Бугун, 16 июнь куни эрта тонгда республикамиз бўйлаб 2074 та жоме масжидда минг-минглаб юртдошларимиз Қурбон ҳайити намозини адо этдилар.
Масжидларда Ҳайит намозига йиғилган барча мусулмонлар ушбу қутлуғ ва муқаддас байрам билан қутланиб, тинч ва осуда юртда яшаётганимиз, хотиржам ибодатлар қилаётганимиз учун Яратганга шукроналар айтдилар.
Таъкидлаш жоизки, Ўзбекистон Республикаси Президентининг “Қурбони ҳайитини нишонлаш тўғрисида”ги қарорига мувофиқ Ҳайит намозини адо этиш учун йиғилган намозхонларга қулайлик яратиш мақсадида барча зарур ишлар амалга оширилди. Жумладан, масжидлар обод қилиниб, байрам шукуҳи акс этган табрикномалар илинди. Жомеларга туташ кўчалар вақтинча ёпилиб, намозхонлар учун жойлар ажратилди. Ички ишлар, соғлиқни сақлаш ва бошқа мутасадди идоралар вакиллари навбатчилиги ташкил этилди.
Ўзбекистон мусулмонлари идораси
Матбуот хизмати
