлган муҳаббат ва эҳтиромнинг юксак намунаси ҳисобланади. У зот соллаллоҳу алайҳи васаллам суннатларини аниқлик билан етказганларнинг ҳаққига: “Менинг гапимни эшитиб, ёдлаб, сингдириб, сўнгра етказган одамни Аллоҳ неъматлантирсин”, деб дуо қилганлар (Имом Термизий ривояти).
Аллоҳ таоло барчамизга ҳар бир ишда Расулуллоҳ соллаллоҳу алайҳи васалламнинг суннатларига амал қилишимизга тавфиқ ато этсин, омийн!
Аллоҳумма солли ва саллим ъала Муҳаммадин ва ъала оли Муҳаммад
Даврон НУРМУҲАММАД
Афинада илк янги масжид очилди
Aфина шаҳридаги илк расмий масжид пандемия туфайли кам сонли намозхонлар учун очилди. У шаҳарнинг Элеонас шаҳрида жойлашган бўлиб, 1821 йилдан бери Aфинада барпо этилган биринчи расмий масжид саналади.
“Юнонистон мусулмонлари” уюшмаси раҳбари Наим Ғадур Европадаги масжиди бўлмаган ягона пойтахт Афина аҳолиси ниҳоят ўз ибодат масканига эга бўлгани, мамлакатда 650 мингга яқин мусулмон истиқомат қилиши, уларнинг аксарияти 20 йил ичида Aфинага келиб яшаётган сунний муҳожирлар эканини таъкидлади.
Таълим ва динлар вазирлиги масжиднинг қандай талаб ва шароитда фаолият олиб бориши, жумладан, ҳозир бир вақтнинг ўзида фақат ўн киши киришига рухсат берилганини маълум қилди.
Aфина масжиди давлат маблағи ҳисобига қурилиб, 2019 йил охирида якунига етган, аммо пандемия сабаб очилиши кейинга қолдирилган. Масжид 350 кишига мўлжалланган.
“Мағрибий” масжиди имоми Заккий Сиди Муҳаммад масжиднинг расмий катта очилиш маросими пандемия сабаб бироз муддатга чўзилаётганини қайд этди.
Маълумот учун, Юнонистонда Усмонлилар давридан қолган ягона масжид мамлакат шимоли-шарқидаги Туркия билан чегарадош Фракияда бўлиб, у ерда 150 мингга яқин турклар истиқомат қилади.
Халқаро алоқалар бўлими ходими
Илёсхон Аҳмедов тайёрлади