Шайх Одил Шуъайбий такфирчи Ваҳҳобийлар фикридан тавба қилиб, аҳли сунна мазҳабига қайтгандан сўнг шундай дейдилар:
Шайхларимиз бизга: "Биз салафи солиҳлар йўлидамиз", дейишганди. Билсам, биз хаворижлар тариқатида бўлиб чиқдик.
Бизга: "Суфийлар мушрик", деб айтишди. Билсам, улар Аллоҳнинг энг ихлосли мўмин бандали эканлар.
Бизга: "Солиҳлар ила ёрдам сўраш ширк" деб айтишди. Фош бўлдики бу амални қилиш мустҳаб эканига уламолар ижмоъ қилган эканлар.
Бизга: "Табаррук ширк", дейишди. Билсам, уламолар мустаҳаблигига иттифоқ қилган бўлиб чиқди.
Бизга: "Солиҳларни васила қилиш ширк", дейишди. Фош бўлдики барча уламолар жоиз дейишган экан.
Бизга: "Қабрларда дуо қилишни аҳли сунна иттифоқи билан қайтарилган", деб айтишди.
Билсам, бундан фақат ибн Таймия қайтарган экан. Ундан аввалги аҳли ҳадис уламоларнинг бу амал мустаҳаб эканига иттифоқи бор экан.
Бизга: "Мавлид қилиш мункар бидъат", дейишди. Билдимки барча аср уламолари бу амални ҳам мустаҳаб деб айтишган экан.
Бизга: "Ашьарийлар бидъатчи фирқа", дейишганди. Фош бўлдики Аллоҳ таоло китоблари илмини сақлаган барча муҳаққиқ уламолар Ашъарийлар бўлиб чиқди.
Бизга: "Аҳли сунна бизлармиз", дейишганди.
Билсам, улар карромийлар тариқатидаги мужассима хаворижларни айни ўзи экан.

Аллоҳ тавбаларини қабул этсин!
-----------------
Диний саводга бўлган эҳтиёжини ижтимоъий тармоқ билан қондиришга ҳаракат қилаётган ёш бирдарларимизга тавсия!
Уларни ижтимоъий тармоқда:
"Биз фақат Аллоҳ ва Росулига, Қурон ва суннатга эргашамиз. Ҳукм фақат Аллоҳники, Аллоҳу акбар", дея кишини қонини жумбушга келтирадиган, аслида юзаки ва саёз даъволарига алданиб қолманг. Аллоҳ ва Росулига, Қурон ва суннатга эргашиш улар даъво қилганидек мустақил амалга оширилмайди. Қурон ва суннатга эргашиш салафи солиҳлар, муҳаққиқ мужтаҳидлар мафҳумини чуқурроқ англаш, улар асос солган кўплаб усуллар асосида бўлади.
Тўғри йўлдан адашмаслик учун бирон устозни ўзингизга лозим тутиб, вақтингизни кўпроқ қисмини матн кўришга ажратинг. Ҳозирча ижтимоъий тармоқдан илм олишдан сақланганингиз маъқул. Бироз матн кўриб таълим олгач, ютубдан ҳам фойдаланаверасиз.
"Нега ижтимоъий тармоқни таълим олишни зиддига қўйяпсиз, тармоқдан ҳам ўрганиш мумкин-ку?" дейилса, билингки, мен бу гапни диний саводи мутлақо йўқ бўлган ёшларга қарата хоссатан айтдим. Кўз ўнгимда улғайиб, салафийлик билан касалланган ўттизга яқин ҳамқишлоқ йигитларни биламан. Бирорталари умрида на устоз ва на матн кўрмаган. Севикли ишлари мусулмонларни мушрикликда айблаш. Озроқ бўш келинса, одам ўлдириши ҳеч гап мас. Уларни ўзаро боғлаб турган ягона жиҳати ижтимоъий тармоқда салафийларнинг маърузаларига муккасидан кетганида.
Демак, аввал тўғри таълим олинг, сўнг ижтимоъий тармоқдан ҳам фойдаланаверасиз.»

http://t.me/shoshhanafiy 

Отабек домла АВЕЗОВ

Бухоро шаҳар "Файзобод" жоме масжиди имом-хатиби

Ўзбекистон мусулмонлари идораси жамоаси Тошкент шаҳри Мирзо Улуғбек тумани “Мулла Қосим” жоме масжиди имом-ноиби Исроил домла Нурдиновнинг падари бузрукворлари Исмоилжон отанинг вафоти муносабати билан марҳумнинг оила аъзолари ва яқинларига чуқур таъзия изҳор этади.

Аллоҳ таоло марҳумни Ўз мағфиратига олсин, имонларини саломат қилсин, солиҳ амалларини ўзларига ҳамроҳ этсин. Охиратларини обод этиб, жойларини Фирдавс жаннатларидан қилсин!

Аллоҳ таоло марҳумнинг барча солиҳ амалларини ҳусни қабул айлаб, Ўз мағфиратига олсин, барча саҳву хатоларини кечириб, раҳматига чулғасин, қабрларини жаннат боғчаларидан қилиб, охиратларини обод айласин!

Ҳақ таоло марҳумнинг аҳли оиласи, фарзанду аржумандлари ва яқинларига чиройли сабр бериб, бу мусибатларини яхшиликлар ила тўлдирсин.

Ўзбекистон мусулмонлари идораси жамоаси, уламолари, имом-домлалари ва ўқитувчи-мударрислари номидан Исроил домла Нурдиновнинг оила аъзолари, ёр-биродарлари, яқинларига ҳамдардлик билдирамиз.

Иннаа лиллааҳи ва иннаа илайҳи рожиъуун.

«Мусибат етганда «Албатта, биз Аллоҳникимиз ва албатта, биз Унга қайтувчимиз», деган сабрлиларга хушхабар беринг».

Ўзбекистон мусулмонлари идораси

Разов Бахрамаддин
Нукус шаҳри бош имом-хатиби

Аллоҳга ҳадсиз, ҳисобсиз шукрлар бўлсин, юртимизда масжидларнинг янги бинолари замонавий кўриниш касб этиб, мўмин-мусулмонларнинг баҳридилини очмоқда.

Бугун Бўка туманидаги "Эштой бобо" жоме масжидининг очилиш маросими бўлиб ўтди.

Қуръони карим тиловати билан бошланган тадбирда Тошкент вилояти бош имом-хатиби ўринбосари Зиёвуддин Нортожиев, туман имомлари, нуроний отахонлар, маҳалла фаоллари, ҳомийлар ва саховатпеша инсонлар иштирок этди.

Масжиднинг эски биноси авариявий ҳолатга келиб қолган, қишда совуқ, ёзда иссиқ бўлар эди. Бундан ноқулайлик сезган намозхонларнинг таклиф ва тавсиялари, раҳбарларнинг саъй-ҳаракатлари билан масжиднинг янги биноси қад ростлади. Ажойиб гумбаз ҳудуд кўркига кўрк қўшди. Айни пайтда бу ерда 300 дан зиёд киши бемалол ибодатларни адо этишиш мумкин.

Янги жомега монанд тарзда замонавий таҳоратхона ҳам бунёд этилди.

Бу хайрли ишда ҳам маънавий, ҳам моддий жиҳатдан ўз ҳиссасини қўшган азизларимиздан Аллоҳ рози бўлсин.

Ўзбекистон мусулмонлари идораси
Тошкент вилояти Ахборот хизмати