muslim.uz
Мусульманка осуществила мечту, окончив исламский институт в 85-лет
Вынужденная бросить школу ещё в юности, Джихад Батту, 85-летняя мусульманка из Палестины, сумела получить степень бакалавра в области религиоведения, не смотря на преклонный возраст.
Батту родился в 1936 году в городе Наблус на Западном берегу реки Иордан. Джихад посещала школу в своём родном городе Муджайдил недалеко от Назарета до 1948 года, когда палестинцы подверглись массовому изгнанию. В том же году заболела и её мать, из-за чего девочка бросила школу.
Как сообщает islam.ru, в 1954 году Джихад вышла замуж и родила пятерых детей. Однако её желание учиться, никогда не угасало. Ей удалось пройти несколько языковых курсов арабского, английского и иврита, а также курсы математики. В возрасте 81 года палестинская женщина всё ещё была полна энтузиазма к учёбе. Она решила получить высшее образование.
В интервью местному сайту Джихад сказала, что она выбрала институт религиоведения из-за своей любви к Исламу. «Я много и упорно училась по ночам», – сказала она.
В возрасте 85 лет Джихад осуществила свою мечту, получив степень бакалавра и надела халат выпускника. «Я буду учить окружающих меня людей тому, что я изучала. Какая польза от науки, если я оставлю её только для себя, я хочу научить других, чтобы они тоже могли получить пользу», – поделилась 85-летняя выпускница.
Пресс-служба Управления мусульман Узбекистана
Мавлид ойи – Пайғамбаримиз алайҳиссалом ҳақларида янада кўпроқ билишга қулай фурсат
Имом Термизий раҳимаҳуллоҳ ўз “Сунан”ларида Оиша розияллоҳу анҳодан ривоят келтирадилар: Пайғамбар алайҳиссаломни (саҳобалар душманлардан) қўриқлашар эди, Аллоҳ таоло: “Эй, Расул! Раббингиздан Сизга нозил қилинган нарса (оятлар)ни (одамларга) етказинг! Агар (буни) қилмасангиз, Унинг рисоласи (топшириғи)ни етказмаган бўлурсиз. Аллоҳ Сизни одамлар (зарари)дан сақлагай. Албатта, Аллоҳ кофирлар қавмини ҳидоят сари йўлламагай” (Моида сураси, 67-оят)ни нозил қилганида Расулуллоҳ соллаллоҳу алайҳи васаллам бошларини чодирдан чиқариб: “Сизлар кетаверинглар, Аллоҳ таолонинг Ўзи мени ҳимоялайдиган бўлди”, дедилар.
Имом Ибн Касир раҳимаҳуллоҳ ушбу оятнинг тафсирида айтадилар: "Бу оятнинг мазмуни қуйидагича: "Эй, Муҳаммад! Сиз менинг рисолатимни одамларга етказинг, Мен сизни ҳимоя қилиб тураман, душманларингиз устидан ғолиб келишингиз учун сизни қўллаб-қувватлаб тураман, ҳеч қўрқманг ва ташвиш чекманг, сизга улардан бирортасининг қўли ҳам етмайди, озор ҳам етказа олмайди"".
Абу Ҳурайра розияллоҳу анҳудан ривоят қилинади. Абу Жаҳл: "Муҳаммад сизларни олдингизда юзини ерга ишқалайдими?" деб сўради. Унга: "Ҳа", деб жавоб беришди. Шунда у: "Лот ва Уззо бутлари ҳаққи ҳурмати қасам ичиб айтаман, агар уни ўша ҳолатда турганини кўрсам, бўйнини оёғим билан босаман, юзини тупроққа белайман", деди. Абу Жаҳл келганида Расулуллоҳ соллаллоҳу алайҳи васаллам намоз ўқиётган эдилар. Муборак бўйинларини оёғи билан босмоқчи бўлганида бирдан орқасига тисарилиб кетди ва икки қўли билан ўзини нимадандир қўрий бошлади. Бу ҳолатни кўрганлар ундан: "Сенга нима бўлди?" деб сўрашди. Шунда у: "Мен билан унинг орамизда оловли бир ўра пайдо бўлиб, ундан қўрқинчли қанот чиқди", деб жавоб берди. Расулуллоҳ соллаллоҳу алайҳи васаллам айтадилар: "Агар у менга яқинлашганида, фаришталар уни бурда-бурда қилиб ташлар эдилар" (Имом Бухорий ва Имом Муслим ривояти).
Расулуллоҳ соллаллоҳу алайҳи васаллам Аллоҳнинг ҳимояси остида ҳамроҳлари Абу Бакр Сиддиқ розияллоҳу анҳу билан Маккадан яширинча чиқдилар ва Савр ғорига етиб келиб, мушрикларнинг айғоқчилари кўзидан ўша ерга яшириндилар. Мушриклар ҳам жон-жаҳдлари билан икковлонни ахтариб Савр ғорига келдилар. Ғорнинг оғзига яқин келган чоғларида Абу Бакр Сиддиқ розияллоҳу анҳу ҳалок бўлдик, деб ўйладилар ва Расулуллоҳга: "Агар бирортаси оёғининг остига қараса бизни кўриб қолади", дедилар. Шунда Расулуллоҳ соллаллоҳу алайҳи васаллам Аллоҳ таолонинг ваъдасига қаттиқ ишонган ҳолда: “Эй, Абу Бакр, учинчилари Аллоҳ бўлган икки кишининг ҳолати қандай бўлади, деб ўйлайсиз?!" дедилар (Имом Бухорий ва Имом Муслим ривояти).
Уҳуд жанги кунида фаришталар Расулуллоҳнинг ҳимоялари учун осмондан тушдилар. Мушриклар у зотнинг устларига ёпирилиб келган ва саҳобалар мағлуб бўлиб қочаётган вақтлари эди. Саъд ибн Абу Ваққос розияллоҳу анҳу айтадилар: "Уҳуд куни Расулуллоҳнинг ўнг ва чап томонларида оппоқ кийиниб олган икки кишини кўрдим. Мен уларни илгари кўрмаган эдим, кейин ҳам кўрмадим. Яъни, улар Жаброил ва Микоил фаришталар алайҳумассалом эдилар (Имом Бухорий ва Имом Муслим ривояти).
Ҳомиджон домла Ишматбеков,
Ўзбекистон мусулмонлари идораси
раисининг биринчи ўринбосари.
Ҳизбут таҳрир - залолатга бошловчи фирқа
Анвар домла Назаров
Каттақўрғон шаҳар "Муҳаммад Нақиббек" масжиди имом-хатиби
Шавкат Мирзиёев Қашқадарёга келди
Тадбиркорлар ва ишбилармонлар ҳаракати – Ўзбекистон Либерал-демократик партиясидан Ўзбекистон Республикаси Президентлигига номзод Шавкат Мирзиёев сайловчилар билан учрашиш ҳамда давлат раҳбари сифатида бунёдкорлик ишлари билан танишиш мақсадида 11 октябрь куни Қашқадарё вилоятига келди.
Давлат раҳбари аввало Қарши туманидаги Абу Муин Насафий мақбарасини зиёрат қилди. Қуръон тиловат этилди.
Бу улуғ мутафаккир ХI асрда яшаган. Мотуридия таълимотининг давомчиси, ақида илмининг етук билимдони сифатида динимиз софлигини сақлаган, адашганларни маърифат билан тўғри йўлга бошлаган. Лекин узоқ йиллар унинг мероси ҳам, қадамжоси ҳам эътибордан четда қолиб кетган эди.
Президент Шавкат Мирзиёев ташаббуси билан аллома мақбараси обод ва улкан зиёратгоҳга айлантирилди. Давлатимиз раҳбари ушбу бунёдкорлик ишлари билан танишди.
Бу ерда янги масжид, музей, кутубхона ва маъмурий бинолар қурилган. Дарахтлар, гуллар экилиб, сўлим боғ ташкил этилган. Абу Муин Насафий китобларининг номи ва ўгитлари ёзиб қўйилган. Зиёратгоҳда XI асрга оид ёдгорлик ва қудуқ, XIII асрда қурилган эски масжид ҳам сақланиб қолган.
Президентимиз янги масжид ва музейни кириб кўрди. Музейда Абу Муин Насафийнинг ҳаёти ва асарлари мультимедиа воситалари орқали акс эттирилган. Бу ерда қадимги Самарқанд қоғозига битилган Қуръони каримнинг асл нусхаси, матога тўқиб ёзилган муқаддас оятлар ҳам сақланмоқда.
Шавкат Мирзиёев аллома асарлари бугунги кунда ҳам долзарблигини, уларнинг мағзини халқимизга, ёшларга етказиш кераклигини таъкидлади. Шу мақсадда Қарши давлат университети қошида Абу Муин Насафий номида илмий марказ ташкил этиш таклифини билдирди.
president.uz
"Амиров Дадахон" масжиди обод бўляпти
Юртимизнинг турли ҳудудларида, айниқса, Тошкент вилоятида қайтадан қурилаётган масжидлар ҳудудлар кўркига кўрк қўшиш баробарида мўмин-мусулмонларнинг баҳридилини очмоқда.
Бугун, 11 октябр куни Тошкент вилояти бош имом-хатиби Жасурбек домла Раупов Бекобод туманига ташриф буюриб, “Амир Дадахон” масжидининг илк ғиштини қўйиб бердилар.
“Амиров Дадахон” масжидининг эски биносида 150 киши намоз ўқир, бу эса ёзнинг жазирамаси ҳамда қишнинг изғирин кунларида намозхонларга ноқулайлик туғдираётган эди.
Шуни инобатга олиб, раҳбарият билан маслаҳатлашган ҳолда янги масжид қурилишига киришилди. Иншоаллоҳ, янги жоме битгач, бу ерда бир вақтнинг ўзида 450-500 киши ибодат қилиши мумкин.
Аллоҳ таоло янги масжидни тез орада қурилиб, фойдаланишга топширилишини насиб айласин. Бу хайрли ишга ҳиссасини қўшаётган барча азизларга Роббимиз ажрларини кўпайтириб берсин.
Мақолалар
