muslim.uz
Ит боққан кишининг кунлик савоби камаядими?
Кўпчилик фуқароларимиз томонидан уйида ит боқиш одати учраб туради. Бунинг ҳукми шариатимизда қандайлигини эса кўпчилик билмаслиги мумкин.
Абу Талҳа (розияллоҳу анҳу) ривоят қилади: “Расулуллоҳ (соллаллоҳу алайҳи ва саллам) “Фаришталар ит ва сурат бор уйга кирмаслар”, дедилар” (Имом Бухорий).
Абу Ҳурайра (розияллоҳу анҳу) ривоят қилади: “Расулуллоҳ (соллаллоҳу алайҳи ва саллам) бундай дедилар: “Кимки ит боқса ҳар куни савоб ишларига бериладиган ажрлардан бир қийрот (ёки икки қийрот) камаяди. Қўриқчи, подачи ва овчи итлар бундан мустаснодир” (Имом Бухорий ва Имом Муслим ривояти).
Шу ўринда “қийрот” сўзига изоҳ сифатида қуйидаги ҳадисни келтирсак:
Абу Ҳурайра (розияллоҳу анҳу)дан ривоят қилинади: “Расулуллоҳ (соллаллоҳу алайҳи ва саллам) бундай дедилар: “Ким жанозага қатнашса ва намоз ўқигунча турса, унга бир қийрот, агар маййит дафн этилгунга қадар бўлса, икки қийрот савоб ёзилади”. “Икки қийрот нима?” – деб сўралди. Айтдиларки: “Икки улуғ тоғ мисличадир”. Имом Муслим ривоятида “Унинг кичиги Уҳуд тоғидек”, дейилган.
Ривоятларда келтирилишича, қиёмат аломатларидан бири кишиларнинг ит боласини боқишни одат қилишларидир. Ҳатто бу ишни улар ўз фарзандини парваришлагандан ҳам юқори даражага қўйишади (Табароний, Ҳоким ривояти).
Ҳадисдан маълум бўладики, уй қўриқлайдиган, подага қарайдиган ва овчи итлардан бошқасини боқиш мумкин эмас. Демак, қизиқиш учун уйда ит сақлаш ва боқиш шариатда қайтарилган.
“Сўраган эдингиз” китобидан
ЎМИ Матбуот хизмати
Online: Қуръон мусобақаси (Facebook)
ONLINE:
ЎМИ Матбуот хизмати
Зиёратчиларимиз икки дунё ободлигини сўрашмоқда
Умра амалларини адо этиш учун Саудия Арабистонига жўнаб кетган зиёратчиларимиз шу кунларда Макка ва Мадина шаҳарларидаги табаррук жойларни зиёрат қилиб, руҳониятларини бойитишмоқда ва қалбларидаги энг эзгу дуоларини қилишмоқда.
Улар Мадинаи мунаввара шаҳридаги Уҳуд тоғи, Қубо ва Қиблатайн масжидларини зиёрат қилишган бўлса, Маккаи мукаррама шаҳридаги Арафот, Мино, Муздалифа водийлари ҳамда Савр ва Нур тоғлари атрофида ибодатлар қилишган.
Зиёратчилар дуолар мустажоб бўладиган заминларда туриб, юртимиз ҳамиша омон, элимиз тинч ва икки дунёимиз обод бўлишини Яратгандан илтижо қилиб сўрашмоқда.
Ўзбекистон мусулмонлари идораси Матбуот хизмати
Фарғона вилояти Марғилон шаҳрида бўлиб ўтган Қуръон мусобақасининг ғолиблари билан танишинг
Ҳифз йўналиши
18-25 ёш
1. Нуриддинов Сайдулло
2. Маҳмудов Алишер
3. Яхёев Абдулбоситхон
26-40 ёш
1. Мирзаев Юсуфжон
2. Қорабоев Абдулхай
3. Норматов Раҳматуллоҳ
Тиловат йўналиши
18-25 ёш
1. Муҳаммадазимов Абдураҳмон
2. Каримов Жаҳонгир
3. Усмонбеков Абдулло
26-40 ёш
1. Фаттохов Зиёвуддин
2. Абдуқаҳҳоров Абдужаббор
3. Абдуллаев Абдуллажон
Мусобақанинг саралаш босқичи ғолибларига ташкилотчилар томонидан диплом ва совғалар берилди.
Қуръон мусобақасини Muslim.uz порталида кузатинг.
http://old.muslim.uz/index.php/rukn/vatandosh/itemlist/user/280-muslimuz?start=6940#sigFreeIdbb80db6a5f
ЎМИ Матбуот хизмати
Қуръон мусобақасидан лавҳа - Қори буваларнинг таассуротлари
ЎМИ Матбуот хизмати
ХОРИЖДАГИ ЮРТДОШИМ САҲИФАСИ
КОНЦЕПЦИЯ
Дунё дарвозалари янада кенгроқ очилиб, хорижий давлатлар фуқароларининг юртимизга келиб-кетишларига қулай шароитлар яратилмоқда. Жумладан, 39 та давлат фуқароларига туристик визаларни расмийлаштириш тартиби соддалаштирилди, Ўзбекистон билан визасиз давлатлар сони кўпайди.
Шунинг баробарида бизнинг юртдошларимизнинг ҳам хорижий давлатларга чиқиши ортмоқда.
Одатда, чет элга, умуман, йўлга чиқаётган ҳар қандай йўловчига олдиндан йўловчилик машаққатини тортган, бу борада бой тажриба тўплаган кишилар; китоб кўрган олиму уламолар йўл-йўриқлар кўрсатиб, панду наисҳатлар қилишган. Зеро, нотаниш манзиллар сари сафарга отланган кишиларга бундай тавсияю насиҳатларнинг аҳамияти жуда ҳам катта.
Бинобарин, хорижга чиқаётган мўмин-мусулмонлар ушбу сафарида давлатнинг қонунларига амал қилгани каби шариатимиз кўрсатмаларига ҳам амал қилмоғи ниҳоятда муҳимдир.
Масаланинг ана шу жиҳатлари эътиборга олиниб, muslim.uz Интернет порталида “Муҳожир ватандошлар” лойиҳаси иш бошлади. Ушбу лойиҳа доирасида янги рукн очилиб “Хориждаги юртдошим” номланди.
Ушбу рукнда:
- хорижда таълим олаётган, меҳнат қилаётган, узоқ муддатга даволанишга кетган ватандошларимиз тўғрисида ҳаётий мақолалар;
- йўлга чиқувчиларга тавсиялар, маслаҳатлар;
- узоқ муддатли сафарларнинг ижтимоий ҳаётга, оилавий масалаларга таъсири ва бошқа долзарб муаммоларга доир савол-жавоблар дастурий равишда ёритилади;
- Интернет сайтда эълон қилинган мақоланинг аудио формати ҳам тавсия қилинади.
Ушбу материаллар оят, ҳадис ва уламоларимизнинг илмий меросларига асосланган ҳолда ёритилади.