Аёл эркакнинг бир умрлик ҳамроҳи. Ҳаётда ҳеч ким ота ва онанинг ўрнини боса олмаганидек, аёлнинг ўрнини ҳам бошқа кимсалар боса олмайдилар. Аллоҳ таоло бу икки жинс вакилларини бир-бирларига муҳтож қилиб қўйди ва уларнинг қалбларида ўзаро бир-бирларига доимий интилиш пайдо қилди.

Аллоҳ таоло бундай марҳамат қилади: “Унинг оятларидан (яна бири) У зот сизлар ором олишларингиз учун ўзларингиздан жуфтлар яратиши ва ўрталарингизда ошнолик ва меҳр-муҳаббат пайдо қилишидир. Албатта бунда тафаккур қиладиган қавм учун оят-ибратлар бордир” (Рум, 21-22).

Абдуллоҳ ибн Амр розияллоҳу анҳумодан ривоят қилинади: Расулуллоҳ соллаллоҳу алайҳи васаллам: “Дунё бир матодур. Дунё матосининг яхшиси солиҳа хотиндур”, дедилар (Муслим, Насоий, ибн Можа ва Байҳақий ривояти).

Яна айтдилар: “Уч нарса одам боласининг бахти саналади: солиҳа аёл, яхши маскан, яхши улов. Одам боласининг бахтсизлигида эса қуйидаги учта нарсада кўринади: ёмон хотин, ёмон маскан ва ёмон маркаб” (Аҳмад, Табароний, Баззор ва Ҳоким ривояти).

Бошқа бир ҳадисда ўша солиҳа жуфт ҳалолнинг тўртта асосий сифатлари баён қилинади. Абу Умома розияллоҳу анҳудан ривоят қилинади. Пайғамбаримиз соллаллоҳу алайҳи васаллам: “Мўмин Аллоҳга тақво қилишдан кейин солиҳа хотинчалик унинг учун фойдалик нарсани топа олмайди – унга иш буюрса, итоат қилади; унга қараса хурсанд қилади; унинг устидан қасам ичса эзгулик қилади; ундан ғойиб бўлса ўз нафси ва унинг (яъни эрининг) молига насиҳатда бўлади”, деганлар (Ибн Можа ривояти).

Аллоҳ таоло Каломи Қадимда бундай марҳамат қилади:

“…Улap сизлap учун либoс, сизлap улap учун либoсдиpсизлap…” (187-оят).

Пайғамбаримиз соллаллоҳу алайҳи васаллам айтдилар: “Сизларнинг бирортангиз аёлига қўшилишида садақа бордир”.

“Ё Аллоҳнинг Расули! Бирортамиз шаҳватини қондирса, бу нарсада унга ажр ҳам борми?” дея сўрашди. Айтдилар: “Агар ҳаром йўл билан қондирганида, унга гуноҳ бўлармиди?”.

“Ҳа”, деб жавоб беришди.

“Худди шундай, агар ҳалол йўл билан қондирса унга ажр бўлади”, дедилар Расулуллоҳ соллаллоҳу алайҳи васаллам (Муслим, Абу Довуд ва Аҳмад ривояти)

 Улуғбек қори Йўлдошев,

Асака туманидаги “Муҳаммадсолиҳ ҳожи” жоме масжиди ходими.

Ўзбекистон мусулмонлари идораси тасарруфидаги 3 та олий ва 10 та ўрта махсус диний таълим муассасалари талабалари ўртасида “Баркамол авлод” спорт мусобақасининг таълим муассасалари кесимидаги саралаш босқичи бўлиб ўтди.

Талабалар ўртасида спортнинг кураш, тош кўтариш, стол теннис ва шахмат спорт турлари бўйича таълим муассаса кесимидаги беллашувда биринчи ўринни эгаллаган иштирокчилар мусобақанинг республика босқичида қатнашиш имкониятини қўлга киритди.

Маълумот ўрнида, Ўзбекистон мусулмонлари идораси тасарруфидаги олий ва ўрта махсус диний таълим муассасалари талабалари ўртасида “Баркамол авлод – 2024”  спорт мусобақасининг республика босқичи 2024 йилнинг 15-16 май кунлари Бухоро шаҳридаги “Мир Араб” ўрта махсус ислом таълим муассасасида ўтказилади.

Эслатиб ўтамиз, мазкур мусобақа ҳар икки йилда бир марта ўтказилади. 

Ўзбекистон мусулмонлари идораси

Матбуот хизмати

Cавол: Мен қизларим учун тилла тақинчоқлар олиб қўйганман. Шулардан закот чиқараманми?

Жавоб: Бисмиллаҳир Роҳманир Роҳийм. Агар тилла тақинчоқлар қизларнинг ўзига мулк қилиб берилган ва улар балоғатга етган бўлса ҳамда тилласи ҳам нисобга етган бўлса, ўзлари закот беради.

Агар нисобга етмаган бўлса ёки нисобга етган бўлса-ю, балоғатга етмаган бўлса, закот бермайди.

Агар кейинчалик, масалан, турмушга узатаётиб бераман деб тилла олиб қўйган бўлсангиз, бу сизнинг мулкингиз бўлади ва сиз ўзингиздаги нақд пул ёки тилла тақинчоқларингизга қўшиб закот чиқарасиз. Бу ҳақда Аллома Ибн Обидин раҳимаҳуллоҳ бундай деганлар: “(Тилла ва кумушнинг) иккисидан ҳар бирининг зарб қилинганида, истеъмолдагисида, хоҳ у ишлов берилмаган руда ҳолатда бўлсин, хоҳ истеъмоли мубоҳ ёки мубоҳ бўлмаган тақинчоқ бўлсин, хоҳ зийнат учун бўлсин, хоҳ бировга бериш учун бўлсин, закот чиқариш лозим. Чунки бу иккиси нарсаларнинг баҳоси – пул қилиб яратилган. Шундай экан, у иккиси қандай бўлмасин улардан закот берилади” (“Раддул муҳтор” китоби).

“Закот беришнинг фарз бўлиши ақлли бўлиш ва балоғатга етишдир. Шунга кўра, мажнун ва балоғатга етмаган бола зиммасига закот бериш вожиб бўлмайди. Чунки закот ибодатдир ва ибодатлар бу икки тоифа инсонларга фарз эмасдир” (“Раддул муҳтор” китоби). Валлоҳу аълам.

Ўзбекистон мусулмонлари идораси Фатво маркази

Кунларнинг бирида Расулуллоҳ соллаллоҳу алайҳи васаллам ёлғиз ўзлари йиғлаб ўтирардилар. Шу пайт Аллоҳ таоло ушбу оятни нозил қилди...

Жорий йил 1 май куни “Ҳидоя” ўрта махсус ислом билим юрти талабалари “Аждодлар меросини ўрганиш” мавзусида Наманган вилоятидаги Исҳоқхон тўра Ибрат мактаби, Президент мактаби ва Ахсикент археология парки таркибидаги Янги Ахси мажмуасига саёҳат уюштирилди.

Саёҳат давомида мазкур жойлар ҳақида тарихий манбалар асосида батафсил тушунчалар берилди.

Шунингдек, талабалар мажмуа таркибидаги музей экспонатлари, китоб ва эски қўлёзмалар билан яқиндан таниш асносида ўзларини қизиқтирган саволларга мутахассислардан атрофлича жавоб олдилар.

Диний таълим муассасаларда бундай тадбирларнинг тез-тез ўтказиб турилиши талабаларнинг ўтмиш тарихимиз билан яқиндан танишиш билан бирга бугунги ҳаётимизга шукроналик ва келажагимизга ишонч туйғуларининг шаклланишига асос бўлади, иншоАллоҳ. 

Ўз мухбиримиз