Тошкент шаҳар “Ҳазрати Имом” масжиди имом-хатиби Ҳабибуллоҳ домла Абдураззоқов Бухоро вилоят Вобкент туманидаги “Қассоблик” масжидига пешин намози, “Сўфидеҳқон Хонақо” жомесига аср намози вақтида ташриф буюрди. Масжидга йиғилганлар билан жамоат намозларини адо этиб, сўнг “Жамиятда ўзаро дўстлик ва ҳамжиҳатлик" мавзусида мавъиза қилиб бердилар.

Дарҳақиқат, Ислом динимиз бизни тинч-тотув, ўзаро аҳл-иноқ, ҳамжиҳат, кечиримли, бир-биримизга дўст ва биродар бўлиб ҳаёт кечиришга буюради. Тарихдан маълумки, динимизни мана шу кўрсатмасига амал қилиб яшаган мусулмонлар доимо бахт ва саодатда яшаганлар, тинч-тотув ҳаёт кечирганлар.

Аллоҳ таоло Қуръони каримда мусулмонлар ўзаро ака-ука ва биродар экани ҳақида бундай марҳамат қилган: “Албатта, мўминлар биродардирлар” (Ҳужурот сураси 10-оят).

Пайғамбаримиз саллаллоҳу алайҳи ва саллам ҳам бир қанча ҳадиси шарифларида мусулмонлар ўзаро ака-ука ва биродар экани ҳақида бундай деганлар: “Мусулмон мусулмоннинг биродаридир" (Имом Бухорий ривоятлари).

Демак, мўмин-мусулмонлар бир-бирларига ака-ука ва биродар бўлганларидан кейин, улар ўрталарида ўзаро риоя қилиниши керак.

Устознинг фазилатли илмларидан жамоат аҳли баҳраманд бўлиб, сермазмун маъруза савол-жавобларга уланиб кетди. Якунда она диёримиз равнақи ва халқимиз форовонлигини сўраб хайрли дуолар қилинди.

Ўзбекистон мусулмонлари идораси матбуот хизмати

Бухоро сафари давомида Ўзбекистон мусулмонлари идораси раисининг маслаҳатчиси, Тошкент шаҳридаги “Ҳазрати Али” масжиди имом-хатиби, фазилатли устоз Салоҳиддин домла Шарипов Бухоро шаҳридаги “Болои Ҳовуз” жомеъ масжидига ташриф буюрдилар. Устоз дастлаб жамоат билан пешин намозини адо этдилар, сўнгра масжид қавмига гўзал мавъиза қилиб бердилар.

Сермазмун маъруза давомида Ислом гўзал хулқ дини экани, илмли ёшлар тараққиёт асосчилари бўлиши, илму ирфон инсоният камолоти экани ҳақида мавзуларида маъруза қилдилар. Масжид аҳли устознинг маърузаларини тинглаб, ўзларини қизиқтирган саволларга жавоб олишди.

Дарҳақиқат, Ислом дини таълимотларида илм-маърифатга юксак эътибор қаратилгани барчамизга маълум ҳақиқатдир. Инсон илмга интилишига мукофот ўлароқ аввало ўзлигини англайди. Ким ўзини таниса, Парвардигорини ҳам танийди. Аллоҳ таоло илмни Қиёматгача бандалар учун маърифат манбаи, ҳақиқатни топиш, икки дунё саодатига эришиш воситаси қилди. Илмсизлик эса – инсониятни тубанликка, ҳалокатга олиб боришини билдирди.

Динимизда илмни диний ва дунёвийга ажратилмайди. Модомики инсоннинг дунёси ёки охиратига фойдали билимлар бўлса, уларнинг ҳаммаси мақталади, ўрганишга тарғиб қилинади. Фақат сеҳр каби инсониятга зарар етказадиган, одамларни ҳалокатга олиб борадиган билим бўлмаслиги керак.

Ҳадиси шарифларда бирор илм соҳасига урғу берилган бўлса, алоҳида ажратиб кўрсатилган. Масалан, диний билимлар соҳиби бўлишнинг фазилатлари ҳақида Пайғамбаримиз саллаллоҳу алайҳи васаллам шундай дейдилар: “Аллоҳ кимга яхшиликни ирода қилса, уни динда фақиҳ қилиб қўяди” (Имом Бухорий ва Имом Муслим ривоятлари). Яна бир ҳадисларида Пайғамбаримиз саллаллоҳу алайҳи васаллам шундай дейдилар: “Олимлар пайғамбарларнинг меросхўрларидир. Пайғамбарлар динор ҳам, дирҳам ҳам мерос қолдирмаганлар, балки илмни мерос қилиб қолдирганлар” (Имом Абу Довуд ва Имом Термизий ривоятлари).

Маърифий суҳбат якунида Аллоҳ таолодан она диёримиз тинчлиги, халқимиз фаровонлигини сўраб дуои хайрлар қилинди.

Ўзбекистон мусулмонлари идораси матбуот хизмати

Машғулотларни Тошкент Ислом институтининг қироат устозлари олиб боради.

?Бугун, 8 сентябр, чоршанба куни,
соат ⏰14:00 да (Тошкент вақти билан) онлайн-тажвид дарсларининг амалий машғулотларини қуйидаги ижтимоий тармоқларимиз орқали тўғридан-тўғри кузатинг ва бевосита иштирокчисига айланинг!

Youtube: https://www.youtube.com/channel/UCLbdL0ibb4zqlqe7LRNOSNQ

Facebook: www.facebook.com/muslimuzportal

Instagram: www.instagram.com/muslimuzportali

? Ўз қироатларини текширмоқчи бўлганлар ❗️жонли эфир вақтида 97- 760-70-49 рақамли телефонга қўнғироқ қилишлари мумкин.

Ўзбекистон мусулмонлари идораси Матбуот хизмати
@muslimuzportal | @mp3muslim | @diniysavollar

Бугун, 8 сентябрь куни уламоларимиз Бухоро вилоятидаги ташрифлари давомида кундалик намозлар (пешин ва аср)ни қуйидаги жоме масжидларда ўқиб, маърифий суҳбат қилиб берадилар:

1. Ғиждувон туманидаги
▫️пешинга “А.Ғиждувоний” ва
▫️асрга “Соктари” масжидларига Ўзбекистон мусулмонлари идораси раисининг биринчи ўринбосари Ҳомиджон домла Ишматбеков;

2. Ромитан тумани
▫️пешинга “Хазрати Бобо” ва
▫️асрга “Хўжа Муҳаммад Бобойи Самосий” масжидларига Ўзбекистон мусулмонлари идораси бўлим мудири Эрдон домла Эсонов;

3. Ғиждувон туманидаги
▫️пешинга “Фришкент” ва
▫️асрга “Тошмасжид” масжидларига Ўзбекистон мусулмонлари идораси раисининг маслаҳатчиси Салоҳиддин домла Шарипов;

4. Шофиркон туманидаги
▫️пешинга “Хўжа Ориф Ревгарий” масжидига Ўзбекистон мусулмонлари идораси бўлим бошлиғи Алижон қори Хайдаров;

 5. Ғиждувон туманидаги
▫️пешинга “Имом Бухорий” ва
▫️асрга “Хўжалар” масжидларига Ўзбекистондаги Цивилизация маркази масъул ходими Аброр домла Мухтор Алий;

 6. Пешкў туманидаги
▫️пешинга “Хўжа Бешик” ва
▫️асрга “Бобо Араб” масжидларига Тошкент шаҳар Юнусобод тумани бош имом-хатиби Раҳматуллоҳ домла Сайфуддинов;

 7. Ромитан туманидаги
▫️пешинга “Эшони Пир” ва
▫️асрга “Хўжа Саид Пўлот” масжидларига Тошкент шаҳар бош имом-хатиби ўринбосари Абдуқаҳҳор домла Юнусов;

 8. Ромитан туманидаги
▫️пешинга “Амир Ҳамза” ва
▫️асрга “Маҳаллаи Боло” масжидларига Тошкент шаҳар “Убай ибн Каъб” масжиди имом-хатиби Абдуҳаким қори Матқулов;

 9. Пешкў туманидаги
▫️пешинга “Хўжа Пешкў” ва
▫️асрга “Хўжа Рўшнои” масжидларига Тошкент шаҳар “Доруломон” масжиди имом-хатиби Абдуҳамид домла Жуманов;

 10. Вобкент туманидаги
▫️пешинга “Хўжа Махмуд Анжир Фағнавий” ва
▫️асрга “Қўқин” масжидларига Тошкент шаҳар “Шайх Зайниддин” масжиди имом-хатиби Яҳё қори Абдураҳмонов;

 11. Вобкент туманидаги
▫️пешинга “Қассоблик” ва
▫️асрга “Сўфидеҳқон Хонақо” масжидларига Тошкент шаҳар “Ҳазрати Имом” масжиди имом-хатиби Ҳабибуллоҳ қори Абдураззоқов;

 12. Вобкент туманидаги
▫️пешинга “Сариосиё” ва
▫️асрга “Абдулазизхон” масжидларига Тошкент шаҳар “Шайх Муҳаммад Содиқ Муҳаммад Юсуф” масжиди имом-хатиби Исмоил домла Муҳаммад Содиқ;

 13. Шофиркон туманидаги
▫️пешинга “Мирзоқул” ва
▫️асрга “Хўжа Бадарға” масжидларига Тошкент шаҳар “Ракат” масжиди имом-хатиби Раббимқул домла Муҳаммадиев;

 14. Шофиркон туманидаги
▫️пешинга “Хўжа Шарофиддин” ва
▫️асрга “Искогаре” масжидларига Тошкент шаҳар Олмазор тумани бош имом-хатиби Абдулло домла Юлдашев;

 15. Шофиркон туманидаги
▫️пешинга “Қори Фазлиддин” ва
▫️асрга “Саид Ато” масжидларига Тошкент шаҳар “Ал-Ҳудайбия” масжиди имом хатиби Муродулла домла Хуназаров;

 16. Шофиркон туманидаги
▫️пешинга “Аҳад Ҳожи Қилич ўғли” ва
▫️асрга “Шайх Дарвеш” масжидига Тошкент шаҳар “Омина” масжиди имом-хатиби Юсуфхон домла Муҳиддинов;

 17. Вобкент туманидаги
▫️пешинга “Хўжа Абдураҳмон ибн Авф” ва
▫️асрга “Кумушкент” масжидларига Тошкент шаҳар “Яккасарой” масжиди имом-хатиби Салоҳиддин домла Тошонов;

 18. Ромитан туманидаги
▫️пешинга “Хокимулломир” ва
▫️асрга “Қоқиштвоний” масжидига Тошкент шаҳар “Тўра бува” масжиди имом-хатиби Шавкат домла Ҳамдамов;

 19. Пешкў туманидаги
▫️пешинга “Ҳалим Полвон” ва
▫️асрга “Чиқирчи” масжидларига Тошкент шаҳар “Минор” масжиди имом хатиби Фозилжон домла Убайдуллаев;

 20. Пешкў туманидаги
▫️пешинга “Абдузохир” ва
▫️асрга “Малишояк” масжидларига Тошкент шаҳар “Доруссалом” масжиди имом-хатиби Муҳаммадраҳим домла Абдуқодиров ташриф буюради.

Шунингдек, уламоларимиз масжидлар атрофида жойлашган маҳалла фуқаролар йиғинлари аҳолиси билан учрашув ўтказиш, эҳтиёжманд оилаларда бўлиб, “Вақф” фондининг моддий ёрдамини етказиш ва пойтахтдаги ижтимоий объектларга ташриф буюришлари режа қилинган.

 Аллоҳ таоло вилоятимизга уламоларимиз сафарини хайрли ва манфаатли қилсин!

Naqshband.uz | @NaqshbandUZ

#Бухорога_уламолар_ташрифи
Ўзбекистон мусулмонлари идораси Матбуот хизмати
@muslimuzportal | @vaqfuz | @diniysavollar