Маълумки, Ўзбекистон заминида жуда кўп тарихий обидалар мавжуд. Уларнинг баъзилари 3000 йилдан ортиқ тарихга эга, деб ёзмоқда “Спутник” халқаро ахборот агентлиги. Хусусан, Тошкент шаҳрида “Ҳазрати Имом” мажмуаси ва у ерда 7-асрга тегишли Қуръони каримнинг “Ҳазрати Усмон Мусҳафи”ни кўриш мумкин. Шунингдек, Бухоро шаҳрида кўплаб масжид-мадрасалар ва тарихий обидалар мавжуд. Ана шундай машҳур обидаларнинг бири Баҳоуддин Нақшбанд ёдгорлик мажмуасидир. Баҳоуддин Нақшбанд раҳматуллоҳи алайҳ XIV асрда яшаб ўтган улуғ олимлардан бўлиб, Нақшбандия тариқати асосчиси ҳисобланади. Бу зот одамларни камтарин бўлишга ва ҳашаматларга берилмасликка тарғиб қилганлар. Буюк аллома Бухоро ёнидаги Қасри Ҳиндувон (Қасри Орифон) қишлоғида дафн этилган. Баҳоуддин Нақшбанд мақбарасига турли мусулмон давлатлардан кўплаб меҳмонлар ташриф буюришади.

Туристларга эслатма…

Бугун Ўзбекистонда сайёҳларда мамлакат ҳақида ёрқин таассуротлар қолиши учун барча ишлар қилиняпти. Бунинг учун туризм инфратузилмасини ривожлантириш жараёни бошланди. 2018 йил 10 февралдан бошлаб Исроил, Индонезия, Жанубий Корея, Малайзия, Сингапур, Туркия, Япония каби давлат фуқароларига 30 кунлик муддатга визасиз тартиб жорий этилди. Шунингдек 39 та давлат фуқаролари учун тартиб соддалаштирилди. Шу билан визасиз тартиб 16 давлат фуқаролари учун қўлланилади.

Шу кунларда визасиз тартиб билан 9 та давлат фуқаролари фойдаланар эди: Озарбайжон, Арманистон, Беларусия, Грузия, Қозоғистон, Молдова, Россия, Украина ва Қирғизистон.

Ҳозирги вақтда сайёҳлик визаларини икки кун ичида расмийлаштириш тартиби соддалаштирилди: Европа, Малайзия, Таиланд, Туркия ва Япония визасиз тартиб МДҲ (Тожикистондан ташқари) ва Грузия билан ўрнатилган.

2018 йил 1 майдан хорижий йўловчилар келганда уларга қисқа муддатли кириш визалар бериш бошланади. Шу йил ёз мавсумида электрон шаклда “E-Visa” бериш тизимини йўлга қўйиш режалаштирилмоқда. Энди саёҳлар барча ҳужжатларни интернет орқали юбориб, қисқа муддатда жавоб олишлари мумкин. Электрон виза олиш учун тўловлар халқаро тўлов карталар (Visa ва MasterCard) орқали қабул қилинади.

Миллий авияташувчи ўзининг парвозларини кўпайтирмоқда. Хусусан, Скандинавия, Бенелюкс, Жанубий-Шарқий Осиё таркибига кирувчи давлатлар билан тўғридан-тўғри парвозлар йўлга қўйилмоқда.

Ўзбекистон АҚШ сайёҳлари учун энг ишончли ва хавфсиз бўлган давлатлар рўйхатига киритилди. Бу ҳақда АҚШ Давлат департаментининг 10 январдаги ҳисоботида айтилди.

Буларнинг барчаси яқин келажакда Ўзбекистон сайёҳлар учун энг қизиқарли давлатлар рўйхатига киришидан далолат беради.

Ўзбекистон мусулмонлари идораси Матбуот хизмати