Сўнгги 12 йил ичида Истанбулнинг энг муҳим ёдгорликлари ва маданий меросларидан бири бўлган тарихий Ая-София масжидини 31 миллиондан ортиқ сайёҳ зиёрат қилди.
Dailysabah нашри хабар беришича, 1935 йилдан бери Истанбулда музей сифатида фойдаланиб келинаётган Ая-София тарихий масжиди жорий йилнинг биринчи ярмида 1,8 миллион сайёҳни жалб қилди ва шу йил охирига келиб бу сон уч миллион кишига етиши кутилмоқда.
Тарихий масжид 2007 йилдан 2018 йилгача 31 миллионга яқин сайёҳларни жалб қилди, уларнинг энг кўп сони 2014 йилга тўғри келади (2014 йилда 3,5 миллион сайёҳ).
Эрамизнинг 6-асрида Византия империяси (Шарқий Рим империяси) томонидан қурилган Ая-София ибодатхонаси юнон православ черкови сифатида ишлатилган, 1453 йилда Усмонли империяси томонидан Истанбул фатҳ этилгандан кейин масжидга айлантирилган.
Ўзбекистон мусулмонлари идораси Матбуот хизмати
