Известный аукционный дом Sotheby's выставил на продажу одни из первых изображений самых значимых для мусульман мест в мире. В их числе гравюра 1791 года с панорамным видом на Мекку, передает islam.ru.
На гравюре размером 430 x 865 мм - самой большой в своем роде, созданной в то время, - изображены паломники, прибывающие в хадж. Этот замечательный оттиск долгое время считался недоступным. Гравюра оценивается в 12-18 тысяч фунтов стерлингов.
Еще две картины со святынями мусульман, выполненные акварелью и гуашью также будут выставлены на онлайн-аукционе. На одной из них запечатлен панорамный вид на Медину. На другой изображены Кааба и мечеть аль-Харам. Обе картины датируются 1840 годом.

Пресс-служба Управления мусульман Узбекистана

Аллоҳ таолога ҳамд ва унинг пайғамбари бўлган Муҳаммадунил аминга салоту саломлар айтамиз. Аллоҳ бизни гўзал бир шариат ходими бўлишлигимизни насиб қилди. Ислом шариати Аллоҳ таоло томонидан туширилган ва унинг ҳимоячиси Аллоҳнинг Ўзидир ва рози бўлган дини ҳам мана шу ислом динидир. Аллоҳ таоло Ўзининг каломида марҳамат қилиб: “Сизларга исломни дин деб рози бўлдим” деди. (моида сураси 3- оят)

Аллоҳнинг охирги ва рози бўлган дини бу исломдир, инсонлардан қабул қиладигани ҳам мана шу диндир. Чунки, бу дин, тинчлик ва нафис диндир. Расули акрам алаҳиссалоту вассалом ислом динини олиб келганларида мушриклар турли туман фитналар ва турли озорлар пайида бўлишди. Саҳобалардан Абу Бакр розияллоҳу анҳу: “Бир инсонни Аллоҳ дегани учун ўлдирасизларми?” дедилар.

Мушриклар турли фитналар, азиятлар ва ҳаттоки мусулмонлар билан олди бердини кесишди бу ишлари билан исломни йуқотиш пайида эдилар. Улар айтишардики: “Агарда Муҳаммадни ўлдирсак унинг дини ҳам йуқолади”. Мана шундай ислом душманларининг номлари исломда ёмонлик билан муҳрланди, лекин Аллоҳ Ўз динини ҳимоя қилди. Биргина ҳазрат Билол розияллоҳу анҳуни олайлик, мусулмон бўлганларида у кишини исломдан қайтариш учун мушриклар қанчалар ҳаракат қилишди қанчалар азиятлар етказишди. Лекин пок қалбли, қалбини исломнинг гўзаллиги қоплагани учун бир лаҳза бўлсин “Аллоҳ бирдир, Аллоҳ ягонадир” деган сўздан тонмадилар.

Бу дин бизгача мана шундай қийинчиликлар билан етиб келди. Бу йўлда кўпгина машаққатлар чекилган. Ислом динининг ҳимоячиси Аллоҳдир бу динга фитна уйғотадиганлар албатта ўз қаршисида Аллоҳни кўради. Чунки, ислом динида фитна уйғотадиган, ва мусулмонларни бир бирига тушурадиган фитнакорлар бу фитналари билан фақатгина ўзларига зарар етказадилар.

Ҳозирги кунда исломни ниқоб қилиб, баъзиларнинг кафиллигида туриб, исломни бузмоқчи бўлганлар, узоқларда туриб ўз юртидаги исломни, мусулмонларни ёмонлаётганлар, афсуски йўқ эмас. Булар ислом дининиг ҳимоячилари эмас балки, бузувчиларидир. Бир олимни сўзини эшитганда, уни масхаралаб унга ёмон сўзларни айтиш минг афсуски мусулмончилик эмас. Ҳозирги кунда баъзи илмсизлардан мана шундай мусулмонга тўғри келмайдиган амалларда кўришлигимиз мумкин. Бирор олимнинг сўзи ёки маърузаси ижтимойи тармоқларда қўйилса унга ўзининг салбий фикрларини билдирадиган илмсизлар оз бўлса ҳам бор ваҳоланки, Пайғамбаримиз ўзларининг ҳадиси мубораракларида: “ҳақиқий мусулмон уки, унинг қўлидан ҳам тилидан ҳам бошқалар омонда бўлганлар” деб марҳамат қилганлар. Мусулмон ман деган киши қўли билан бўлсин ёки тили билан бўлсин бировга озор етказмайди. Мана шу йўл Муҳаммадий таълим ва тарбиядир.

Аллоҳ динимизни, миллатимизни фитначилар фитнасидан асрасин.

Муҳаммадхон Нуриддинов

Ўзбекистон халқаро ислом академияси 3-босқич талабаси Мейербек Эргашбойев Қозоғистоннинг Нурсултон шаҳрида МДҲ давлатлари ўртасида 2019-йилдан буён анъанавий тарзда ўтказиб келинаётган “Йилнинг энг яхши ёш олими – 2021” халқаро танловида муносиб иштирок етди.

Мейербек танловда Экотуризм ва халқаро туризм йўналишида ўзининг “Ўзбекистондаги экотуризмнинг долзарб масалалари” мавзусидаги мақоласи билан қатнашиб, фахрли биринчи ўринни қўлга киритди.

religions.uz

(V) 4039. Баро розияллоҳу анҳудан ривоят қилинади:

«Расулуллоҳ соллаллоҳу алайҳи васаллам ансорийлардан бир неча кишини яҳудий Абу Рофеънинг олдига юбордилар. Уларга Абдуллоҳ ибн Атикни амир этиб тайинладилар. Абу Рофеъ Расулуллоҳ соллаллоҳу алайҳи васалламга озор етказар, у зотнинг зарарларига (бошқаларга) ёрдам берар эди. У ўзининг Ҳижоз еридаги қалъасида яшар эди. Улар унинг олдига яқинлашишганда қуёш ботиб бўлиб, одамлар подаларини қайтариб олиб келишган эди. Абдуллоҳ шерикларига: “Жойингизда ўтириб туринг, мен ўзим бориб, эшикбонга ҳийла қилиб кўраман, шояд, кириб кетсам”, деди. Юриб бориб, дарвозага яқин келди-да, сўнг худди қазои ҳожат қилаётгандай, кийимига бурканиб олди. Одамлар кириб кетишди. Шунда эшикбон унга: “Эй Аллоҳнинг бандаси! Кирмоқчи бўлсанг, кир, дарвозани ёпмоқчиман”, деди.

(Абдуллоҳ айтади:) “Мен кирибоқ, яшириниб олдим. Одамлар кириб бўлгач, у дарвозани ёпди-да, лўкидонни қозиққа илиб қўйди. Мен туриб, калитлар томон бордим-да, уларни олиб, дарвозани очдим. Одатда кечки пайт Абу Рофеънинг ҳузурида суҳбатлашиб ўтиришар эди. У болохонасида экан. Суҳбатдошлари кетгач, унинг олдига чиқдим. Ҳар эшикни очганимда, ортимдан (ичкаридан) қулфлаб олар эдим. (Ичимда) “Одамлар мени сезиб қолишса, уни ўрдиргунимча менга ета олишмайди”, дер эдим. Унинг олдига етиб бордим. Қарасам, у қоп-қоронғу уйда, аҳли-оиласининг орасида экан. У уйнинг (айнан) қаерида эканини била олмасдим. Шунда мен: “Эй Абу Рофеъ!” дедим. У: “Ким бу?” деди. Овоз томонга бурилиб, унга қилич урдим. Сўнг эшикларни бирма-бир очиб, нарвонга етиб келдим. Ерга етдим деб ўйлаб, оёғимни қўйган эдим, йиқилиб тушиб, болдирим синди. Уни саллам билан боғлаб олдим. Кейин Набий соллаллоҳу алайҳи васалламнинг ҳузурларига етиб бориб, у зотга (бўлган воқеани) айтиб бердим. Шунда у зот: “Оёғингни узат”, дедилар. Мен оёғимни узатдим. У зот уни силаб қўйдилар. Оёғим умуман оғирмагандек бўлиб қолди”.

Имом Бухорий халқаро илмий-тадқиқот маркази

Ўзбекистоннинг Покистондаги зиёрат туризми элчиси Пир Ҳасиб ур-Раҳмон «Дунё» АА учун берган интервьюда сўнгги йилларда Ўзбекистонда бой диний-маънавий меросни ўрганиш, мамлакатда яшаётган турли миллат вакилларининг миллий ва диний қадриятларини асраб-авайлаш бўйича ислоҳотларни эътироф этди.

– Бугун Ўзбекистон ва Покистон ўзаро алоқаларни ҳар томонлама ривожлантирмоқда. Уларни узоқ тарихга эга ришталар боғлаб турибди, – деди Пир Ҳасиб ур-Раҳмон. – Ўзбекистон халқига энг эзгу тилакларимни изҳор етишдан беҳад мамнунман. Икки қардош давлат ўртасидаги алоқаларни янада ривожлантириш учун дуо қиламан.

Ўзбекистон Покистоннинг Марказий Осиёдаги асосий савдо ҳамкори ҳисобланади. Тошкент томонидан 2020 йилнинг июлида Исломободга пандемия пайтида кўрсатилган инсонпарварлик ёрдами фикримни яққол тасдиқлайди.

Президент Шавкат Мирзиёев раҳнамолигида республикада амалга оширилаётган ислоҳотлар, жумладан, сайёҳлик ва зиёрат туризми соҳасидаги вазифалар Покистондаги Нақшбандия тариқати издошлари томонидан юксак баҳоланмоқда.

Ўзбекистон туризм маскани сафатида зиёратчиларга нафақат Тошкент, Самарқанд, Бухоро, Хива шаҳарларида диққатга сазовор тарихий жойлар билан танишиш, балки ўзбек диёрини ислом маданияти ва цивилизацияси марказига айлантирган буюк мутафаккир ва алломалар меросидан баҳраманд бўлиш, ушбу бебаҳо бойликни ўрганиш учун қулай имконият тақдим қилмоқда.

Маълумки, Ўрта асрлар Ренессанси даврида бугунги Ўзбекистон заминидан Имом Бухорий, Имом Термизий, Баҳоуддин Нақшбандий ва бошқа кўплаб буюк мутафаккирлар, сўфийлар, олимлар, илоҳиётчилар етишиб чиққан. Улар ўз илмий-маърифий даҳоси билан, жумладан, Жанубий Осиё тамаддунига ҳам бевосита таъсир кўрсатган.

Бугунги кунда Ўзбекистон раҳбарияти бой маънавий-маърифий меросни, ислом уламоларининг илмий асарларини, шунингдек, диний бағрикенгликни чуқур ўрганиш ва оммалаштириш борасида изчил изланишларга қатъий даъват этмоқда.

Халқаро ислом академияси, Ислом цивилизацияси маркази, Дин ишлари бўйича қўмита, шунингдек, Имом Бухорий ва Имом Мотуридий илмий-тадқиқот марказлари ана шу мақсадларга хизмат қиляпти.

Мен Покистондаги Нақшбандия тариқати издошлари делегацияси таркибида Ўзбекистонга сафар қилиб, мамлакатдаги диний-маърифий илм-фан соҳасидаги катта ўзгариш ва янгиланишлар жараёни ҳамда халқаро Ислом академияси ва илмий марказлар қурилиши билан яқиндан танишиш шарафига муяссар бўлдим.
Таъкидлаш керакки, Покистон ислом мафкураси кенгаши, Дин ишлари ва ташқи ишлар вазирлиги Ўзбекистон исломий марказлари билан яқин ҳамкорлик қилишга тайёр.

Ўзбекистон Покистон каби сўфийлик анъаналари мамлакатидир. Ушбу заминда дунёга буюк ҳадисшунос ва илоҳиётчи олим Имом Бухорий, шунингдек, Ҳазрати Баҳоуддин Нақшбанд ва бошқа кўплаб буюк шахслар таваллуд топиб, вояга етган, ўзларидан бебаҳо мерос қолдирган.

Ишончим комилки, бу борадаги шерикликни ривожлантириш халқларимиз ўртасидаги ўзаро англашув ва дўстликни мустаҳкамлашнинг муҳим истиқболларини очиб беради.

Тўғридан-тўғри рейсларнинг қайта тикланиши Покистондаги Нақшбандия тариқати издошлари томонидан илиқ кутиб олинади. Чунки кўплаб муридларимиз Ўзбекистонга зиёратга боришни истайди. Бу имконият умумий имон, маданият, анъана ва тарих билан боғланган икки қардош халқни янада яқинлаштиради.

Ўзбекистон мусулмонлари идораси матбуот хизмати