muslim.uz

الجمعة, 19 كانون2/يناير 2018 00:00

Шавкат Мирзиёев Қозоғистонда ҳалок бўлганларнинг оила аъзоларига ҳамдардлик билдирди

Қозоғистоннинг Ақтўбе вилоятида рўй берган, кўплаб ўзбекистонликларнинг ўлимига олиб келган фожиа муносабати билан Ўзбекистон Республикаси президенти Шавкат Мирзиёев марҳумларнинг яқинларига ҳамдардлик билдирди.

«Шавкат Мирзиёев ҳалок бўлганларнинг оила аъзолари ва яқинларига чуқур ҳамдардлик билдиради», — дейилди «Ўзбекистон» телеканали «Ахборот» дастурида.

Бугун, 18 январь куни Қозоғистоннинг Актўбе вилояти Ирғиз тумани ҳудудидан ўтувчи «Самара-Чимкент» автомобил йўлининг 1068 кмда Калибой аҳоли яшаш пунктидан 10 км узоқликда «Икарус» русумли автобус ёниб кетди. Ушбу икки қаватли автобусда жами 57 киши бўлган, фақат 5 киши ундан чиқа олган, қолган 52 киши ҳалок бўлган. Ҳозирча ҳалок бўлганларнинг шахси аниқланмаган.

Шавкат Мирзиёев топшириғи билан Қозоғистонда кўплаб ўзбекистонликларнинг ҳалок бўлишига олиб келган фожиа сабабларини ўрганиш юзасидан бош вазир Абдулла Арипов бошчилигида ҳукумат комиссияси ташкил этилган. Айни вақтда ушбу комиссия Ақтўбе шаҳрига учиб кетган.

Махсус ҳукумат комиссиясига Қозоғистон вакиллари билан ҳамкорликда содир бўлган фавқулодда вазият сабабларини ўрганиш, мамлакат фуқаролари шахсини аниқлаш вазифалари юклатилган.

Шунингдек, комиссия ҳалок бўлганларнинг таналарини мамлакатга олиб келиш, уларнинг оилаларига зарур ёрдамни кўрсатиш билан шуғулланади.

Манба: http://kun.uz/

Published in Ўзбекистон янгиликлари

الخميس, 18 كانون2/يناير 2018 00:00

Эртага Самарқандда Қуръон мусобақаси давом этади

19 январь куни Қуръон мусобақасининг ҳудудий босқичида кория аёл-қизларимиз иштирокида бўлиб ўтади. Ушбу мусобақа muslim.uz расмий сайти ҳамда Facebook.com ижтимоий тармоғидаги саҳифаси орқали онлайн эфирда узатилади.

Ҳурматли Қуръон ихлосмандлари барчангизни Самарқандга бўлиб ўтаётган Қуръон мусобақасига таклиф этамиз.

Қуръон байрамингиз муборак бўлсин.

ЎМИ матбуот хизмати.

Published in Ўзбекистон янгиликлари

الخميس, 18 كانون2/يناير 2018 00:00

Самарқандда ўтказилган мусобақа ғолиблари эълон қилинди

Самарқанд вилояти Пастарғом туманида бўлиб ўтган Қуръон мусобақасининг ҳудудий босқич ғолиблари эълон қилинди.

Эркак иштирокчилар ўртасидаги ғолиблар:

Ҳифз йўналиши

18-25 ёш:

1-ўринга Хушвақтов Аҳмаджон;
2-ўринга Зубайдуллаев Раҳматуллоҳ муносиб деб топилди

26-40 ёш:

1-ўринга Ғаниев Муҳаммаджон;
2-ўринга Абдураҳмонов Ҳабибуллоҳ;
3-ўринга Ёшузоқов Абдумалик муносиб деб топилди.

Тиловат йўналиши

18-25 ёш:

1-ўринга Қурбонов Абдулло;
2-ўринга Темиров Маҳмуджон;
3-ўринга Мусаев Жалолиддин муносиб деб топилди.

26-40 ёш:

1-ўринга Жўраев Иброҳим;
2-ўринга Бегимқулов Турсун;
3-ўринга Жўраев Шахбоз муносиб деб топилди.

Ҳудудий босқич ғолиблари Ўзбекистон мусулмонлари идораси ҳамда ҳомийлар томонидан диплом ва қимматбаҳо совғалар билан тақдирландилар.

Бизни кузатишда давом этинг, Самарқанднинг бошқа ҳудудлари бўйлаб мусобақалар давом этади.

Ўзбекистон мусулмонлари идораси Матбуот хизмати

Published in Ўзбекистон янгиликлари

الخميس, 18 كانون2/يناير 2018 00:00

Қорилар мусобақасини қўллаб-қувватлаш ҳисоб рақами очилди

Ўлкамизда бошланган қорилар мусобақаси интиқлик билан кутилган қувончу шодликларни олиб келди. Мусобақа бошланган кундан бери одамлар фақат қориларнинг ҳузурбахш тиловатлари, юзларидаги нур, хонадонлардаги Каломуллоҳ такрорлари ва ўзларидаги руҳий таскин ҳақида сўз қилишмоқда. Барча ёшу қари, эркагу аёл навбатдаги Қуръон мусобақасини сабрсизлик билан кутишмоқда, ҳатто айримлар шаҳару қишлоқларни кезиб, ҳар бир ҳудуд босқичини кузатиб боришмоқда.
Мусобақанинг илк йилидаёқ иштирокчилар сони салкам беш ярим минг нафар бўлгани жуда ҳам қувонарли ҳолат. Аслида уларнинг сони бундан ҳам кўп бўлиши мумкин, келгуси йилда бу рақам бир неча бараварга ошади, иншоаллоҳ.
Мана шундай қориларимиз орасидаги мутлақ ғолибларни тақдирлаш ва барча қори иштирокчиларга эсдалик совғалари топшириш ишлари Диний идора, жойлардаги вакиллик ва ҳомийлар томонидан амалга ошириб келинмоқда.
Шу билан бир қаторда қориларнинг қўшимча равишда тақдирлашни истаган, фарзанду аржумандлари ҳам дунёда мана шундай кўзни қувонтирадиган, Охиратда эса ота-онасига тож кийдирадиган қорию қурролар бўлишини ният қилган узоқ-яқиндаги саховатпеша кишиларимиз ҳиммати учун “Ўзбекистон Қуръон мусобақаси” махсус ҳисоб рақам очилди.
Эндиликда хайр-саховатларини қори ва қорияларга нисор этишни истаган юртдошларимиз қуйидаги ҳисоб рақамга мурувват қилишлари мумкин.
Ташкилий ҳайъат
Ўзбекистон мусулмонлари идораси,
ЎзРес. ТИФ МБ Тошкент шаҳар Амалиёт бошқармаси,
Ҳисоб рақам: 20212000900110363053,
МФО: 00451,
ИНН: 201753892.

Мурожаат учун телефонлар: 8-371-148-77-70, +998-99-898-72-77.

Ўзбекистон мусулмонлари идораси Матбуот хизмати

Published in Ўзбекистон янгиликлари