Наманган вилояти шаҳар-туман бош имом-хатиблари ва барча имом-ноиблари билан учрашув ўтказилди. Унда Ўзбекистон мусулмонлари идораси раиси ўринбосарлари Жалолиддин домла Ҳамроқулов ва Обиджон Қодиров, Дин ишлари бўйича қўмита, Диний идора ва вилоят ҳокимлиги масъул вакиллари ҳамда Наманган вилояти бош имом-хатиби Мусохон домла Аббосиддинов, шунингдек, "Ҳидоя" ўрта махсус диний таълим муассасаси мудири, педагог-ўқитувчилар иштирок этди. 

Мулоқотда сўзга чиққан соҳа мутахассислари юртимизда диний-маърифий соҳада амалга оширилаётган ислоҳотлар, халқимиз маърифатини юксалатириш, диний расм-русумларини эмин-эркин адо этишлари учун муносиб шароит яратиш, келгусида диний соҳа ходимлари олдида турган вазифаларга алоҳида тўхталиб ўтишди.
Нотиқлар томондан масжидларда имом-хатиб ва имом-ноиблар вазифада бирлиги, ўз ишига масъулият билан ёндашиши, садоқат билан ишлаши, масжидларни ободлиги, намозхонларга намунали хизмат қилишда тенг бўлиши лозимлиги ҳақида тўхталиб ўтилди.

Йиғилиш якунида яқинлашиб келаётган муборак Рамазон ойига пухта тайёргарлик кўриш, масжидлардаги ободончилик ишларига эътибор қаратиш бўйича масъулларга топшириқ берилди.

Ўзбекистон мусулмонлари идораси
Наманган вилояти вакиллиги
Матбуот хизмати

Жасур домла Раупов, Тошкент вилояти бош имом хатиби

Шу йил 5 январь куни Қорақалпоғистон мусулмонлари қозиёти қозиси Бахрамаддин Разов Беруний туманидаги масжидлар қурилиш ишлари ва ободлиги билан яқиндан танишиб, мутасадди вакилларга қатор топшириқ ва тавсиялар берди. Шунингдек, “Султон Увайс бобо” зиёратгоҳида ҳам бўлиб бу ердаги ишларни кўздан кечирди.

Ташриф асносида Бахрамаддин домла тумандаги марказий “Шайх Аббоз Валий” масжидида жоме ходимлари билан учрашиб, уларга амалий кўрсатмалар берди.

Шундан сўнг сўнг “Ҳеч бир яхшиликни кичик санаманг!” мавзусида жума маърузаси билан бирга инсон манфаати учун бугун юртимизда амалга оширилаётган

ислоҳотлар, буюк неъмат бўлган тинчлик ва хотиржамликнинг қадрига етиш ҳақида суҳбат қилиб, юрт тинчлиги ва хотиржамлиги учун дуолар қилди.

Кун давомида Қози домла Беруний туманидаги “Мақтумқули” ва “Озод” маҳаллалари фуқаролари иштирокидаги “Янги ҳаёт учун, Янги Ўзбекистон учун!” шиори остида “Маҳаллада дув-дув гап” мавзусида ташкил қилинган тадбирда ҳам иштирок этди.

Ташриф давомида “Меҳр ҳаракати” лойиҳаси доирасидаги хайрия тадбирида ҳам қатнашиб, тумандаги “Гулистон”, “Қиёт” ва “Бунёркор” маҳаллаларидаги ўзгалар ёрдамига муҳтож, боқувчисини йўқотган оилаларнинг яшаш шароити билан танишиб, улар билан дилдан суҳбат қурди. Шу билан бирга, уларга ҳомийлар кўмагида озиқ-овқат маҳсулотлари ва болалар учун иссиқ кийимлар тарқатилди.

Д.Беканов,
Қорақалпоғистон мусулмонлари қозиёти ходими

"Садақа" деб номланган ушбу маросимда Қуръон ҳофизлари, асосан ёшлар қўлларида Қуръон оятлари туширилган ёғоч лавҳаларни кўтарган ҳолда шаҳардаги Сиди Усмон масжиди томон юришмоқда. 

У ерда улар Муқаддас Китобдан оятларни тиловат қилиб, Аллоҳдан ёмғир тилаб дуо қилишади.

Шаҳарда охирги марта маросим 42 йил олдин, 1981 йилда ўтказилган.

Мисрлик ёш қиз Риҳаб Салоҳ аш-Шариф бир ярим йил ичида Қуръони каримни тўлиқ ёдлашга ва уч ойда тўлиқ кўчириб ёзишга муваффақ бўлди. Бу ҳақда IQNA сайти "Cairo-24" га таяниб хабар берди. У Миср шимолидаги Қина вилоятининг Фаршут шаҳрида яшайди.

Айни пайтда 21 ёшли Риҳаб Миср Араб Республикасининг Aсют шаҳридаги "ал-Aзҳар" университетининг адабиёт факултети учинчи курс талабаси бўлиб, араб тили ва адабиётини ўрганмоқда.

Маълум бўлишича, даставвал у Қуръони каримни бир ярим йил ичида тўлиқ ёдлашни ўз олдига мақсад қилган эди.

Қоҳиранинг “Cairo-24” телеканалига берган интервьюсида у Қуръони каримни "ал-Aзҳар" университетида таҳсил олаётган пайтда ёд олишни бошлагани, бироқ бир ярим йил аввал уни тўлиқ ёд олишга қарор қилганини айтди.

Риҳаб Қуръони каримни фақат ёдлаш учун ёзишни бошлагани ва бу муқаддас китобни уч ойда ёзиб тугатганини маълум қилган.

Қуръони Каримни ёзиб, сўнг ёдлаш қадимдан Қуръон ҳофизларининг ўз хотираларини мустаҳкамлаш учун қўллаган усулларидан бири саналади.

Ўзбекистон мусулмонлари идораси
Матбуот хизмати