Татаристон мусулмонлари идораси қошидаги "Ҳузур" нашриёт уйи томонидан татар тилидаги Қуръони карим маънолари таржимасининг овозли шаклини тайёрлаш бўйича ишлар амалга оширилмоқда.
Тафсир матни телебошловчи Илдар Киямов томонидан ўқилмоқда. Ушбу лойиҳа устида ишлаётган ижодий жамоа таркибида 5 нафар мутахассислардан иборат бўлиб, унинг таркибига Татаристон мусулмонлари идораси шариат масалалари бўйича бўлим бошлиғи, Қуръони карим ҳофизи Бўлат Мубораков ҳам киритилган.
Ҳозирги кунда ижодий жамоа Қуръони каримнинг 48-сураси тафсири(Ал Фатҳ)ни ёзиш устида иш олиб бормоқдалар. Шу билан бир қаторда аудиоёзувни монтаж ва қайта ишлаш ишлари ҳам давом эттирилаётгани қайд этилган.
Ўзбекистон мусулмонлари идораси Матбуот хизмати
