Матнни oлий тоифали сухандон Шуҳрат Қаюмов ўқиган

Мамлакатиммиз Президенти Шавкат Мирзиёев ўзларини маърузаларида, давлат органлари раҳбарлари билан бўлган учрашув ва мулоқотларда асосан жамиятда ҳуқуқий онг ва ҳуқуқий маданиятни юксалтириб бориш қонун устуворлигини таъминлаш ва қонунийликни мустаҳкамлашнинг энг муҳим шартларидан биридир деб бежизга таъкидлаб ўтмаганлар.

Ҳақиқатдан ҳам жамиятда фуқароларнинг ҳуқуқий саводҳонлиги даражаси талаб даражасига кўтарилмаганлиги, ҳуқуқий таълим ва тарбия борасидаги ишлар тизимли ва узвий олиб борилмаётганлиги, шаҳсий манфаатлар ҳамда жамият манфаатлари ўртасидаги мувозанатни сақлаш ғояларини аҳоли онгига сингдириш ишларининг етарли олиб борилмаслиги ва бошқа қатор муаммолар қонун устуворлигини таъминлашга ўзининг жиддий салбий таъсиринри кўрсатиб келаётганлиги жамиятда ҳуқуқий онг ва ҳуқуқий маданиятни юксалтириш тизимини тубдан такомиллаштиришга туртки бўлди.

Шу нуқтаи назардан Ўзбекистон Республикаси Президентининг 9-январ 2019 йилдаги “Жамиятда ҳуқуқий онг ва ҳуқуқий маданиятни юксалтириш тизимини тубдан такомиллаштириш тўғрисида”ги         ПФ- 5618 сонли Фармони қабул қилинган бўлиб, мазкур Фармон эндиликда аҳолига мамлакатимизда амалга оширилаётган ижтимоий-иқтисодий ислоҳотлар, қабул қилинаётган қонун ҳужжатлари ва давлат дастурларининг мазмун ва моҳиятини изчил етказиш тизимини  шакллантириш, фуқаролар онгида “Жамиятда қонунларга ҳурмат руҳини қарор топтириш-демократик ҳуқуқий давлат қуришнинг гаровидир!”-деган ҳаётий ғояни мустаҳкамлашга, ёш авлодни онгига ҳуқуқ ва бурч, ҳалоллик ва поклик тушунчаларини ҳамда одоб-ахлоқ нормаларини чуқур сингдириб бориш, Конституциянинг муҳим жихатларини уларга болалигидан бошлаб ўргатишга ундамоқда.

Жамиятда ҳуқуқий онг ва ҳуқуқий маданиятни юксалтириш “шаҳс-оила-маҳалла-таълим муассасаси-ташкилот-жамият” принципи бўйича тизимли ва узвий ташкил этилиши белгиланмоқда ҳамда бу борада хуқуқий маданиятни юксалтириш концепцияси мазкур Фармоннинг 1-иловаси сифатида, шунингдек, 2019 йилга мўлжалланган “Йул харитаси”                      2-иловага мувофиқ тасдиқланди ҳамда мазкур Концепциянинг асосий мақсади аҳолининг барча қатламлари ҳуқуқий саводҳонликка эришиши, мустахкам иродали, ўз ҳуқуқларини биладиган ва қонунларни ҳурмат қиладиган, ҳуқуқий билимларини кундалик ҳаётда қўллай оладиган, фаол фуқаролик позициясига эга бўлган ва ҳуқуқбузарликка нисбатан муросасиз муносабатда бўладиган фуқароларни тарбиялашнинг кенг қамровли мунтазам тизимини яратишдан иборатдир.

Аҳолининг ҳуқуқий онги ва ҳуқуқий маданиятини юксалтиришга муносиб хисса қўшган давлат органлари ва ташкилотлари ҳодимларига ҳуқуқий саводҳонлигини оширишда кўрсатган ҳизматлари учун топшириладиган “Ҳуқуқий тарғибот ишлари аълочиси” кўкрак нишонини таъсис этилиши тўғрисидаги таклиф ҳам маъқулланди.

Бир сўз билан айтганда жамиятда ҳуқуқий онг ва ҳуқуқвий маданиятни юксалтириш, қабул қилинаётган қонунлар ва бошқа норматив хужжатларни мазмун-моҳиятини аҳолига ўз вақтида ва сифатли етказишни тарғиб қилишда барча мансабдор шаҳслар энг аввало масъул эканликлари баробарида якунда ўз меҳнатлари самараси учун ҳукуматимиз томонидан муносиб тақдирланадилар.

Бу борада эндиликда тарғибот ишларини юзаки, кўзбўямачилик билан эмас балки инновацион ривожланиш даврида бўлганимиз учун тарғиботни турли ҳил тадбирлар кўринишида иштирокчиларни рағбатлантириш, турли ҳил номинациялар асосида мукофотлаш, ахборот коммуникация технологиялари ёрдамида, ўзларининг (таьлим муассасасининг) веб-сайтлари орқали ва бошқа оммавий ахборот воситалари орқали тарғиб қилишликлари талаб этилади.

Тохиржон Таджиалиев

“Ҳидоя” ўрта махсус ислом билим юрти ҳуқуқшуноси

Қирғизистон мусулмонлари муфтийсининг жанубий минтақаси бўйича маслаҳатчиси Арзикулов Муҳаммаднаби ҳожининг таклифига биноан жорий йилнинг 4 декабрь куни ЎМИ Фарғона вилояти вакили Убайдуллоҳ домла Абдуллаев, вакил ўринбосари Алишер ҳожи Наимов, Риштон тумани бош имом-хатиби Муҳаммаднаби Орипов ҳамда Қўштепа тумани “Ғиштмон” масжиди имом-хатиби Алимбек Илёсовлар Баткен вилояти Қадамжой туманига ташриф буюрдилар.
Меҳмонларни Қирғизистон мусулмонлари муфтийсининг жанубий минтақаси бўйича маслаҳатчиси Арзикулов Муҳаммаднаби бошчилигидаги мутасаддилар кутиб олишди.

Сафар давомида ЎМИ Фарғона вилояти вакили У.Абдуллаев ҳамда вакил ўринбосари А.Наимовлар Қадамжой тумани Учқўрғон қишлоғидаги “Тифла Аҳмад Ал-Гасимий” масжидида жума намозида иштирок этиб, “Ислом динида қўшничилик муносабатлари” мавзусида маъруза қилдилар.

Шунингдек, Риштон тумани бош имом-хатиби М.Орипов ҳамда Қўштепа тумани “Ғиштмон” масжиди имом-хатиби А.Илёсовлар Қадамжой тумани Учқўрғон қишлоғидаги “Ал-Атидий” масжидида жума намозида иштирок этдилар.

Икки қардош юрт уламолари ўртасида ўтказилган мулоқотда халқларимиз ўртасидаги кўп асрлик дўстлик, яхши қўшничилик муносабатлари йилдан-йилга ривож топиб бораётгани, муборак динимизда қўшничилик ришталарига алоҳида эътибор берилгани, қолаверса сўнгги йилларда икки давлат раҳбарларининг кўплаб масалаларда ҳамфикрлиги, интилишларининг муштараклиги туфайли барча соҳалардаги ҳамкорлик алоқалари янада мустаҳкамланаётгани таъкидланди.

Раҳматуллоҳ ЖАЛИЛОВ,
ЎМИ Фарғона вилояти вакиллиги ходими

ЎМИ матбуот хизмати

ОЗ-ОЗ ЎРГАНИБ

ДОНО БЎЛУР...

*   *   *

Заҳируддин Муҳаммад Бобур

хазиналари

*   *   *

МУБАЙЯН ВА

НАСРИЙ БАЁНИ

*   *   *

ИЙМОН-ЭЪТИҚОД  КИТОБИ

*   *   *

НАЗМ

Кимки элтар Худодин элга паём,

Ул кишига бўлур пайғамбар ном.

Элга дерлар Худой аҳкомин,

Амр ила наҳйу ҳар не пайғомин.

Рост йўл элга кўрсатурлар алар,

Яхшилиғ сори элга раҳбар алар.

Ушбу хайл ўлмаса далолатта,

Қолғай эл куфр ила залолатта.

Бордурур жумлайи анбиё маъсум,

Журму исён алардадур маъдум.

Зиллате топса гар бирисига йўл,

Саҳву нисён била экандур ул.

НАСРИЙ БАЁН

Иймон келтириш шарт бўлган тўртинчи

нарсанинг шарҳи

(Иймоннинг тўртинчи шарти)

Аллоҳдан инсонларга хабар етказадиган зотнинг номи пайғамбар деб аталади. Улар халққа – инсонларга Аллоҳнинг ҳукмларини етказадилар, амрлари – буйруқлари ва наҳйлари: қайтариқлари, манъ этган нарсаларини билдирадилар.

Улар халққа тўғри йўлни кўрсатадилар. Улар яхшилик сари бошлашда элга – инсонларга раҳбардирлар.

Агар ушбу пайғамбар жамоаси (ҳақ йўлга) далолат қилувчи – тўғри йўлни кўрсатувчи бўлмаса, халқ куфр ва залолатда – инкор ва гумроҳликда қолиб кетади.

Барча пайғамбарлар (гуноҳдан) пок ва маъсумдирлар (асло қасдан саҳву хато қилмайдилар). Уларда асло журму исён – гуноҳ ва итоатсизлик бўлмайди. Агар бирорталарига бирор янглишув йўл топса, бу ихтиёрсиз саҳв ва нисёндан – унутишдан бўлади.

Насрий баён ва шарҳ муаллифи:

Мирзо КЕНЖАБЕК.