Жорий йилнинг 4-10 сентябрь кунлари Татаристон Республикаси пойтахти Қозон шаҳрида XIV Халқаро мусулмон киноси фестивали бўлиб ўтади.

IslamNews интернет нашрининг хабар беришича, фестивалда Россия, Озарбайжон, Қозоғистон, Қирғизистон, Миср, Испания, Италия, Эрон, АҚШ, Тожикистон, Ўзбекистон, Япония ва бошқа мамлакатлар кино усталарининг асарлари намойиш этилади. Жумладан, фестивалга ўзбекистонлик режиссёрлар Абдуазим Илҳомжонов ва Ботир Абдураҳмоновнинг “Она”, Ҳасан Алижоновнинг “Аквариум”, Шуҳрат Маҳмудовнинг “Шарқдан нур” фильмлари тақдим этилган.

Фильмларни 11 мамлакатдан келган 12 нафар ҳайъат аъзолари баҳолаб боради.

Бундан ташқари, фестивал кунлари турли мамлакатларнинг кино кунлари ўтказилиши ҳам кўзда тутилган. Фестивал доирасида Миср киноси кунлари, Швейцария шарқ киноси фестивали шулар жумласидандир.

ЎМИ Матбуот хизмати