Хабар берганимиздек, бугун, 10 апрель куни Самарқанд вилояти Пахтачи туманидаги “Хўжа Зиёвуддин” жоме масжидининг очилиш маросими ўтказилмоқда.

Тадбирда Ўзбекистон мусулмонлари идораси раиси, муфтий Усмонхон Алимов ҳазратлари иштирок этмоқдалар. Муфтий ҳазратларига Диний идора ишбошқарувчиси Рустам ҳожи Жамилов ва вилоят бош имом-хатиби Зайниддин домла Эшонқулов ҳамрохлик қилишмоқда.

Тадбир тафсилотларини сайт ва ижтимоий тармоқдаги саҳифаларимиз орқали кузатиб боринг.

Ўзбекистон мусулмонлари идораси матбуот хизмати

Бугун, 10 апрель куни Самарқанд вилояти Пахтачи туманидаги “Хўжа Зиёвуддин” жоме масжиди мўмин-мусулмонларга фойдаланиш учун топширилади.

Маросимда Ўзбекистон мусулмонлари идораси раиси, муфтий Усмонхон Алимов ҳазратлари бошчилигидаги уламолар, Республика ва вилоят мутасадди вакиллари ва намозхонлар иштирок этади.

Тадбир тафсилотларини сайт ва ижтимоий тармоқдаги саҳифаларимиз орқали кузатиб боринг.

Ўзбекистон мусулмонлари идораси матбуот хизмати

“Ёшларни қўллаб-қувватлаш ва аҳоли саломатлигини мустаҳкамлаш” йили доирасида Ўзбекистон мусулмонлари идораси томонидан амалга ошрилаётган ишлар доирасида жорий йилнинг 7 апрель куни Таълим ва илмий-тадқиқот бўлими мудири Салоҳиддин Шерхонов, мудир ўринбосари Акбар Дўстматов ҳамда Тошкент ислом институти ўқув ва маънавий-маърифий ишлар бўйича проректори Умид Ходжаевлар “Фахриддин ар-Розий” ўрта махсус ислом таълим муассасаси талабалари билан очиқ мулоқот ўтказди.

Мулоқот давомида талабалар билан бугунги кунда амалга оширилаётган ислоҳатлардан унумли фойдаланиш, диний кадрлар олдида турган муҳим вазифалар ҳамда таълим сифатини ошириш каби масалалар кенг муҳокама қилинди.

Шунингдек, бу борада талабалар томонидан айтилган фикр-мулоҳазалар ва уларни қийнаётган муаммолар ўрганилди ҳамда билдирилган саволларга жавоб берилди.

Тадбир сўнгида таълим муассасанинг иқтидорли талабаларини янада рағбатлантириш ва қўллаб-қувватлаш мақсадада уларга эсдалик совғалари топширилди.

ЎМИ Таълим ва илмий-тадқиқот бўлими

Жорий йилнинг 8 апрель куни “Муҳаммад ибн Аҳмад ал-Беруний” ўрта махсус ислом таълим муассасаси талабалари иштирокида Ўзбекистон мусулмонлари идораси таълим ва илмий-тадқиқот бўлими мудири С.Шерхонов, мудир ўринбосари А.Дўсматов ва Тошкент ислом институти ўқув ва маънавий-маърифий ишлар бўйича проректори У.Ходжаевлар билан очиқ суҳбат ўтказилди.

Суҳбат давомида бугунги кунда амалга оширилаётган ислоҳатлар, таълим жараёнидаги ўзгариш ва янгиликлар муҳокама қилиниб, талабалар томонидан берилган барча  саволларга Ўзбекистон мусулмонлари идораси Таълим ва илмий-тадқиқот бўлими мудири С.Шерхонов тамонидан батафсил жавоб берилди. Шунингдек, мудир ўринбосари А.Дўсматов томонидан талабаларга таълим олиш жараёнида зарур бўладиган кўрсатма ва тавсиялар бериб, илм олиш фазилатлари ҳақида ўзининг маслаҳатлари билан ўртоқлашди.

Шундан сўнг Тошкент ислом институти проректори У.Ходжаев сўзга чиқиб ўқув жараёнида амалга оширилаётган ишларни  янада такомиллаштириш тўғрисида ўзининг фикр ва мулоҳазалари билан ўртоқлашди.

Билим юрти маънавият ва маърифат ишлари

бӯйича директор ӯринбосари

А.Ережепов