Бизга кўп нарса ўз-ўзидан бўлиб қолаётгандек туюлаверади. Гўё тинчлик, осудалик ҳам ўз маромидадек. Лекин бу икки неъматнинг бардавом бўлиши ҳаммага боғлиқ. Ирмоқлар қўшилиб сой, сойлар қўшилиб дарё ва денгиз бўлгани сингари ҳар ким ўз уйини асраши, маҳалласи осудалигига ҳисса қўшиши натижасида бутун юртнинг тинчлиги таъминланади, аслида.
Бугун Тошкент вилояти бош имом-хатиби Жасурбек домла Раупов Бўка тумани "Тошлоқ" масжидига ташриф буюрди.
Жамоат билан учрашиб, дилдан суҳбатлашган Жасурбек домла уларга "Тинчлик ва осудаликни таъминлаш - савоби улуғ амал" мавзусида мавъиза қилиб берди.
Масжидда намозхонларга яратилган шарт-шароит кўздан кечирилди. Зарур тавсиялар берилди.
Хайрли дуолар билан ташриф ниҳоясига етди.
Тошкент вилояти вакиллиги
Матбуот хизмати
