www.muslimuz

www.muslimuz

Неділя, 18 ноябрь 2018 00:00

Ҳазрат Увайс ибрати

...Яман ҳожилари орасида бўлган, ҳамроҳларининг туяларини қўриқлаётган  зиёратчи олдига ҳазрат Умар ва ҳазрат Али (розияллоҳу анҳум) келишди. Ундан исмини сўрашди. “Абдуллоҳман”, жавоб берди у. Ҳазрат Умар айтди: “Ҳаммамиз Абдуллоҳмиз (Аллоҳнинг қулимиз), онангиз қўйган исмни айтинг”. “Увайсман”. Икки улуғ саҳобий у билан бир оз суҳбатлашгач, унга аталган ҳадя – Расулуллоҳ (соллаллоҳу алайҳи ва саллам)­нинг муборак ҳирқаларини тутқазишди. Сўнгра дуо сўрашди. Зеро, бу Пайғамбар (алайҳиссалом)нинг тавсиялари эди: “Сизга Ямандан Увайс деган бир одам келади. Яманда онасидан бошқа ҳеч кими йўқ. Унинг танасида оқлик бўлади. Дуо қилгач, Аллоҳ ундан оқликни кетказади. Фақат бир динор ёки бир дирҳамчалик жойи қолади. Сизлардан ким унга йўлиқса, сизлар учун истиғфор айтишини сўрасин” (Имом Муслим ривояти).

Расулуллоҳ (соллаллоҳу алайҳи ва саллам) Мадина кўчаларида бир дўст ҳидини туйдилар. У зотни (алайҳиссалом) соғиниб келган, аммо кўролмай қайтган ҳазрат Увайс ҳидини... Яман тарафга қараб: “Шу томондан менга Аллоҳ ошиғининг иси келади”, дедилар.
Сирларга тўла Увайс ўзидаги асрорни ҳам, ҳидидан Расулуллоҳ (соллаллоҳу алайҳи ва саллам)нинг маст бўлганларини ҳам билмайди. Жаннатий экани хабари берилган икки буюк саҳоба ҳақларига истиғфор айтишини сўрашди. Хушхабарни етказишди: “Пайғамбар (алайҳиссалом) сиздан дуо сўрашни тавсия қилганлар”.
Увайс ҳайратда! Шу билан бирга, устига оғир юк ортилгандай гўё. Энди уни ким кўрса, дуо истайди. Ҳамма ҳам ҳазрат Али ва ҳазрат Умар (розияллоҳу анҳу)дек охирати учун дуо сўраса экан. Одамлар Аллоҳдан дунёлик истайдилар:
– Дуо қил, ҳосилимиз мўл бўлсин!
– Дуо қил, яхши жойлардан келин, куёвлар насиб қилсин!
– Дуо қил, чорвамиз сути кўпайсин!
Бундай сўровлардан қийналган Увайс бир кеча Қаранни тарк этди, Куфага йўл олди. Зеро, дуонинг қабул бўлиши катта юк. Танбалнинг, очкўзнинг, ҳасадгўйнинг сўровларига омин дейиш оғир мусибат...
* * *
Камбағал Увайс чўпонлик қилиб, кўзлари ожиз онасини боққан. Волидасини рози қилсам дейди. Қўлидан келганча парваришлайди. У сергап эмас, ҳол-аҳвол сўрайди, холос. Лекин онасини жон қулоғи билан эшитади. Сукут сақлашни, тинглашни билган, фақат яхши гап айтадиган Увайсга бирин-кетин ҳикмат эшиклари очилади...
Болалар билан гаплашади, лекин қишлоқдошлари билан кўп суҳбатдош бўлавермайди. Ишини чиройли бажаради. У боққан ҳайвонлар соғлом, сути мўл. Увайс жониворларга марҳаматли, уларни тушунади. Инсонларни ҳам яхши англайди, бироқ одамлар анча мураккаб, тўғрироғи, кўпи ношукр. Истаклари амалга ошиб, ҳамма ишлари жойида кетса, хўп-хўп. Аммо салгина машаққатга дуч келишса, дарҳол нолишади, шикоят қилишади. Бундай ҳолатлар Увайсни оғринтиради. Шу сабабли унга тоғлардаги гиёҳлар, гул-чечаклар, ҳайвонлару қушлар ёнида бўлиш маъқул...
Бир бурда нон учун Раббига беҳисоб шукр айтади. Қаноати – бойлиги. Эртага нима ейман деб ташвишланмайди. Рабби уни оч қўймайди, буни билади, бунга ишонади...
Увайс кўрмай туриб, Расулуллоҳ (соллаллоҳу алайҳи ва саллам)нинг пайғамбарликларига имон келтирди. Аллоҳ таоло бу покиза қалб ва имон эгасини Пайғамбар (алайҳиссалом)га севимли қилди. Унинг ҳам дилида Набий (алайҳиссалом)­нинг ишқлари, соғинчлари. Бу қандай имтиҳонки, кундан-кун муҳаббати ортади, аммо Мадинага йўллар берк. Зоҳиран онаси тўсиқдек кўринса-да, аслида тақиқ Улуғ даргоҳдан. Ҳижрон чидаб бўлмас ҳолга келганда Увайсга йиғи ёрдамга келади – тошларни эритар даражада тафтли кўзёшлар. Ниҳоят, бир кун маҳбубдан салом келди. Ҳирқа келди тасалли каби – Расулуллоҳ (соллаллоҳу алайҳи ва саллам)нинг ҳирқалари...
* * *
Увайс бу юксак даражага дунё муҳаббатини тарк этиш билан эришди. Қаноатсиз, ношукр, келажак ғами билан тўла кўнгилга Пайғамбар (алайҳиссалом) севгиси қандай сиғсин?
Бизни, маънавиятимизни маҳв этаётган ҳам дунё андишаси, мол-мулк севгиси. Уйимизда энг кам икки кунлик озуқамиз, етарли кийимимиз, зарур жиҳозларимиз бўлатуриб, “фалон нарсам бору, пистон нарсам йўқ”, дея қайғудамиз. Шундай бўлгач, кўнглимизда маънавият ­нашъаси қаердан бўлсин? Аллоҳ ишқи, Набий (алайҳиссалом) севгиси юрагимизга қандай жойлашсин? Қийинчиликларни тоғдай катта кўрсак, бахтимизни ҳис этолмасак, фойдасиз амаллар билан овора бўлсак, томирларимизда келажак қўрқуви оқиб турса, қалбимизда Расулуллоҳ (соллаллоҳу алайҳи ва саллам) муҳаббатларига ўрин қолармиди?..
Хуллас, ҳазрат Увайсдек самимиятли бўлолсак, бизга ҳам “ҳирқа” топилади...


Зумрад ФОЗИЛЖОН қизи
тайёрлади.

Хўжайлида аҳоли билан мулоқот қилаётган яна бир гуруҳ фаолият олиб бормоқда

Ўзбекистон Республикаси Президенти Шавкат Мирзиёевнинг жорий йил 15-16 ноябрь кунлари Қорақалпоғистон Республикасига амалга оширилган ташрифи юзасидан берилган топшириқларнинг ижросини амалга ошириш мақсадида махсус гуруҳ тузилган эди.

Қорақалпоғистон Республикаси Хўжайли туманида ЎМИ кадрлар бўлими ходими Мухаммадназар Қаюмов, Диний қўмита масжидлар бўлими ходими Султонов Зулҳайдар ва Қорақалпоғистон мусулмонлари қозиёти вакили И.Аллановлар Махсус гуруҳ таркибида аҳоли билан билан мулоқот олиб бормоқда.

Хўжайли туманидаги ижтимоий ва диний муҳитни ўрганиш ҳамда таҳлил қилишда аҳолининг барча қатлам иштирокида Хўжайли тумани 29-сонли мактабнинг мажлислар залида йиғилиш ўтказилди. Ушбу йиғилишдан фотолавҳаларни қуйида кўришингиз мумкин.

ЎМИ Матбуот хизмати

2018 йилнинг 17 ноябрь куни Андижон “Саййид Муҳйиддин махдум” ўрта махсус ислом билим юртида таҳсил олаётган талабалар ҳамда билим юртимизда педагогик амалиёт ўтказаётган Тошкент ислом институтининг амалиётчи талабалари ўртасида учрашув ташкил қилинди. Учрашув билим юртининг маънавий-маърифий тадбирлар ўтказиш зали мудир ўринбосари А.Мелибоев ва “Инглиз тили” фани ўқитувчиси Б.Бозорбоевлар бошчилигида ўтказилди.

Учрашув аввалида билим юрти маънавий-маърифий ишлар бўйича мудир ўринбосари А.Мелибоев сўз олиб Тошкент ислом институти талабалари Турғунобев Нуриддинжон, Абдураҳмонов Муҳаммадюсуф, Халилов Шавкатжон, Нажмиддинов Бахтиёржон, Расулов Боборавшан, мухамматдинов Ағзаматдин ҳамда Нуриддинов Юлдашбойларни таништириб ўтар экан, улар ҳақидаги маълумотларни қисқача тариф асосида йиғилганларга етказди. А.Мелибоев ўз сўзида давом этиб ушбу олийгоҳ талабалари 2018 йилнинг 27 декабрига қадар билим юртимизда амалиёт ўтказишлари ҳақида гапириб, Тошкент институти талабаларини ўрта махсус ислом билим юртларида амалиёт ўтказишдан мақсадлари ва уларга қўйиладиган талабалар ҳақида қисқача тушунтириб бериб ўтар экан, билим юрти талабаларига ушбу амалиётчилардан унумли фойдаланиб қолишликлари ҳақида тавсия берди. Шундан сўнг икки билим юртлари талабалари ўртасида очиқ мулоқот тарзидаги суҳбат давом этди.

Суҳбат давомида амалиётчи талабалар томонидан Тошкент ислом институти, ушбу жойда яратилган шароитлар, дарслик сифатида ўқитиладиган адабиётлар, институт талабаларига қўйиладиган талаблар ҳақида тушунчалар бериб ўтилди. Суҳбат давомида билим юртимиз талабалари ўзларини қизиқтирган саволлларга батафсил жавоб олдилар.

Билим юрти маънавий-маърифий ишлар бўйича мудир ўринбосари
А.Мелибоев

ЎМИ Матбуот хизмати

“Кўкалдош” ўрта махсус ислом билим юртида 2018 йил 15 ноябр куни “16 ноябр - Халқаро диний бағрикенглик ва миллатлараро тотувлик куни”га бағишлаб ўтказилган “Диний бағрикенглик -муқаддас туйғу” мавзусидаги тадбир ўтказилди.

“Кўкалдош” ўрта махсус ислом билим юртида 2018 йил 15 ноябр куни “ 16 ноябр - Халқаро диний бағрикенглик ва миллатлараро тотувлик куни”га бағишлаб ўтказилган “Диний бағрикенглик - муқаддас туйғу” мавзусида тадбир бўлиб ўтди. Тадбирга таклиф қилинган меҳмонлардан Ўзбекистон республикаси Вазирлар маҳкамаси ҳузуридаги Диний ишлар бўйича қўмита таълим ва кадрлар тайёрлаш бўлими бошлиғи Бобомурод Рустамов, Ўзбекистон Мусулмонлар идораси таълим ва кадрлар тайёрлаш бўлими бошлиғи Салоҳиддин Шерхоновлар ташриф буюрдилар.

Тадбирда “Кўкалдош” ўрта махсус ислом билим юрти мудири З.Мирсадиков, билим юрти мударрислари ва барча талабалар қатнашдилар. Тадбирни З.Мирсадиков очиб берди ва ташриф буюрган меҳмонларга сўзни берди.

Б.Рустамов ва С.Шерхоновлар сўзга чиқишди.Улар мударрислар ва талабаларни байрам билан қутлаб диний бағрикенглик ва миллатлараро тотувликни ривожлантириш йўлида Ватанимизда олиб борилаётган ишлар ва бу борадаги ютуқларимиз тўғрисида тадбир қатнашчиларига сўзлаб бердилар. Шундан сўнг тадбирга маъруза тайёрлаб келган билим юрти талабаларига навбатма навбат сўз берилди ва улар ўз маърузаларини ўқиб бердилар.

Тадбир ниҳоясида “Кўкалдош” ўрта махсус ислом билим юрти мудири З.Мирсадиков ташриф буюрган меҳмонларга ва маъруза тайёрлаб келган талабаларга миннатдорчилик билдирди ва бундай тадбирларнинг кўпроқ ташкил қилиниши ҳозирги кундаги долзарб масала эканлигини таъкидлаб ўтди. Ушбу тадбир қатнашувчиларида улкан таассуротлар қолдирди.

ЎМИ Матбуот хизмати

2018 йил 16 ноябрь куни Урганч шаҳар Имом Фахриддин ар-Розий ўрта махсус ислом билим юртида 16 ноябрь – «Халқаро диний бағрикенглик куни» муносабати билан “Ўзбекистон динлараро бағрикенглик диёри” мавзусида тадбир ўтказилди.

Тадбирда билим юрти мударрис ва талабалари билан бирга Ўзбекистон мусулмонлари идораси Хоразм вилоят вакили Х.Абдуллаев ҳам иштирок этди.

Тадбирни билим юрти мудири Д.Абдуқодиров очиб бериб, 16 ноябрь – “Халқаро диний бағрикенглик куни”нинг мазмун-моҳияти ва унинг аҳамиятини, юртимизда бугунги кунда 16 та конфессияга эътиқод қилувчи 130 дан ортиқ миллат вакилларининг тинч-тотув, бирдамликда яшаб келаётганлиги, юртбошимиз томонларидан олиб борилаётган оқилона сиёсатнинг нечоғлик тўғри эканлигини бугун нафақат юртимизда, балки бутун дунёда тан олиниб, катта давлат рахбарлари томонидан эътироф этилган ҳолда, Ўзбекистон тажрибасидан фойдаланишни таклиф этилиши бежиз эмаслигини айтиб ўтди.

Шундан сўнг Х.Абдуллаев сўзга чиқиб, Муқаддас Ислом динимизда ҳам бағрикенгликка берилган эътибор ҳақида гапириб, Қуръони каримдан ҳамда Пайғамбаримиз Муҳаммад соллаллоҳу алайҳи васаллам ҳадиси шарифларидан ва ҳаётларидан мисоллар келтириб тушунтириб берди. Жумладан, Пайғамбар алайҳиссаломнинг Макка мушрикларига қилган муносабатлари, Нажрон элчиларига кўрсатган эҳтиромлари, Хулофои рошидийнлар давридаги машҳур ҳодисалардан мисоллар келтириб ўтилди.

Шу билан бирга бугунги кунда Ислом динини ниқоб қилиб динимизнинг бағрикенглик тамойилларига зид тарзда бошқа дин вакилларига ва ҳатто ўзларига қўшилмаган мусулмонларга ҳам уларнинг моллари ва жонларини ўзларига ҳалол санаб, турли хил жиноятларни амалга ошираётганликларини таъкидлаб, бу тоифаларнинг асл мақсадалари Ислом динини қарор топтириш эмас, балки умуман йўқ қилишдан иборат эканилигини мисоллар билан тушутириб берилди.

Тадбир давомида талабалар ҳам ўзларини қизиқтирган юртимизда диний соҳа ривожида амалга оширилаётган ишлар ҳақида саволлар билан мурожаат қилишиб, кўплаб фойдали маълумотларга эга бўлишди.

ЎМИ Матбуот хизмати

Мақолалар

Top