Шу кунларда Республикамиз Конституцияси қабул қилинганининг 24 йиллик шодиёнасини ҳам муносиб кутиб олиш арафасида турибмиз. Конституциямизда халқимиз руҳига мос келадиган инсонпарварлик, бағрикенлик, меҳр-оқибат, имон-эътиқод ва виждон эркинлиги каби энг эзгу ижтимоий мавзуларнинг мужассам бўлгани муҳим аҳамият касб этади.
Юртимизда қонун устуворлигини таъминлаш, барча инсонларнинг ҳақ-ҳуқуқлари ва манфаатларини ишончли ҳимоя қилиш изчил ислоҳотлар орқали амалий саъй-ҳаракатлар натижасида рўёбга чиқмоқда. Мустақиллик даврида маънавий тараққиёт йўлида эришилган муваффақиятлар, халқимиз ҳаёти, моддий фаровонлиги, онгу тафаккурида юз берган катта ижобий ўзгаришлар ана шундан ёрқин далолатдир.
Ўзбекистон Республикаси Конституция қабул қилинганининг 24 йиллиги муносабати билан Тошкент вилояти Паркент туманидаги “Бешкапа” жоме масжиди ходимлари ва ташаббускорлари томонидан тумандаги аҳолининг ёрдамга муҳтож қатлами, кексалар ва жисмоний имконияти чекланганлар учун хайрия байрам дастурхони ёзилди. Тадбир ташкилотчилари томонидан иштирокчиларга байрам совғалари улашилди.
Муҳаммадназар Қаюмов,
ЎМИ Масжидлар бўлими мудири
