Ўзбекистон янгиликлари

Халқаро Қуръон мусобақасида Олий маъҳад ўқитувчиси қатнашади

Эртага, 17 февраль шанба куни Иордания пойтахти Аммон шаҳрида Иордания Ҳошимийлар Қироллигидаги Вақфлар, Ислом ишлари ва Муқаддас жойлар вазирлиги томонидан аёл-қизлар ўртасида 18-халқаро Қуръони каримни ёддан ўқиб бериш ва тиловат қилиш бўйича мусобақа бошланади.

 Вазирлик матбуот котиби доктор Aли ал-Дақамсеҳ баёнотида мазкур мусобақанинг 22 февраль, пайшанба кунига қадар давом этиши ва вазирлик томонидан ўтказиладиган катта байрамда ғолибларга совғалар тақдим этилишини маълум қилди.

Ушбу мусобақада Ўзбекистон вакили сифатида Тошкент ислом институти “Қуръони карим ва тажвидни ўргатиш ўқув курси” ўқитувчиси Шоҳиста Нурматова иштирок этади.

Аллоҳ таоло қориямизга нуфузли мусобақада муваффақият ато этсин.

Ўзбекистон мусулмонлари идораси

Матбуот хизмати

Read 395 times

Янгиликлар

Top