Ҳурматли порталимиз мухлислари, Яратганга шукрки, Юртимизда ҳукм сураётган тинчлик ва хотиржамлик сабабли муборак Рамазон ойи ҳам ўзгача шукуҳ билан ўтмоқда. Айниқса, кундузлари соим бўлиб Аллоҳга муқарраб бўлган инсонлар, тунлари таровиҳ намозларида ҳам иштирок этиб Аллоҳнинг каломига соме бўлишмоқда. Дуолар мустажоб бўладиган ғанимат дамларда Юртимиз ва юртдошларимиз ҳақига хайрли дуолар қилишмоқда.

Сиз азизларга 3 июль куни пойтахтимизнинг қуйидаги масжидларида Қуръон хатмоналари якунига етишини маълум қиламиз:

1. “Тинчлик” жоме масжиди. (Манзил:Чилонзор тумани, ”Тинчлик” маҳалласи, И.Усмонов кўчаси 17-уй.) Масжид имом-хатиби-Дўнгбоев Шермурод. Қори:Туйғун Иброҳим Жаҳонгир ўғли.
2. “Ҳасанбой” жоме масжиди. (Манзил:Юнусобод тумани, Ориф Соипов кўчаси 10 уй.) Масжид имом-хатиби-Ғойимов Шуҳрат. Қори: Саидов Худойқул.
3. “Умар ибн Хаттоб” жоме масжиди. (Манзил:Юнусобод тумани, А.Жомий маҳалласи, Боғиравон 2-тор кўчаси 14 уй.) Масжид имом-хатиби-Даминов Мансур. Қори: Маҳмудхонов Муҳаммад Исохон.

Шукуҳли ва дуолар ижобат бўладиган хатмона кечасида Аллоҳ таолодан Рамазон ойи  Юртимиз учун барокатли ва хайрли бўлишини, Ватанимиз тинч, осмонимиз мусаффо, ҳаётимиз эса фаровон бўлишини сўраб дуолар қилайлик. Зеро, бу ойда қилинган дуо мустажобдир.

ЎМИ Тошкент шаҳар вакиллиги