Иордания ва унинг пойтахти бўлган Амман шаҳрида бугунги кунда "Яшил энергия" тизимига ўтиш борасидаги ислоҳатлар олиб борилмоқда. Амман шаҳрини 2050 йилга қадар "углероддан ҳоли" ҳудудга айлантиришни мақсад қилган.

Ушбу мақсадга эришиш йўлида барча углеродли чиқиндилар бартараф этилиши керак. Маълумотларга қараганда, Иорданиядаги 6 мингдан ортиқ масжидлар энергияга бўлган эҳтиёжларининг деярли юз фоизини қайта ишланадиган энергия манбаалари ҳисобига қондирадилар.

Муқобил энергия манбааларига ўтгани натижасида ушбу Иордания масжидлари эелектр энергиясидан сезиларли даражада тежашмоқда ва бундан ташқари ижтимоий ҳолатни ўзгаришига ҳам сабаб бўлишмоқда.

Иордания масжидларининг қайта тикланувчи энергия манбааларига ўтиш жараёни 2014 йилда бошланган эди.

Ўзбекистон мусулмонлари идораси Матбуот хизмати

Ўзбекистон Республикаси Президенти Шавкат Мирзиёев Индонезия қирғоқларида юз берган кучли цунами оқибатида кўплаб инсонлар ҳалок бўлгани муносабати билан мамлакат Президенти Жоко Видодога ва Индонезия халқига чуқур ҳамдардлик билдирди. Бу ҳақда Ўзбекистон Президенти Матбуот хизмати хабар берди.

Ўзбекистон мусулмонлари идораси Матбуот хизмати

Қуйида келтириладиган фикрлар, ҳикматлар ижтимоий тармоқлардаги турли саҳифалардан олиб таржима қилинган. Бундан ташқари саҳобаи киромлар, улуғ олимлар, Яқин Шарқ, Осиё, Европа ва Америка мутафаккирларининг бир қатор фикрлари ҳам берилган. 

*****

Йўқотишнинг энг каттаси – кенглиги осмонлар ва ерча бўлган Жаннатда сен учун жой топилмаслигидир.

“Ҳикматлар дурдонаси”

*****

Ёзганингни ўқимайдиган одамга ёзишинг, олдингга келмайдиган кишини кутишинг, муҳаббатингни ҳис қилмайдиган одамни яхши кўришинг ва сенга эҳтиёжи тушмайдиган кишига эҳтиёжинг тушиши аламлидир.

*****

Ортингиздан бақириб, шовқин кўтаришяптими?

Кўпроқ сизни чайнашяптими?

Парво қилманг, чунки улар сиздан орқада. Сиздек бўлолмагани учун ичини ҳасад кемириб ётибди.

Чинорга, теракка кимдир тош отганини кўрганмисиз? Кўрмагансиз, тўғрими?

Чунки, чинорнинг ва теракнинг еса бўладиган, мазали меваси йўқ.

Олма, ўрикка кўпчилик тош отади. Керак бўлса, улар пишмасидан туриб ейишга қизиқиб, тош отилади.

Олдинга интилишдан, илмдан, ижоддан тўхтаманг.

*****

Пул билан эришиб бўлмайдиган нарсалардан бири ақлдир.

Абдрроҳман Мунийф

*****

Рост гап, биров уни тасдиқламаса ҳам, барибир, рост гапдир.

Ёлғон гап, ҳамма уни тасдиқласа ҳам, барибир, ёлғон гапдир.

“Тарих муҳрлаган сўзлар”

 *****

Ҳаммада иккита кўз бор. Лекин ҳеч ким бир хил кўрмайди.

“Тарих муҳрлаган сўзлар”

*****

Агар истаган нарсанг учун курашмасанг, ўша нарсани йўқотганингда йиғламагин!

“Тарих муҳрлаган сўзлар”

*****

Қаттиқ шамол эсганда, тик ўсган дарахт осонликча синади. Аммо мажнунтол эгилиб, бошини ҳам қилиб тургани учун қутулиб қолади.

“Тарих муҳрлаган сўзлар”

*****

Тўрт кишига нисбатан қўпол муомалада бўлма:

• Аёлга;
• Ёш болага;
• Хизматчига;
• Узр сўраб келган кишига.

“Тарих муҳрлаган сўзлар”

*****

Интернет материалларидан тўплаб, таржима қилувчи

Нозимжон Иминжонов

Аброр Мухтор Алий билан содир бўлган воқеага муносабатимдан кейин “Нега Фазлиддин Парпиев масаласида сукут қилган ҳолда, бунда муносабат билдиряпсиз?“ деган маломатлар кўпайиб кетди. Ўзи шахсийда ҳам бундай сўровлар кўп эди.

Аслида у воқеани бунисига қиёс қилиш нотўғри. Чунки бунда ўзаро ҳақоратнинг мантиқий якунини кўрган ва аралашувимизда фойда кўпроқ эканини билган бўлсак, унда масала нозик, менинг муносабатим ҳеч нарсани ҳал қилмаслиги ва менинг учун сукут қилиш ҳар томонлама фойда экани маълум эди.

Энди Фазлиддиннинг чет элга чиқиб кетиш масаласига келсам, прокуратурадаги суҳбат қай даражада енгил ё оғир бўлганини қўлимдаги маълумотлар орқали била олмадим. Ҳатто Суръат Икромов ёзганларида ҳам энди жим юриш, ижтимоий тармоқларда ёзмаслик ҳақидаги огоҳлантирувдан бошқа маъно кўрмадим. Кейинги баёнотларда Фазлиддинга нисбатан жиноий таъқиб йўқлиги айтилди. Шундан келиб чиқиб айтишим мумкинки, мамлакатдан чиқиб кетиши (ҳижрат демадим!) масаласида ҳам қарор унинг ҳукмига ҳавола. Фақат чиқиб кетишдаги шов-шувлар ҳийла ошиб кетмадимикан? Воқеа талқинида ҳис-ҳаяжонларга ортиқча йўл қўйилмадимикан? Ҳатто ўзи ишлатмаган (ҳижрат каби) ибораларни қўллаш, чақирилишга навбати келганларнинг номини зикр қилиб жамиятда ваҳима қўзғаш каби ножўя ҳолатлар юзага чиқмадимикан?

Энди энг асосий айтмоқчи бўлганим. Кейинги йилларда диний соҳада ҳам давлатимиз томонидан яхши ишлар амалга оширилмоқда. Кўплари ҳаммага аён. Мен диний айбловлар билан қамалган кўпчилик маҳкумлар озод қилингани, ман этилган ташкилотларга адашиб кириб қолган фуқароларнинг мурожаатларини кўриб чиқиш бўйича Республика идоралараро комиссияси тузилгани ва яқинда мамлакатимизда “қора рўйхат“ бекор қилинганини алоҳида таъкидламоқчиман. Шу ишларнинг самараси ўлароқ Ўзбекистоннинг дин эркинлиги борасидаги рейтинги яхшиланмоқда. Олдингидан кўра аҳвол ўнгланмоқда. Бу соҳадаги муаммоларга биринчилардан дуч келадиган ва танасида илк ҳис қиладиган киши сифатида айта оламанки, вазият яхши томонга ўзгарган ва янада ўзгаришига умид қиламан. Ва бу яхши йўналиш ўзгаришини хоҳламайман ва уни ўзгартиришга сабаб бўладиган ишлардан узоқ юраман. Бинобарин бошқаларни ҳам шунга чақираман. Очиқроқ айтадиган бўлсам, давлат мусулмонлар ҳуқуқини эътироф этишни бошлаб турган бир пайтда, ақл, фаҳм-фаросатни ишлатиб ҳаракат қилинишини ёқлайман, аммо эҳтиётсизлик, жоҳиллик қилиб дин ва давлат ўртасидаги нозик ришталарни узишларига мутлақо қаршиман!

Энди мен ҳам савол берсам: ҳукумат бу борада яхши қадам ташлаётган бир пайтда Фазлиддиннинг юртдан чиққанини “ҳижрат муборак!“ дея қутлашдан ким ва нима манфаат кўради?! Давлатнинг мусулмонларга, мусулмонларнинг давлатга пайдо бўлаётган ўзаро ишончини ва яқинлашувини бузишдан ким фойда олади?! Ёки масалани шовқин-сурон кўтариб, ўзини қаҳрамон кўрсатиб, лаънатлаш ва сўкиш билан ҳал қиламан дейиш қайси ақл меъёрларига тўғри келади?!

Хўп, “мен Фазлиддин қаҳрамон, унга ҳижрат муборак, давлат ёмон, сизлар яхши“, десам масала ҳал бўладими? Шу билан сизнинг хоҳиш-иродангиз қониб, ҳамма муаммолар ечилиб кетадими? Сизнинг бундай шахсий фикрларингизга эргашишга менинг қандай мажбуриятим бор? Ёки сизнинг сўзингиз ваҳий ва амалингиз ислом-у, қачон мен айтганингизни қилсам маъсум ва ҳақиқий мусулмон бўламанми? Сизда ўзингизнинг тўғри фикрда мутлақ танҳо эканингиз ҳақидаги журъат қаердан пайдо бўлди? Бу саволларни йўналтираётган кишиларга ҳали анча саволларим бор.

Бу давлат бизники, биз эса шу давлат раиятимиз. У ривожланса, обрў топса, фаровон бўлса ҳаммамизга фойда. Бир мусулмон сифатида мен ватаним равнақи ва диним иззати учун хизмат ва ҳаракат қиламан. Агар давлатим менинг бу ишларимни тушунса амалимга ғурурланмайман, У Аллоҳнинг фазли, Ўзига ҳамд айтаман, тушунмасдан қарши бўлса, ниятим холис бўлгани учун асло хафа бўлмайман. Агар бу йўлда ундан азият етса сабр қиламан, таваккулда бўламан. Эртага кимнинг бошига нима тушишини якка Аллоҳ билади. Аллоҳ икки дунёда ҳам офият беришини ўзим ва ҳамма учун сўрайман.

Динга ҳикмат билан даъват қилинади. Буни юқорида айтдим. Шунинг учун ўзим ҳикмат деб билган йўл билан унга хизмат қилиш илинжидаман. Ҳикматни мўтадилликда, васатийликда, илмда, сокинлик ва узлуксизликда деб биламан. Бу менинг қаноатим. Бошқаси бўлса у сизнинг қаноатингиз. Мен сизникига аралашмадим, сиз ҳам меникига аралашманг!

Булар диний тушунчаларимдан келиб чиққан шахсий фикрларим эди. Улар дин эмас, хатолари бўлиши мумкин. Сиз ҳам фикрингизни айтинг. Аммо уни ҳамма эргашиши шарт бўлган дин дея тақдим қилманг!

Саломат бўлинг!

Мубашшир Аҳмад хафизуллоҳ

Манба: https://azon.uz