Дунёнинг турли минтақаларида юз бераётган можаролар, тўқнашувлар, афсуски, кўп ҳолларда диний ақидалар ниқоби остида илгари сурилаётган бузғунчи ғояларга бориб тақалмоқда. Бундай вазиятда муқаддас ислом динининг инсонийлик, бағрикенглик, тинчликпарварлик қадриятларини жаҳон афкор оммасига кенг танитилиши муҳим аҳамият касб этмоқда.

Бу борада Ўзбекистон раҳбарияти янги ташаббусларни илгари сурмоқда. Президент Шавкат Мирзиёев 2016 йил октабр ойида Ислом ҳамкорлик ташкилоти Ташқи ишлар вазирлари кенгашининг Тошкент шаҳрида ўтказилган учрашувида Имом Бухорий халқаро илмий-тадқиқотлар марказини тузиш ва исломнинг асл қадриятларини дунё аҳлига кенг тарғиб қилиш таклифини умумжаҳон кун тартибига қўйган эди.

2017 йил Бирлашган Миллатлар Ташкилоти Бош Ассамблеясининг 72-сессиясида давлатимиз раҳбари томонидан мазкур йўналишда янги халқаро ташаббуслар таклиф қилинди. Булар орасида, айниқса, БМТ Бош Ассамблеясининг «Маърифат ва диний бағрикенглик» деб номланган махсус резолюциясини қабул қилиш ҳақидаги ташаббус алоҳида аҳамият касб этади.

Ўзбекистон замини инсоният цивилизациясининг қадимий бешикларидан бири ҳисобланади. Халқимизнинг бой тарихий, илмий, маънавий меросини ҳар томонлама ўрганиш, жаҳон афкор оммасига кенг таништириш, энг муҳими, ислом динининг асл инсонпарварлик моҳиятини чуқур очиб бериш мақсадида давлатимиз томонидан изчил амалий чоралар кўрилмоқда. Жумладан, Ўзбекистон халқаро ислом академияси ва Ислом ҳамкорлик ташкилотининг (ИҲТ) муҳим органи ҳисобланган Ислом тарихи, санъати ва маданияти тадқиқот маркази (ИРCИCА) ўртасида ҳамкорликни ривожлантириш ҳақида келишувларга эришилди.

Ислом оламида ўз ўрнига эга бўлган ушбу Марказ ва Академия ўртасида имзоланган меморандумга асосан, икки муассаса қадимий қўлёзмаларни тадқиқ қилиш, илмий-тадқиқотлар олиб бориш, конференция ва семинарлар ташкил этиш каби масалаларда ўзаро ҳамжиҳатлик билан иш олиб бормоқда.

ИРCИCА бош директори, профессор Халит Эрен «Дунё» ахборот агентлиги мухбирига берган интервьюсида Ўзбекистон халқаро ислом академияси билан ҳамкорликдан фахрланишини айтди. «Ўзбекистон – ИҲТ муносабатлари бугунги кунда ўзаро ишонч ва ҳурмат асосида турли соҳаларда изчил ривожланмоқда, икки томон раҳбарларининг учрашув ва мулоқотлари бунда муҳим аҳамият касб этмоқда. Томонларнинг муштарак интилиши ва саъй-ҳаракатлари туфайли ИРCИCА ва Ўзбекистон халқаро ислом академияси ўртасидаги дўстона муносабатлар янги шериклик босқичига кўтарилди», дея таъкидлади у.

Х.Эрен мамлакатимизнинг инсоният цивилизациясига қўшган буюк ҳиссасини эътироф этар экан, «Ўзбекистон дунё ислом тамаддуни марказларидан биридир», деб таъкидлади. У юртимизда амалга ошири амалга оширилаётган янгиланиш, жадал тараққиёт жараёнини юқори баҳолаб, Ўзбекистон билан муносабатлар юксак даражага кўтарилганидан ҳар икки тараф ҳам ғоят мамнун эканини қайд этди.

Ўзбекистон мусулмонлари идораси Матбуот хизмати

Янги Зелландия пойтахти Веллингтондаги марказий кутубхона шаҳарнинг ҳужжатлаштириш архив марказига кўчирилади. Бу ҳақда Newsie ахборот портали ва IQNA хабар берди. Кутубхонада 1200 га яқин ноёб намуналар сақланади. Хусусан, Қуръони карим маъноларининг биринчи инглиз тилидаги таржима нусхаси ҳам шу ерда экани айтилмоқда.

1374 йилда инглиз ёзувчиси ва адвокати Жорж Сейл томонидан «Қуръони Муҳаммадий» маънолар таржимаси китоби дунёдаги энг ноёб илк таржималардан ҳисобланади. Таржимон ўша вақтдаги ижтимоий-сиёсий ҳолатдан келиб чиқиб, китобнинг муқаддимасида Ислом дини ва ҳазрати Муҳаммад соллаллоҳу алайҳи васаллам ҳақларида жуда ҳам кўп маълумотлар беришга ҳаракат қилган.

Ўзбекистон мусулмонлари идораси Матбуот хизмати

Тожикистондаги элчихонаси Ойим қизлар мадрасасини қайта таъмирлаш учун 77 минг АҚШ доллари миқдоридаги маблағ ажратди. Бу ҳақда АП нашри хабар берди.

XIX асрнинг бошида (1824-1825 йилларда) маҳаллий усталар томонидан қурилган Ойим мадрасаси қизлар таълим олган муассаса сифатида ажралиб туради.

Маданий меросни сақлаш бўйича Элчилар жамғармаси дастури доирасида "Имдоди Ғайрат" жамоат ташкилотига аёллар мадрасасининг томи, деворлари ва хоналарини таъмирлаш ва тиклаш ишлари учун 77 154 АҚШ доллари ажратилган.

Ўзбекистон мусулмонлари идораси Матбуот хизмати

Ўзбекистон Республикаси Президентининг 2017 йил 1 декабрдаги «Ногиронлиги бўлган шахсларни давлат томонидан қўллаб-қувватлаш тизимини тубдан такомиллаштириш чора-тадбирлари тўғрисида»ги Фармонида белгиланган вазифалар ижросини таъминлашга алоҳида эътибор қаратилмоқда.

Шу мақсадда диний соҳа вакилларининг имконияти чекланган юртдошларимизга алоҳида эътибор кўрсатаётгани уларнинг илмини, салоҳиятини янада оширишга хизмат қилмоқда.

2018 йил 1 декабрдан “Кўкалдош” ўрта махсус ислом билим юртида имконияти (эшитиш, нутқи ва кўриш қобилияти) чекланганлар учун махсус араб тили курслари очилди. Ҳозирга қадар 90 нафар имконияти чекланган фуқаролар 3 ойлик курсларни тамомлади

Араб тили курслари битирувчилари Қуръони каримни мукаммал ўрганиб, халқаро Қуръон мусобақаларида юртимиз шаънини ҳимоя қилишига ишонамиз.

Ўзбекистон мусулмонлари идораси Матбуот хизмати

Жорий йилнинг 23 июнь куни Тошкент вилоятининг Янгийўл туманидаги масжидда имконияти чекланган инсонлар учун эхсон дастурхони ёзилди.

Диний соҳа ходимларининг ногиронлиги бўлган инсонларга бўлган эътибори барча иштирокчиларнинг кўнглини кўтарди. Улар ўзларининг имо-ишора тилида қалбдан миннатдорликларини билдиришди.

Кейинги диний-маърифий суҳбат ушбу масжидда, иншаллоҳ, жорий йилнинг 7 июль куни ўтказилиши режалаштирилган.