Икки Муқаддас Масжид Бош раислиги маълум қилишича, Маккадаги Масжидул Ҳаромнинг 210 та дарвозасига мўминларга хизмат кўрсатишни яхшилаш учун 600 дан ортиқ ходим жойлаштирилган. Бу ҳақда islam.ru маълум қилган.
Масжид Ҳаром дарвозалари бўлими бошлиғи Фаҳад Aл-Маликийнинг айтишича, дарвоза ходимлари зиёратчилар ва намозхонлар масжидга юк, озиқ-овқат ва бошқа тақиқланган нарсаларни олиб кирмаслигини, унинг тозалигини, одамларнинг қулай ва хавфсиз ибодат қилишларини таъминлайди.
Унинг қўшимча қилишича, масжиддаги дарвозаларнинг номлари ва рақамлари намозхонларнинг адашиб қолишининг олдини олади ҳамда уларнинг ҳаракатланиши ва чиқишини осонлаштиради.
Ўзбекистон мусулмонлари идораси Матбуот хизмати
