muslim.uz
Участники вспомнили образцовый жизненный путь династии Муфтиев Бабахановых
12 сентября Управление мусульман Узбекистана провело научно-просветительскую беседу на тему "Изучение и широкая пропаганда наследия династии Бабахановых, внесшей неоценимый вклад в развитие исламского просвещения и культуры".
В мероприятии приняли участие ведущий научный сотрудник Центра исламской цивилизации в Узбекистане шейх Абдулазиз Мансур, представитель династии муфтиев Бабахановых, доцент Ташкентского государственного университета востоковедения Мухлиса Зиевуддин кизи, заместитель председателя Управления мусульман Узбекистана Иброхимжон домла Иномов и сотрудники Управления мусульман Узбекистана.
Церемония началась с чтения Корана и добрых молитв.
В начале просветительской встречи шейх Абдулазиз Мансур рассказал о том, что представители династии муфтиев Бабахановых, о которых с большим уважением вспоминают верующие нашей страны, в очень трудные годы оказали неоценимые услуги для развития религиозно-образовательной сферы в нашей стране.
После этого Мухлиса Зиевуддин кизи рассказала о том, что представители династии муфтиев Бабахановых, основатели управления мусульман, покойные муфтии – Эшон Бабахан ибн Абдулмаджидхан, шейх Зиёуддинхан ибн Эшон Бабахан и Шамсиддинхан Бабаханов были муфтием мусульман пяти республик нашего региона в период советской власти и отлично справились с этой важной и ответственной задачей, и даже в тот период бывшего Союза, когда религиозные улемы подвергались преследованиям и различным давлениям, они смогли открыть закрытые мечети, осуществить ремонт разрушенных мечетей, получить разрешение на проведение религиозных мероприятий и совершение хаджа.
Во время мероприятия было отмечено, что одной из больших заслуг муфтиев Бабахановых стало открытие медресе Мир Араб в Бухаре и Исламского высшего маъхада в Ташкенте, которые готовили кадры не только для Центральной Азии и Казахстана, но и для европейской части России и сибирских, кавказских, северокавказских религиозных учреждений, в том числе для наличие видных религиозных деятелей среди тех, кто окончил эти учебные заведения, говоря об актуальных вопросах тех времен, было отмечено, что, во-вторых, они установили контакты со многими религиозными и государственными деятелями, при участии муфтиев Бабахановых в те времена между арабскими странами и 80 странами с распространением ислама улучшились отношения и расширились религиозные связи.
Во время духовно-просветительского мероприятия было отмечено, что в последующие годы при поддержке нашего правительства в целях широкой пропаганды их деятельности во имя нашей религии и процветание нашей страны были созданы документальный фильм, телепередача, опубликованы книга, популярная научная брошюра и серия статей о династии муфтиев Бабахановых.
В конце мероприятия Иброхимжон домла Иномов вручил памятные подарки почетным гостям Управления мусульман Узбекистана.
Пресс-служба Управления мусульман Узбекистана
Таниқли уламолар Чирчиқ шаҳри масжидларида
Бугун, 13 сентябрь куни юртимизнинг бир гуруҳ таниқли уламолари Тошкент вилояти Чирчиқ шаҳри масжидларига ташриф буюриб, пешин ва хуфтон намозини жамоат билан бирга адо этиб, мўмин-мусулмонларга маърифий суҳбатлар қилиб бердилар.
Хусусан, Ўзбекистон мусулмонлари идораси раиси ўринбосари Иброҳимжон домла Иномов “Амир ўғли Хасанбой” масжидига ташриф буюриб, пешин намозидан сўнг йиғилган жамоатга “Инсон қадри” ҳақида маъруза қилди. Устоз ўз сўзида Исломгача бўлган жоҳилият даврида инсон қадр-қиймати қанчалик аянчли бўлгани ва ундан кейинги Пайғамбаримиз соллаллоҳу алайҳи васаллам замонида қай даражада юқорига кўтарилганини ҳадислар асосида тушунтириб берди. Шу билан бирга Қуръони каримда инсонни улуғловчи оятлардан ўқиб, уларни атрофлича шарҳлаб, унинг мазмун-моҳияти йиғилганларга етказди. Шунингдек, айни кунда ҳам динимиз таълимотига мос равишда юртимизда инсон қадрини улуғлашга катта эътибор берилаётганини қайд этди. Бундай гўзал ва таъсирли мавъизадан йиғилганлар мамнун бўлиб, Иброҳимжон домлага ўз миннатдорликларини билдирдилар.
Бундай манфаатли маърузалар “Ўрта Маҳалла” масжидида Абдуқаххор домла Юнусов, “Марказий” масжидида Муҳаммадраҳим домла Абдуқодиров иштирокида ҳам бўлиб ўтди. Унда Абдуқаҳҳор домла намозхонларга ибодатнинг мағзи бўлган – дуо ва унинг фазилатлари ҳақида сўз юритиб, қандай дуолар ижобат бўлиши, нималарга эътиборли бўлиш кераклигини ҳақида жамоатга кенг тушунча берди. Муҳаммадраҳим домла эса масжидга йиғилганларга “Бир оят тафсири ёки неъматларга шукрона келтириш” ҳақида манфаатли маъиза қилдилар.
Эътиборлиси, мазкур масжидлар жамоати хуфтон намозидан сўнг ҳам ана шундай диний-маърифий суҳбатлардан баҳраманд бўлиб, бу борадаги билимларини мустаҳкамлаб, катта манфаат олдилар.
Суҳбатлар якунида доимгидек савол-жавоблар бўлиб, уламолар жамоат билан бирга Ҳақ таолодан юртимизга тинчлик-офият, файзу барака ва тан-сиҳатлик сўраб дуолар қилдилар.
Аллоҳ таоло уламоларимизнинг суҳбатларини манфаатли ва давомли қилсин!
Ўзбекистон мусулмонлари идораси Матбуот хизмати
Масжидул Ҳаромда янги роботлар
Макка шаҳридаги Масжидул Ҳаромда мўминларга хизмат қилиш учун Қуръони каримни ўқувчи ва маъруза қилувчи роботлар ишга туширилди. Бу мусулмонларнинг асосий зиёратгоҳида сунъий интеллектдан фойдаланишга қаратилган сўнгги қадамдир. Бу ҳақда islam.ru маълум килган.
Роботлар штрих-кодлар орқали маълумотни ўқий олади. Бу эса фойдаланувчиларга шахсий смартфонларига керакли хизматларни юклаб олиш ёки маълумотларга кириш учун роботлардаги буйруқларни босиш имконини беради. Эндиликда, ташриф буюрувчилар нафақат исломий саволларга жавоб олишлари, Қуръон ўқишлари, балки кундалик ва жума маърузаларини ўқийдиган имом ва азон айтадиган муаззинларнинг исмларини ҳам билиб олишлари мумкин.
Илғор автомашиналар Икки Муқаддас масжид ишлари бўйича Бош раис Шайх Aбдурраҳмон ал-Судаис томонидан ишга туширилди. Унинг қайд этишича, бу “Смарт Ҳарам” лойиҳасини амалга ошириш бўйича кенг кўламли стратегиянинг бир қисмидир.
Ўзбекистон мусулмонлари идораси Матбуот хизмати
Тинчликни асраш ва қадрлаш – барчанинг бурчи!
Мўмин-мусулмонлар бир-бири билан кўришганда бир-бирига салом бериб, ўзаро тинчлик, омонлик тилайди, Ҳақ таолодан юртга тинчлик, ободлик сўраб дуои хайрлар, ҳар бир яхшилик устида тинчлик бўлсин дея, яхши ниятлар қилади. Бу, албатта, бежиз эмас.
Негаки ҳар бир инсон ҳаёти давомида эзгу мақсад, орзу-истакларига етиш учун ҳаракат қилади. Бунинг учун унга энг катта таянч – тинчлик муҳитидир. Осойишталик ҳукм сурган оила бардавом ва мустаҳкам, эл-юртнинг тинчлиги эса мамлакат тараққиёти, аҳоли турмуш фаровонлигига сабаб бўлади.
Аллоҳ асрасин, оила ва юрт нотинч бўлса, ҳаёт лаззатини тасаввур қилиб бўлмайди. Ҳатто киши бирор луқмасини хотиржам ютолмайди.
Ислом динида тинчликни улуғлаш комил мўминликнинг муҳим белгиларидан ҳисобланади. Тинчликни қадрлаш, осойишта ҳаёт учун шукроналик уни сақлаб қолиш ва мустаҳкамлашнинг зарурий шартидир. Динимиз таълимотида масаланинг бу жиҳатига ҳам алоҳида эътибор берилган.
Қуръон каримда марҳамат қилинади: “Қачон (Биз) инсонга (тинчлик, саломатлик, фаровонликни) инъом этсак, у (шукр қилишдан) юз ўгириб, ўз ҳолича кетур. Қачон унга (хасталик, камбағаллик каби) бирор ёмонлик етса, ноумид бўлур” (Исро сураси, 83-оят).
Юртимизда тинчлик-осойишталик барқарорлигини таъминлаш йўлида катта иш олиб борилмоқда. Шунга кўра биз ҳам тинч, осойишта ва фаровон ҳаётнинг қадрига етиб, унинг давомийлигига ўз ҳиссамизни қўшмоғимиз лозим.
Тинчлик ва хотиржамлик улуғ неъмат эканини ҳаммамиз яхши биламиз, аммо унинг қадрига етиш лозимлигини айримлар тушунмайди. Пайғамбаримиз соллаллоҳу алайҳи ва саллам таъкидлаганларидек: “Икки неъмат борки, кўпчилик одамлар унинг қадрига етмайди. У сиҳат-саломатлик ва хотиржамликдир” (Имом Бухорий ва Имом Термизий ривояти). Ушбу неъматлар қарор топган юртда хотиржамлик ҳукм суради, фарзандлар эмин-эркин камолга эришади, оқибатда, жамиятда ҳар томонлама юксалиш ва ривожланиш рўй беради.
Динимизда тинчликка бўлган эътибор нечоғлик катта бўлиш билан бирга бағрикенглик унинг негизидир. Инсон ўзидаги неъматнинг қадрини унинг устида мулоҳаза юритиш, ундан ўзгалар ҳам баҳраманд ёки бебаҳра эканини ўйлаб кўриш билан ҳис этади.
Барча эзгу ишлар рўёбга чиқишининг боиси осойишталикдир. Шу боис инсонлар нафақат мавжуд тинчликнинг қадрига етиши, балки унга ношукрлик қилиб футур етказишдан сақланиши лозим. Абу Хурайра розийаллоҳу анҳу ривоят қилади. Расулуллоҳ соллаллоҳу алайҳи ва саллам: “Эй, Парвардигор! Дунё ва охиратда тинч ва омонда қилгин” деб қилинган дуодан кўра афзалроқ дуо йўқдир”, дедилар (Имом Байҳақий ривояти).
Бугунги таҳликали даврда инсоният учун тинчлик ва хотиржамлик сув ва ҳаводек зарур. Фарзандларимиз, ён-атрофдаги кишиларга ушбу неъматларнинг қадрига етиб, уни асраб- авайлаш зиммамиздаги бурчи эканини тушунтиришимиз лозим.
Қуръони каримда Иброҳим алайҳиссалом тилидан Ватанлари ҳақига бундай дуо қилган: “Эслaнг: Ибрoҳим: “Эй, Рaббим, бу (Мaккa)ни тинчлик шaҳри қилгин вa унинг aҳoлисидaн Aллoҳгa вa oxирaт кунигa ишoнувчилaргa (турли) мeвaлaрдaн ризқ қилиб бeргин” (Бақара сураси, 126-оят). Ояти каримада Ҳақ таоло Пайғамбаримиз алайҳиссаломга ўтган пайғамбарлар ҳаётидан хабардор қилиб, умматларини улуғ неъматлар тинчлик ва хотиржамликни қадрлаб, асраб-авайлаб ҳаёт кечиришга ундалмоқда. Иброҳим алайҳиссалом яшаган даврда Макка тинч шаҳарлардан бўлган. Шундай бўлсада, тинчлики доимо сўраб дуо қилиш муҳим эканига далолатдир.
Демак, ушбу буюк икки неъмат бардавом бўлиши учун инсондан шукр ва қадрлаш, тинчлик ҳукм суриб турган жойга яна тинчлик сўраб дуо қилиш динимизнинг энг долзарб талабидир. Айниқса, динимизни ниқоб қилиб, ўзларининг ғаразли мақсадларига эришишга уринаётган фирқа ва оқимларга қарши доимо сергак ва ҳушёр туриш зарурлигини доимо ёдда тутмоқ лозим.
Қуръони каримда: “... Эзгулик ва тақво (йўли)да ҳамкорлик қилингиз, гуноҳ ва адоват (йўли)да ҳамкорлик қилмангиз! Аллоҳдан қўрқингиз! Албатта, Аллоҳ азоби қаттиқ зотдир”, дея марҳамат қилинади (Моида сураси, 2-оят). Ояти каримада айтилганидек, эзгу ният йўлида ва тақво йўлида ҳамкорлик қилиш ер юзида тинчлик ва хотиржамликни барқарор бўлишига бош омил бўлади.
Башарият барча нарсаси: ақл-заковат, мол-дунё ва куч-қувватини сарфлашига ҳақли бўлган ушбу улуғ неъматлар бардавом бўлиши учун унинг сабабларини ҳам давомли бажарилиши лозим. Бунинг учун инсонлар, айниқса, ёш авлод, Ҳақ таолонинг тоатида бўлишга тарғиб қилиш, маъсият ишлардан қайтариш, неъматларни қадрлаш руҳида тарбиялаш лозим. Бу борада ҳар бир инсон ўзининг бурчи ва мажбуриятларини яхши билиши ва унга қатъий амал қилиши динимиз тавсиясидир.
Пайғамбаримиз соллаллоҳу алайҳи ва саллам: “Ким оиласи тинч, жасади саломат ва ҳузурида бир кунлик таоми бор ҳолатда тонг оттирса, унга дунё тўлиғича берилибди”, деганлар (Имом Бухорий ривояти).
Жаҳонда рўй бериб турган нотинчлик, киши дилини хуфтон қиладиган ҳолатда ғафлатда қолиш ҳеч кимнинг ҳаққи йўқ. Мамлакат, оила ва инсонларни ҳалокат ва фалокатга учратадиган энг ёмон мусибатлардан бу – бепарволик, ғафлат, лоқайдлик ва шунга оид ёмон ҳислатлардир. Бу кўзга кўринмайдиган иллат, касалликдир десак муболаға бўлмайди.
Ушбу ёмон иллатлардан барчамиз холос бўлишимиз лозим ва лобуддир. Зеро, динимиз бепарволик, ғафлат, лоқайдликлардан қатъий қайтариб, уни уламолар орқали муаолажа қилишга тарғиб этади.
Хулоса қиладиган бўлсак, тинчлик ва хотиржамлик амалий шукр талаб қиладиган неъматлардандир. Уни адо этиш барчанинг зиммасига фарз. Ёши улуғ инсонлар ушбу икки улуғ неъматнинг мустаҳкамлигини сўраб кўпроқ дуо қилиши, ёшлар ўзининг ҳалол меҳнати, Ватанга ҳар жабҳада шараф билан хизмат қилишга астойдил бел боғлаш билан бу неъматнинг шукрини адо этган бўламиз, иншоаллоҳ.
Аллоҳ таоло юртимиз тинчлигини бардавом, халқимиз ҳаётини фаравон қилсин.
Исомиддин АҲРОРОВ,
Ўзбекистон мусулмонлари идораси
Кадрлар бўлими мудири
Динда саволим бор: Уйда "Ёсин" сураси ўқилса, назр бериш керакми?
— Уйда “Ёсин” сурасини ўқиса, бунинг назри бор, дейишади. Шунинг учун уни ҳар ким ҳам уйда ўқийвермас экан. Назрини бермаса, бирор фалокат бўлармиш... Шу гаплар ростми?
— Ҳар бир мусулмон уйида Қуръонни доим ўқиб юришга ҳаракат қилмоғи лозим. Абу Ҳурайра розияллоҳу анҳудан ривоят қилинади: “Набий соллаллоҳу алайҳи васаллам: “Уйларингизни қабрга айлантирманглар. “Бақара” сураси ўқилган уйга шайтон кирмайди”, деганлар.
Бу ҳадисда “Бақара” сураси мисолида уйда Қуръонни кўп-кўп ўқиб туришга тарғиб этиляпти. Аллоҳнинг Каломини ўқиш эмас, ўқимаслик фалокатдир. Саволдаги “Уйда “Ёсин” сурасини ўқиса, бунинг назри бор”, деган гап асоссиз ва мутлақо хато гапдир.
Муҳаммад Айюбхон домла Ҳомидов
Мақолалар
