Барчамизга маълум, бугунги кунда интернет оламининг имконияти, кўлами яна ҳам кенгайди. Кўп давлатларда жорий қилинган карантин сабаб, одамлар уйда қолиб, ушбу тармоқдан фойдаланиш ҳолати бир мунча ўсди. Бу эса, айрим бузғунчи оқимларнинг ўзлари илгари сураётган даъволарини кенг оммага тарқатиш имконияти янада қулай бўлди. Айниқса, бизнинг диёрда, телеграм мессенжеридан фойдаланувчиларнинг сон жиҳатидан кўп бўлиши буларга қўл келди. Ўзи аввалдан ҳам телеграмдаги бу оқимларнинг фаолияти жуда ҳам юқори эди. Уларнинг «даъватлари» билан йўғрилган каналларга, афсуски, қанчадан қанча ватандошларимиз, Исломни ўрганиш мақсадида, уларнинг ниятини англамасдан аъзо бўлиб, натижада эътиқодга тегишли масалаларда иккиланиш ҳолатлари кўзга ташланиб қолди ва. Айниқса, кундалик намозлардан кейин ўқиладиган зикрлар тўғрисидаги ноўрин гаплар, иймон ва амал ҳақидаги мулоҳазалар, жума табриги мавзуси ва ҳоказо ҳолатларда одамлар ўртасида қарама-қарши фикрлар ўйғонишига сабаб бўлди. Карантин даврида эса, ушбу «даъватчилар» яна ҳам фаоллашиб, ҳанафий мазҳабини ниқоб қилиб олиб, гўёки Имоми Аъзам роҳматуллоҳи алайҳга ўзини эргашган қилиб кўрсатиб, аслида эса бемазҳабликни тарқатишга қаратилган ғояларни сингдиришга бўлган ҳаракатлар аввалгидан ҳам авж олди.

Халқимизда Исломни ўрганишга бўлган интилиш юқори бўлгани учун, бу масалада керакли маълумотлар билан қондириш мақсадида, ҳозирда, алҳамдулиллаҳ, Ўзбекистон мусулмонлари идораси тизимида фаолият юритиб турган аҳли илмларимиз томонидан, ютуб, телеграм, фейсбук ва бошқа ахборот воситалари орқали етарли маълумотлар бериб бориш йўлга қўйилди. Ватандошларимизни динимизга тегишли бўлган масалаларда ёрдам бериш мақсадида алоҳида савол-жавобларга қаратилган телеграм каналлари, колл-центрлар ташкил қилинди. Албатта, бунга ундаган нарса, халқимизнинг ақидавий, фиқҳий масалалардаги керакли, асосли билимлар билан таъминлаш, уларнинг ақидасини софлигини сақлаб қолиш кўзда тутилган. Ушбулардан келиб чиқиб, айтмоқчи бўлганимиз, аввало огоҳлик маъносида, қолаверса, Аллоҳ таолонинг мўмин мўминнинг биродари, деган Каломига мувофиқ, диндошлик юзасидан мана шундай оқимларга хайриҳоҳ бўлиб қолиб, ўзларига жабр қилиб қўйишларидан эҳтиёт бўлишларига чақирган бўлар эдик. Зеро, ҳазрати Расули акрам соллаллоҳу алайҳи васаллам: “Мўминлар бир-бирларига меҳр-муҳаббат ва ғамхўрлик қилишда бамисоли битта тана кабидирлар. Агар танада бир аъзо оғриса, қолган аъзолар иситма ва бедорлик билан унга шерик бўлади” (Муттафақун алайҳ), дея бежиз айтмаганлар. Бу эса, бир ватандошимизнинг жабр тортиши бизга ҳам озор беришидан дарак беради.

Қодиржон Умурзаков,

Поп тумани «Муҳаммаджон қори»жоме

масжидининг имом-хатиби

Аввал хабар берганимиздек, Имом Бухорий номидаги Тошкент ислом институти «Ҳадис ва ислом тарихи фанлари» кафедраси катта ўқитувчиси, сийрат фани устози Саидаҳмедов Абдул Азим Зиёуддин ўғли жорий ойда юртимиз бўйлаб илмий сафар қилиб, 10 кун мобайнида мадраса устоз ва талабалари билан учрашувлар ўтказди.

3 та олий – Тошкент ислом институти, Мир Араб Олий мадрасаси (Бухоро), Ҳадис илми мактаби (Самарқанд); 10та ўрта махсус – Қўкалдош, Хадичаи Кубро (Тошкент), Мир Араб, Жўйбори Калон (Бухоро), Саййид Муҳйиддин Махдум (Андижон), Ҳидоя (Наманган), Хожа Бухорий (Қашқадарё), Имом Термизий (Сурхондарё), Фахриддин ар-Розий (Хоразм) ва Муҳаммад ал-Беруний (Қорақалпоғистон Республикаси) мадрасаларига ташриф буюриб, китоб тақдимоти ҳамда илмий суҳбатлар ташкил қилди.

Тошкент ислом институти «Ҳадис ва ислом тарихи фанлари» кафедраси ташаббуси билан ўтказилган мазкур илмий сафар Ўзбекистон мусулмонлари идораси Таълим ва илмий-тадқиқот бўлими ҳамда институт раҳбарияти томонидан маъқулланиб, Абдул Азим Зиёуддин домланинг ташкилий ва моддий саъй-ҳаракатлари эвазига муваффақиятли амалга оширилди.

Абдул Азим Зиёуддин муаллифлигида нашр этилган «Сиз Пайғамбарни кўрганмисиз?» (1-2-жузлар), «Расулуллоҳ ва аҳли байт», «Нурул басар» (табдил ва таҳқиқ) ва «Нурул яқийн» (академик таржима) китоблари тақдимоти натижасида маъҳад ва мадрасаларнинг минглаб талабалари қалбида сийрат фанига қизиқиш қайта жонланди ҳамда келажакда китоб ёзишга бўлган иштиёқлари зиёда бўлди.

Мазкур илмий сафарда «Ҳадис ва ислом тарихи фанлари» кафедраси ўқитувчиси Баҳодир домла Аъзамов ҳамроҳлик қилди.

Сафар давомида Абдул Азим Зиёуддин тарафидан нашр этилган беш хил асардан иборат, жами 2066 та китоб 13 та олий ва ўрта махсус ислом таълим муассасалари Ахборот-ресурс маркази ҳамда устозларига ҳадя қилинди:

1) «Сиз Пайғамбарни кўрганмисиз?» (1-жуз) 262 та;
2) «Сиз Пайғамбарни кўрганмисиз?» (2-жуз) 262 та;
3) «Расулуллоҳ ва аҳли байт» 263 та;
4) «Нурул басар» (табдил ва таҳқиқ) 603 та;
5) «Нурул яқийн» (академик таржима) 676 та.

Эслатиб ўтамиз, 2022 йил сентябр ойида барча ўрта махсус ислом таълим муассасаларининг 2-курс талабаларига «Нурул яқийн» (академик таржима) китобидан ҳадя қилинган эди.

ТИИ Матбуот хизмати

“Садақа Аллоҳнинг ғазабини тўсади ва ёмон ҳолда ўлим топишдан сақлайди” (Термизий ривояти).

Имом Бухорий номидаги Тошкент ислом институти жамоаси Самарқанд вилояти Пайариқ туманига етиб келиб, Ҳадис илми мактаби фаолияти билан танишди. Олий маъҳад ва Мир Араб олий мадрасаси 4-курс талабалари ҳам дарсларда Имом Бухорийнинг “Жомеъус саҳиҳ” китобини ўқиб хатм қилган эди.

Имом Бухорий халқаро илмий-тадқиқот марказида “Жомеъус саҳиҳ”ни хатм қилган талабаларга ижоза шаҳодатномалари топшириш маросими бўлиб ўтди.

Тадбирда Тошкент ислом институти ректори, сиёсий фанлар доктори, профессор Муҳаммадолим домла Муҳаммадсиддиқов, Ҳадис илми мактаби ректори Олимхон домла Юсупов, мисрлик устоз шайх Жамолиддин Ҳошим, ҳадис фани ўқитувчилари ва талабалар иштирок этди.

Маросим давомида устозлар томонидан “Жомеъус саҳиҳ” китобини ўқиб хатм қилган талабаларга ижоза шаҳодатномалари тантанали равишда топшириб, уларнинг ҳақига дуои хайрлар қилинди.

Ўзбекистон мусулмонлари идораси
Матбуот хизмати

27 мая этого года в городе Ош (Кыргызская Республика) состоялся международный конкурс чтецов азана, посвященный светлой памяти известного улема Чубака ажы Жалилова из Кыргызстана. Главный приз конкурса оспаривали муаззины Узбекистана, Кыргызстана и Казахстана.
В конкурсе приняли активное участие наши соотечественники Хамзахан Дадаев, муаззин соборной мечети "Жиззахлик" Шароф Рашидовского района Джизакской области, а также Мираъзам Хасанов, студент 4 курса среднего специального исламского учебного заведения "Кукельдаш". В то время как Хамзахан Дадаев завоевал первый титул на конкурсе, Мираъзам Хасанов также был награжден "Почетной грамотой", а также ценными призами за активное участие.
Конечно, это практический результат "Уроков азана", организованных по инициативе председателя Управления мусульман Узбекистана муфтия Нуриддина домлы Холикназарова и проводимых шейхом Алиджаном кори.
Ведь абсолютный победитель конкурса в Кыргызстане Хамзахон Дадаев также является одним из самых активных участников "Уроков азана".

Пресс-служба Управления мусульман Узбекистана