“Аллоҳ сизларни тупроқдан, сўнгра нутфадан яратиб, кейин жуфт-жуфт қилиб қўйди” “Ва Унинг оят-белгиларидан сизларга сокинлик топишингиз учун ўзингиздан жуфтлар яратганлиги ва ораларингизда меҳру муҳаббат ва марҳаматини солиб қўйгандир. Албатта, бунда тафаккур қиладиган қавмлар учун оят-белгилар бордир”, деб инсонларни бир-бири билан муҳаббат ила яшашлик учун меҳрибонлик қилган зотга ҳамду санолар бўлсин.

“Эй ёшлар жамоаси, сиздан ким никоҳга қодир бўлса, уйлансин. Албатта, у кўзни тўсувчи ва фаржни сақловчидир. Ким қодир бўлмаса, рўзани лозим тутсин, бу унинг учун бичилишдир”, деб ёшлик даврида муносиб оила қуришга тарғиб қилган Расулуллоҳ соллаллоҳу алайҳи васалламга салавоту саломлар бўлсин.

Севикли Пайғамбаримиз соллаллоҳу алайҳи васаллам саҳобаларга: “Ахлатхонада битган гулдан эҳтиёт бўлинг”, дедилар.

Асҳоблар:  “Ахлатхонада битган гул қандай гул, ё Расулуллоҳ?” деб сўрадилар.

Пайғамбаримиз алайҳиссалом: “Ёмон муҳитда, исломий тарбиядан узоқ, ахлоқсиз бир оилада етишган аёл”, деб жавоб бердилар.

Саҳобийлар: “Эй Аллоҳнинг Расули, аёлларнинг қандоғи энг яҳшисидир”, деб сўрадилар.

Пайғамбаримиз алайҳиссалом: “Қачон назар солса, сурур бағишлайдигани; қачон амр қилса, итоат қиладигани ва эрига ўз жонида ва молида у ёқтирмайдиган нарса ила хилоф қилмайдигани”, дедилар

“Бир киши аёлига муҳаббат билан боқса ва аёли ҳам унга шу кайфиятда юзланса, Аллоҳ таоло иккаласига ҳам раҳмат назари билан қарайди ва қўлларини қўлларига қўйганларида иккаласининг ҳам гуноҳлари бармоқлари орасидан тўкилиб кетади” (Саҳиҳи Муслим).

Али ибн Абу Толиб айтадилар: “Ёмон хотин мисоли чиройли кийинган чаённинг ўзидир”.

Умар ибн Хаттоб: “Хотинларга итоат этманг. Уларга қаршилик қилиб турмасангиз, уйдан барака кетади”, дедилар. Хотиннинг нафсоний орзуларига бўйсунган ҳар бир эркакни Аллоҳ жаҳаннам оташига отмай қўймайди.

Абулқосим Замахшарий айтадилар: “Хотин зоти агар қалбинг улар ишқига гирифтор бўлганини сезса, бурнингни тупроққа ишқалайди”.

Ушбу насиҳатларга амал қилган ҳолда мазкур сўзларга ҳам қулоқ солайлик. “Энг яхши хотин шундай хотинки, у ҳаёли ва ориятли бўлади. Энг муҳими, оилада тўкин-сочинлик ва бараканинг сабабчиси бўлади”. Шундай одамлар борки, муҳаббат бўстонини оралаб, уйланишга қадам қўймайдилар ва бу файзу боғининг гулзоридан гуллар термайдилар, доимо ғам уйида ўзлари якка-ю танҳо ўтирадилар.

Эркакларнинг камолоти шуки, ким ота-онасига яхшилик қилса, силаи раҳим ришталарини боғласа, аҳли аёли ва фарзандлари билан ҳам хулқини яхши қилса, динини сақласа, молини ҳаромдан ислоҳ қилса, унинг ортиғидан инфоқ-эҳсон берса, тилини сақласа, ўз уйини лозим тутса, (яъни ишдан вақтида келса), ўша эркакнинг камолотидир (Фузайл ибн Иёз).

Афсуски бугун шундай эркаклар кўпайиб бормоқдаки, мўъжазгина оиласи, гулдай аёли, кўзмунчоқдек фарзандлари туриб, бошқа “ахлатхона”да ўсган гулзорларга оралаб кетмоқда.

Шундай аёллар борки, бир юмуш излаб ишга киради-ю унга раҳим қилиб ишга олган раҳбарининг молу давлати ва шуҳратига кўз олайтиради, ҳар хил нозу ишвалар қилиб ўзига қаратиб олади-да сўнг унинг оиласини бузишга, фарзандларини тирик етим қилишга киришади.

Бу – энг жирканч ва қабиҳ ишдир. Айни дамда шуни ҳам айтиб ўтиш жоизки, қайси касб эгаси бўлмасин ўз қўл остидаги ишчи-хизматчи аёллар билан ишқий муносабатга киришиб кетадиганлар ҳам бор. Бу иш ақлсиз бошни елкда кўтариб юришдир. Бегона аёлни севиш – саримсоқ ейишнинг ўзгинаси. Уни ҳарчанд беркитишингга қарамай, охир-оқибат унинг хиди билиниб қолади.

Ўз оиласи бўла туриб қандайдир иффатсиз аёлга меҳрибончилик қиламан деб уни яширинча никоҳига оладиганлар ҳам бор. Оҳир-оқибат, сири бир кун ошкора бўлганида дўст-у  душманининг олдида уятга қолади. Меҳр-муҳаббатдан, соф иффатли аёлидан, исломий оиласидан мосуво бўлади. Синган нарса ўз аслидай бўлмайди. Йўқотилган ишонч қайтиб тиккаланмайди. Покиза, иффатли хотиннинг ўз эридан кўрган хиёнати ҳеч қачон қалбдан ўчмайди. Ачинарлиси, ишонч ва беғуборлик йўқолади. Эркак киши салобатидан мосуво бўлади.

Аллоҳ таоло ана шундай шармандаликдан сақласин. Оила мўъжазгина бир жамиятдир, бутун инсоният жамиятининг дахлсизлиги ҳам унинг жипслигига боғлиқ. Барчамизни оилаларимиз билан муҳаббат риштаси воситасида жипслаштирсин. Омин...

Абдужаббор РАСУЛОВ,

Марҳамат туманидаги “Сулаймон Сирли” жоме масжиди имом-хатиби

2018 йилнинг 16 май куни Ўзбекистон Республикаси Ташқи ишлар вазирлигида Туркия Республикаси фавқулодда ва мухтор элчиси Аҳмет Башар Шен билан учрашув бўлиб ўтди. Бу ҳақда ТИВ ахборот хизмати хабар берди.

Суҳбат чоғида Ўзбекистон-Туркия муносабатларининг амалий жиҳатлари муҳокама қилинган.

Учрашувда 2018 йилнинг 18 май куни Истанбул шаҳрида бўлиб ўтадиган Ислом ҳамкорлик ташкилотининг (ИҲТ) навбатдан ташқари саммитида Ўзбекистон Республикаси Олий Мажлиси Сенати раиси Ниғматилла Йўлдошев бошчилигидаги делегация иштирок этиши элчига расман маълум қилинди.

ЎМИ Матбуот хизмати

Ҳужжат билан ислом банк иши ва молияси принциплари асосида татбиқ этилувчи банк-молия хизматлари тузилмаси тасдиқланиши мумкин. Шунингдек, ислом банк иши ва молияси принципларини ишлаб чиқиш ва татбиқ этиш бўйича Комиссия тузилади.

Комиссияга қуйидаги вазифалар юкланади:

Республикада банк иши ва молия бўйича ислом принципларини татбиқ этиш учун тегишли инфратузилмани яратиш, унда фоиз (рибо) кўринишида мукофотлаш, тадбиркор билан даромад ва зарарни лойиҳадаги иштирок улушига пропорционал тарзда тақсимлаш, шунингдек ислом молиялаштирилиши бошқа принциплари назарда тутилади;

суғурта фаолиятини (такафул), лизинг фаолиятини (ижара), қимматли қоғозлар билан операциялар фаолияти ва ислом молияси тамойилларига асосланган бошқа операцияларни амалга ошириш бўйича ислом банк ва молия инфратузилмаси принципларини татбиқ этиш бўйича норматив-ҳуқуқий актларни қонун ҳужжатларида белгиланган тартибда ишлаб чиқиш ва тасдиқлаш учун киритиш ишларини ташкил этиш;

тегишли норматив-ҳуқуқий актлар лойиҳасини тезда кўриб чиқиш, мувофиқлаштириш ва тасдиқлашни таъминлаш мақсадида вазирликлар, идоралар, шунингдек бошқа манфаатдор ташкилотлар фаолиятини мувофиқлаштириш;

ислом банк иши ва молия принциплари асосида банк-молия хизматлардан фойдаланишнинг афзалликлари ва имкониятларини аҳоли ва тадбиркорлик субъектлари ўртасида кенг ёритиш бўйича чора-тадбирларни қабул қилиш.

Белгиланишича, республикада банк иши ва молия ислом принципларини татбиқ этиш лойиҳасини амалга ошириш бўйича Комиссиянинг ишчи органига Молия вазирлиги томонидан ташкил этилувчи «ташаббус гуруҳи» айланади.

Шунингдек, ҳужжат билан Ислом тараққиёт банки грантини жалб этган ҳолда «Ўзбекистон Республикасида ислом банк иши ва молияси инфратузилмасини татбиқ этиш учун қонунчилик асосларини яратиш» ишчи лойиҳасини амалга ошириш белгиланган.

Бундан ташқари, Ўзбекистон ҳукуматига Ислом тараққиёт банки билан мувофиқлаштирилган Ишчи лойиҳасини амалга ошириш бўйича йўл харитаси лойиҳасини ишлаб чиқиш ҳамда тасдиқлаш учун киритиш айтилган.

Қарор лойиҳаси муҳокамаси 2018 йил 31 май кунига қадар давом этади.

ЎМИ Матбуот хизмати

ЎМИ Матбуот хизмати

Ҳурматли порталимиз мухлислари! Сиз азизларни кириб келаётган Рамазони шариф билан муборакбод этамиз.
Сайт ижодкорлари Сизга мамнуният билан шуни маълум қиламизки, анчадан бери амалга оширишни режалаштириб юрган “Muslim Radio” лойиҳамиз раҳмат ойи остонасида ўз якунига етди. Ҳозирда мухлисларга тақдим этиш учун тайёр бўлди.
Эртага муборак Рамазон ойининг биринчи кунида интернет радиомиз ўз фаолиятини бошлайди, иншоаллоҳ.
Онлайн радиода сизга манзур ва манфаатли бўладиган мавзуларда маърифий суҳбатлар, дунёга машҳур қорилар ва юртимиз ҳофизи Каломларининг гўзал тиловатлари ҳамда “Минг бир ҳадис”, “Қуръони карим маънолари таржимаси”, “Аёллар саҳифаси”, “Онлайн дарслар”, “Зиёратгоҳлар”, “Саволларга жавоблар”, “Кун янгиликлари” ва “Аудио китоб” каби кўплаб рукнларда эшиттиришларни тинглаб баҳраманд бўласиз.
Ушбу онлайн радио барчамизга муборак бўлсин!

Ўзбекистон мусулмонлари идораси
Матбуот хизмати