Ўзбекистон янгиликлари

“HALAL EXPO-2022” тадбирларида Ўзбекистон тадбиркорлари стенди ҳам ташкил этилди

Туркиянинг Истанбул шаҳрида бўлиб ўтган Ислом Ҳамкорлик ташкилотининг VIII Бутунҳажон ҳалол саммити ва “HALAL EXPO-2022” тадбирларида Ўзбекистон тадбиркорлари стенди ҳам ташкил этилди.

Халқаро анжуманнинг расмий нашри бўлган “Halal Business” журналида эса Бош вазир ўринбосари, Туризм ва маданий мерос вазири А. Абдуҳакимовнинг интервью шаклидаги таҳлилий материали турк ва инглиз тилларида 500 минг нусхада чоп этилди. Мақолада Ўзбекистоннинг айнан "Ҳалол туризм" соҳасида тутган ўрни ва салоҳияти ҳақида маълумот берилган.

Маълумот учун: “HALAL EXPO" 1997 йилдан буён ташкил этилаётган ислом давлатлари иқтисодиёт тармоқларининг энг йирик тадбирларидан бири.

2022 йилда жаҳон мусулмон аҳолиси 2 млрдга етди ва 2025 йилга келиб дунё аҳолисининг 27%и мусулмонлардан иборат бўлиши кутилмоқда. Экспертлар фикрича, жаҳон ҳалол бозори савдо айланмаси 7 триллион АҚШ доллардан яқин беш йилда 10 триллион долларга етади.

 

Манба

Read 199 times

Янгиликлар

Top