Шод-хуррам ўтирган эр-хотиннинг ҳазиллари зил бўлди. Гап талашиб, орада жанжал чиқди. Иккаласи ҳам  оғзига келганини қайтармади. Ўзларини кузатиб турган болаларининг борлигини ҳам эсдан чиқаришди.

Бақир-чақирдан сўнг аёл йиғлаб ичкари хонага кирди. Ортидан қизчаси ҳам эргашди. Қизининг маъюс, ёшга тўла мунчоқ кўзлари онасига зорланиб тикилиб турарди. Она аччиғидан унга эътибор бермасликка ҳаракат қилди. Қизалоқ тафтли қўллари билан бўйнидан маҳкам қучоқлаб олганидан сўнг аёлнинг ҳуши жойига келди. Митти қўлларини қўйиб юбормай, маржондек тизилиб оқаётган кўз ёшлари билан онасини овутишга ҳаракат қилди: – Онажон, йиғламанг, бизни ташлаб кетманг! Нега дадамнинг сўзларига “Хўп!” дея қолмайсиз?! Ахир, дадам уришсалар ҳам, бизни яхши кўрадилар-ку...

Бу гапдан аёл қаттиқ таъсирланди. Наҳотки, шунчалик худбинлашиб кетди?! Шу қизалоғичалик ақли йўқми?
Қизча онасини қучоғидан бўшатди ва қўлига бир конверт тутқазди. Аёл ажабланиб конвертни очиб, ичидан бир қоғозни олди. Унда “Онажон, дадажон! Мен сизларни жуда яхши кўраман! Илтимос, ҳеч қачон уришманглар!” деган ёзув бор эди. Аёл кейинги вақтларда эри билан гап талашишлари кўп бўлаётгани ва эр-хотин бир-бирини айблашдан чарчамаётганларини ўйлаб қолди. Бу ҳолат фарзандларига салбий таъсир қилиб, уларнинг тушкун кайфиятда юришларига сабаб бўлаётганини англаб, юраги эзилди.

Дарҳақиқат, ҳозир кўп учраётган бундай воқеалар кишини ранжитиши аниқ. Ахир, биз ота-оналар фарзандларимизга гўзал хулқ ва чиройли тарбия бермоғимиз зарур эмасми? Ўша гўзал хулқ ўзимизда бўлмаса-чи?!
Динимизда одоб масаласи ибодат мақомидадир. Гўзал хулқ соҳиби бўлган ота-оналарнинг фарзандлари ҳам буюк инсонлар бўлиб етишадилар, иншоаллоҳ.

Меҳригул ШОНАЗАРОВА,
Қизилтепа тумани “Ҳафқориён” маҳалласи отинойиси

"Мўминалар", 4-сон, 2023 йил

Ўзбекистон Республикаси Президенти Шавкат Мирзиёевнинг таклифига биноан Қатар Давлати Амири шайх Тамим бин Ҳамад Ол Соний амалий ташриф билан Тошкентга келди. Бу ҳақда president.uz хабар берди.

Халқаро аэропортда олий мартабали меҳмонни Президентимиз кутиб олди.

Бугун Ўзбекистон ва Қатар етакчиларининг музокаралари бўлиб ўтади. Давлат раҳбарлари Қатар Амири ташаббуси билан таъсис этилган Коррупцияга қарши курашиш бўйича мукофот билан тақдирлаш маросимида иштирок этадилар.

Ўзбекистон мусулмонлари идораси
Матбуот хизмати

Саудия Aрабистони туризм ахборот агентлигининг “TNA_media24” Тwиттердаги саҳифасида “Ўзбекистон – дунёдаги энг муҳим зиёрат туризми масканларидан бири” деган мақола эълон қилинди, деб хабар бермоқда “Дунё” ахборот агентлиги.

Қайд этилишича, Ўзбекистон ўзининг гўзал табиати, ранг-баранг иқлими ва қадимий тарихи билан хорижлик сайёҳларни ўзига жалб қилади. “Бу мамлакат ислом ва жаҳон цивилизацияси ривожига улкан ҳисса қўшган кўплаб олим ва зиёлилари, қадимий Ипак йўли бўйидаги савдо ва маданият марказлари, карвонсарой саройлари, муҳташам масжид ва мадрасалари билан ҳам машҳур”, – дейилади нашрда.

– Кейинги йилларда Ўзбекистон ҳукумати томонидан туризмни, айниқса, зиёратни ривожлантириш бўйича амалга оширилаётган чора-тадбирлар кўплаб сайёҳларни жалб қилмоқда. Бундан ташқари, Ўзбекистон Президентининг туризмни ривожлантириш чора-тадбирлари тўғрисидаги қатор қарор ва фармонлари қабул қилинган. Улар саноат ривожи учун намуна бўлиб хизмат қилади”.

Мақолада хабар қилинганидек, 2019-йилнинг 21-23 февраль кунлари Бухоро шаҳрида биринчи Халқаро зиёрат туризми форуми бўлиб ўтди. Унда дунёнинг 130 дан ортиқ давлатидан ислом уламолари, туризм соҳаси мутахассислари иштирок этди. Тадбир якунида қабул қилинган Бухоро декларациясида Ўзбекистон жаҳондаги зиёрат туризмининг муҳим марказларидан бири сифатида эътироф этилган.

“Ҳар йили Cресcент Ратинг ва Мастерcард компаниялари томонидан эълон қилинадиган Халқаро ислом туризми танловига кўра, Ўзбекистон дунёда 32-ўриндан 22-ўринга кўтарилди. “Ўзбекистон Ислом ҳамкорлик ташкилотига аъзо давлатлар ўртасида жозибадорлик, хавфсизлик ва бағрикенглик кўрсаткичлари бўйича дунёнинг етакчи 10 та давлати қаторидан жой олди”, - дея хулоса қилади “TNA_media24”.

Ўзбекистон мусулмонлари идораси
Матбуот хизмати

O‘zbekiston tashqi ishlar vaziri Baxtiyor Saidov shu yilning 11 dekabr kuni Doha shahrida O‘zbekistonning Qatardagi elchixonasining rasmiy ochilish marosimida ishtirok etdi, deb xabar bermoqda “Dunyo” axborot agentligi.

“Bugun Dohada Oʻzbekiston Respublikasi elchixonasining ochilish marosimi boʻlib oʻtdi va Qatarda Oʻzbekiston bayrogʻi hilpira boshladi”, - deb yozdi Oʻzbekiston TIV rahbari oʻzining Telegram-kanalida. – Ikki davlat rahbarlari tomonidan belgilab berilgan yuksak dinamika tufayli O‘zbekiston-Qatar munosabatlari misli ko‘rilmagan darajada rivojlanmoqda.

Shu yil may oyida Toshkentda Qatarning diplomatik vakolatxonasi ochildi. Shubhasiz, bu elchixonalar munosabatlarimizni mustahkamlashga xizmat qiladi”.
Eslatib o‘tamiz, bu O‘zbekistonning xorijdagi 37-elchixonasidir.

Oʻzbekiston musulmonlari idorasi
Matbuot xizmati

Раҳматилло домла УСМОНОВ, Ўзбекистон мусулмонлари идорасининг Қашқадарё вилоятидаги вакили