Қозоғистон мусулмонлари идораси ва Маданият ва спорт вазирлиги ҳамкорлигида "Умумхалқ диктанти" тадбири диний-маърифий соҳа ходимлари ўртасида ўтказилди. Бу ҳақда muftyat.kz сайти хабар берди.
Қозоғистондаги мадрасалар ўқитувчи-ходимлари ва талабалари қозоқ тилининг лотин алифбосидаги ёзуви асосида бир вақтнинг ўзида диктант ёздилар.
"Умумхалқ диктанти" тадбири қозоқ алифбосининг кирил ёзувидан лотин ёзувига ўтиши муносабати билан ўтказилмоқда.
Диктантлар диний-маърифий уйғониш мавзусида ёзилгани маълум қилинди. Қозоғистон Республикаси Маданият ва спорт вазирлиги томонидан таклиф қилинган ташаббус ёзувчилар, сиёсатчилар, жамоат арбоблари, олимлар, маданият ходимлари, спортчилар ва бошқалар томонидан қўллаб-қувватланган.
ЎМИ Матбуот хизмати
