www.muslimuz
Бугунги жума маърузасини онлайн томоша қилинг
Каронавирус пандемияси туфайли бутун дунё мусулмон оламида бўлгани каби юртимизда ҳам инсонлар диний-маънавий эҳтиёжини таъминлаш ишлар кенг миқёсда олиб борилмоқда. Жумладан, Ўзбекистон мусулмонлари идораси мўмин-мусулмон халқимизнинг диний ва ижтимоий масалаларга оид билимларга бўлган чанқоғини қондириш мақсадида ижтимоий тармоқлар орқали имом-хатибларнинг жума маърузалари онлайн тарзда бериб бормоқда.
Алҳамдулиллаҳ, ҳозирда Республика махсус комиссияси томонидан яшил ҳудуд деб белгиланган жойларда масжидлар фаолият юритмоқда. Аммо ҳали жума намозини ўқиш ва имом-хатибларнинг маърифий маърузаларини эшитишга рухсат берилгани йўқ. Қолаверса, сариқ ва қизил ҳудудлар аҳолиси учун карантин талаби сақланиб турибди. Шунинг учун юртимизда карантин бошлангандан буён жума маърузалари узлуксиз равишда ижтимоий тармоқлар орқали онлайн узатилаётгани халқимизнинг диний-маърифий эҳтиёжини маълум маънода қопламоқда.
Айни пайтда Ўзбекистон мусулмонлари идорасининг Қорақалпоғистон республикаси, Тошкент шаҳри ва вилоятлардаги вакиллари, ҳар бир ҳудуддаги бош имом-хатиблар вакилликлар саҳифаси орқали онлайн жума маърузасини олиб бормоқда.
Бугунги жума маърузаси "Қўшничилик ҳақи ва ўзаро ҳамжиҳатлик" мавзуиди бўлади.
Сиз ҳам қуйидаги линклар орқали жума маърузасини онлайн тамоша қилиб, маърифат олишингиз мумкин.
? https://www.facebook.com/fitratuz/videos/1152708925096483/
? https://www.facebook.com/naqshband.uz
? https://www.facebook.com/hazratnavoi.uz/
? https://www.facebook.com/zamaxshariy/
? https://www.facebook.com/Ravza.uz.sahifasi/videos/1210736232596680/
? https://www.facebook.com/story.php?story_fbid=1197039117342661&id=100011097518323
? https://www.facebook.com/nasafziyouz.qashqadaryo/videos/937934719967507
? https://www.facebook.com/imonuz/
? https://www.facebook.com/muslimun.uz
? https://www.facebook.com/sammuslim.uz
? https://www.facebook.com/profile.php?id=100043744688730
? https://www.facebook.com/zayniddin.eshonqulov.9/videos/293567312022882/
Ўзбекистон мусулмонлари идораси Матбуот хизмати
Саудия Арабистони Подшоҳлиги Ҳаж ва умра вазирлигининг қарори юзасидан РАСМИЙ БАЁНОТ
Ассалому алайкум, ҳурматли юртдошлар!
2020 йил 23 июнь куни “Ҳаж” ва “Умра” тадбирларини ташкил этиш ва ўтказиш масалалари бўйича Жамоатчилик кенгашининг йиғилиши бўлиб ўтди.
Йиғилиш Саудия Арабистони Подшоҳлиги томонидан “Ҳаж-2020” мавсуми бўйича қабул қилинган қарор муҳокамасига бағишланди.
Аввал хабар берганимиздек, жорий йилнинг 27 февраль кунидан бошлаб коронавирус пандемияси сабабли Саудия Арабистони Подшоҳлигига кириш таъқиқлаб қўйилди ва 14 март куни эса, Ташқи ишлар вазирлиги орқали Саудия Арабистони Подшоҳлиги Ҳаж ва умра вазирининг “Ҳаж-2020” мавсумининг ташкилий ишларини кечиктириб туриш тўғрисидаги расмий хати олинди.
Мавжуд маълумотларга кўра, ҳозирги вақтда Саудия Арабистони Подшоҳлигида кескин эпидемиологик вазият сақланиб қолмоқда. Ҳар куни ўртача 4000 га яқин вирус билан касалланиш, 35-40 та ўлим ҳолати кузатилмоқда.
Саудия Арабистони қироли – Икки Муқаддас Ҳарам хизматчиси қирол Салмон бин Абдулазиз ана шундай инсон саломатлиги учун мураккаб вазиятни инобатга олиб, «Ҳаж-2020» мавсуми учун чет элдан зиёратчиларни қабул қилмаслик ҳақидаг и таклифни қўллаб-қувватлади ҳамда жорий йилнинг 22 июнь куни мамлакат ичида бўлиб турган чекланган миқдордаги зиёратчилар учун ички ҳаж мавсумини ташкил этиш бўйича барча тегишли чораларни кўриш тўғрисида қарор қабул қилди.
Саудия ҳукуматининг ушбу қарори Саудия уламолари Кенгаши, Ислом ҳамкорлик ташкилоти, Ислом олами уюшмаси, Мисрдаги Ал-Азҳар мажмуаси ҳамда “Дорул ифто” фатво ҳайъати ва бошқа кўплаб илмий марказлар томонидан маъқулланди.
Юқоридагиларга асосланган ҳолда, Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита, Ўзбекистон мусулмонлари идораси, “Ҳаж” ва “Умра” тадбирларини ташкил этиш ва ўтказиш масалалари бўйича Жамоатчилик кенгаши Саудия Арабистони қироли – Икки Муқаддас Ҳарам хизматчиси қирол Салмон бин Абдулазизнинг ҳожилар манфаатлари, уларнинг ҳаёти ва соғлиғини ҳимоя қилишни таъминлаш нуқтаи назаридан қабул қилган ушбу қарорини қўллаб-қувватлайди.
Шунингдек, Жамоатчилик кенгаши жорий йилги ҳаж сафарига боришни режалаштирган фуқароларимизнинг навбати тўлиқ сақланган ҳолда кейинги йилга ўтказилишини эслатиб ўтади.
Инсоният бошига тушган бу синовли кунлар тезда ўтиб кетишини Яратгандан сўраб қоламиз.
Эътиборингиз учун раҳмат!
Дин ишлари бўйича қўмита
Матбуот хизмати
Муфтий ҳазратлари Олий маъҳаддаги бунёдкорлик ишлари билан танишдилар
Бугун, 23 июнь куни Ўзбекистон мусулмонлари идораси раиси, муфтий Усмонхон Алимов ҳазратлари Имом Бухорий номли Тошкент ислом институтида олиб борилаётган бунёдкорлик ишлари билан яқиндан танишдилар.
Ташриф давомида Муфтий ҳазратлари ушбу ўқув даргоҳи ҳудудида қад ростлаётган 4 қаватли бинода бўлаётган қурилиш жараёни ҳолатини кўздан кечириш чоғида ўқитувчи ва талабаларга қулай шарт-шароит қилиш, қўшимча бинонинг олийгоҳ фаолиятидаги таълим жараёнига ижобий таъсири ҳақида маслаҳатлар бердилар. Шунингдек, қурилиш-монтаж ишларини миллий ва замонавий меъморчилик анъаналарига тўла мос ҳолда амалга ошириш юзасидан муфтий ҳазратлари алоҳида тавсиялар тақдим этдилар.
Эслатиб ўтамиз, Тошкент ислом институти ҳудудида барпо этилаётган мазкур бино қурилишига Тошкент шаҳар қурилиш бош бошқармаси томонидан 2019 йил ноябрь ойида 4 қаватли маъмурий бино қуришга рухсат берилган эди.
Қурилиш ишлари 2019 йил ноябрь ойи ўрталарида бошланди. Унда асосан талабалар турар жойи ва маъмурий хоналарни жойлаштириш режалаштирилган. Ҳозирда ёнғин хавфсизлиги зинасини қуриш ва бинонинг олд қисмида пардозлаш ишлари олиб борилмоқда. Қурилиш ишлари келаётган 3-4 ой ичида тугалланаши мўлжалланмоқда.
Ўзбекистон мусулмонлари идораси Матбуот хизмати
МИННАТДОРЛИК МАКТУБИ
БИСМИЛЛАҲИР РАҲМОНИР РАҲИИМ!
АЛЛОҲ ТАОЛОГА битмас-туганмас ҳамду санолар, ПАЙҒАМБАРИМИЗГА мукаммал ва батамом салавоту саломлар бўлсин!
МУҲТАРАМ ва ҲУРМАТЛИ, оиламиз учун ҚАДРЛИ ва ҚИММАТЛИ, мен учун ЖУДА АЗИЗ ва ЖУДА МЕҲРИБОН Қ А Д Р Д О Н Л А Р И М И З !
Тақдири ИЛОҲИЙ ила оиламизда бўлган катта йўқотиш кунларда, оғир мусибатимизга бизларга шерик бўлиб, БЕҲИСОБ ҚУРЪОН тиловатларингиз ва БЕМИСЛ дуоларингиз билан, ўз қалб сўзларингиз билан, самимий дил изҳорларингиз билан синиб қолган қаддимизни ростлаб, оғриб қолган дилимизни ором топтириб, чўкиб қолган кўнглимизни кўтарганларингиз учун СИЗ АЗИЗ ва МЕҲРИБОН ҚАДРДОНЛАРИМИЗГА чексиз-чексиз МИННАТДОРЧИЛИГИМИЗНИ билдирамиз!
Ўз БЕҚИЁС меҳрларингиз билан оилавий дардимизга ҳамдард бўлган СИЗ АЗИЗ ва МЕҲРИБОН ҚАДРДОНЛАРИМИЗГА кўпдан-кўп РАҲМАТЛАР айтамиз!
Оиламиз бошига оғир қийинчилик тушган онларда, жигаримиздан жудо бўлган пайтларимизда ўз ташрифларингиз билан ҳамда қалбларингизнинг тўрисидан чиққан ўз тасаллиларингиз билан сокинлик бахш этганларингиз учун СИЗ АЗИЗ ва МЕҲРИБОН ҚАДРДОНЛАРИМИЗДАН чексиз-чегарасиз даражада МИННАТДОРМИЗ!
АЗИЗ ВА МЕҲРИБОН ҚАДРДОНЛАРИМИЗ! СИЗЛАРНИНГ оиламизга қилган бундай ОЛИЖАНОБ яхшиликларингизни, беқиёс МЕҲРЛАРИНГИЗНИ, УЛКАН мурувватларингизни ИЛОҲИМ тўйларингизда, хурсандчилик кунларингизда қайтаришимизни насиб этсин! СИЗЛАРНИНГ ОЛИЖАНОБ фазилатларингиз, УЛУҒ инсоний хислатларингиз ҳар қандай таҳсинларга сазовордир!
СИЗЛАРНИНГ оиламизга бўлган БЕБАҲО меҳрларингиз олдида бош эгиб, ТАЪЗИМ қиламиз! Бизнинг оиламиз учун кўрсатган бундай олижаноб ИЛТИФОТЛАРИНГИЗНИ, бебаҳо МУРУВВАТЛАРИНГИЗНИ, олтиндан ҳам қиммат яхшиликларингизни, раҳмдиллик ила меҳрибонликларингизни асло УНУТМАЙМИЗ! ҲЕЧ ҚАЧОН эсимиздан чиқармаймиз!
ИЛОҲИМ яхши кунларингизда, тўйларингизда қайтарайлик! ХУДОИМ ТАОЛО СИЗЛАРНИ ва ТАБАРРУК ОИЛАЛАРИНГИЗНИ доимо омадларини бериб, икки дунёда ҳам ишларингизни ўнгидан қилсин!
СИЗЛАРГА камоли эҳтиром, чексиз ҳурмат, дунёдаги ЭНГ яхши тилаклар ва БЕҚИЁС ТАШАККУРЛАР ила Ўзбекистон мусулмонлари идораси раиси ўринбосари Иброҳимжон Иномовлар оиласи.
5 ТА ТУМАН-ШАҲАР “ЯШИЛ” ҲУДУД БЎЛДИ, УЛАРДА МАСЖИДЛАР ОЧИЛДИ!
Шу йил 20 июнь ҳолатига, туман ва шаҳарлар эпидемиологик тоифаларининг янгиланган рўйхати эълон қилинди.
✅Унга кўра, Навоий вилояти Хатирчи тумани, Наманган вилояти Уйчи тумани, Сирдарё вилояти Янгиер шаҳри, Сурхондарё вилояти Термиз шаҳри ва Тошкент вилояти Ангрен шаҳрига “яшил” ҳудуд тоифаси берилди.
Ўзбекистон мусулмонлари идорасининг карантин даврида масжидлар фаолиятини ташкил этиш юзасидан баёнотига мувофиқ, шу йил 22 июндан бошлаб, ушбу ҳудудларда жойлашган масжидлар намозхонлар учун очилади.
❗️“Қизил” ёки “сариқ” худудлардан “яшил” худудлар қаторига ўтиш ва масжидлар ўз фаолиятини қайта бошлашида – ҳар бир инсоннинг ҳиссаси катта бўлади, карантин мезонларига амал қилиш айни матлуб ва шариатда буюрилган ишдир.
Ўзбекистон мусулмонлари идораси
Матбуот хизмати
@muslimuzportal | @mp3muslim | @diniysavollar
Янгиликлар
