Қуйида келтириладиган фикрлар, ҳикматлар ижтимоий тармоқлардаги турли саҳифалардан олиб таржима қилинган. Бундан ташқари саҳобаи киромлар, улуғ олимлар, Яқин Шарқ, Осиё, Европа ва Америка мутафаккирларининг бир қатор фикрлари ҳам берилган.

*****

Агар безовталикни енгиб, тинч ҳаётни бошламоқчи бўлсанг, машаққатларингни санаш ўрнига Аллоҳнинг сенга ато этган неъматларини санагин!

“Тарих муҳрлаган сўзлар”

*****

Бизни дафн этишга, кўмишга уриндилар. Аммо улар бизнинг уруғ эканимизни билмадилар.

“Тарих муҳрлаган сўзлар”

*****

Бурнингни китобга қўйишинг (яъни китоб ўқишинг) уни бошқаларнинг ишига тиқишингдан яхшидир.

“Тарих муҳрлаган сўзлар”

*****

Агар эртага тоғларни жойидан жилдирмоқчи бўлсангиз, тошларни ташишни бугундан бошлашингиз керак.

“Тарих муҳрлаган сўзлар”

*****

Албатта, куч-қувватнинг бошланиши ахлоқий юксалиш сабаблидир. Ҳар бир мағлубият ва енгилиш ахлоқий емирилиш сабаблидир.

Али Иззатбегович

*****

Ҳаёт – велосипедга ўхшайди. Мувозанатни сақлаб туришинг учун ҳаракатдан тўхтамаслигинг керак.

“Тарих муҳрлаган сўзлар”

*****

Интернет материалларидан тўплаб, таржима қилувчи

Нозимжон Иминжонов

Қуръондаги ушбу оятда зикр қилинган кимсалардан бўлиб қолишимиздан хавотирдаман.

Аллоҳ айтади:

“Аллоҳнинг неъматини куфрга алмаштирган ва қавмларини ҳалокат диёрига туширганларни кўрмадингми”?

(Ўйлаб кўргин, бу нарса таажжубланарли эмасми? Аллоҳ бир қавмга ўзларидан Пайғамбар юбориб, уларни иймонга, Исломга даъват қилса, охирги илоҳий китоби Қуръонни индириб, ҳеч кимга бермаган улуғ неъматини ато этса-ю, гумроҳ қавм бу неъмат ўрнига куфрни ихтиёр қилса! Иймонни куфрга алмаштириб олса! Ўзларига қўшиб қавмларини ҳам ҳалокат диёрига туширсалар! Тафсир ҳилол.)

 “Улар жаҳаннамга кирурлар. Бу қандоқ ҳам ёмон қароргоҳ”! (Иброҳим, 28-29).

Ушбу қийинчиликнинг келиш сабаби ва уни Аллоҳ таолонинг бизга юборишидаги сабаб ўзимиз қилган гуноҳлар ва ҳаддимиздан ошган туғёнлардир. Бизлар Аллоҳ азза ва жалланинг Китоби баён қилиб қўйган қизил чизиқлардан ўтиб кетдик. Мўмин одам бу чизиқлардан ўтмаслиги керак эди, лекин биз ўтиб кетдик. Эҳтимол буни сизлар эслай олсангиз керак. Ушбу шаҳарда яшаётган кўпчилик инсонларга бу эслатма ва огоҳлантиришлар фойда бермади. Бу бошқа бир муаммо. Мункар ишнинг содир бўлиши мусибат бўлса, мункар ишга жим қараб туриш ҳам бошқа бир мусибатдир.

Бу қийинчиликнинг келиш сабаби ана шудир.   

Ўтган бир йиғинда мен бу нарсани аниқ тушунтириб берган бўлсам керак.

Аммо бу қийинчиликнинг кетиш сабаби – албатта тез кунда у ҳам кетади – ушбу ер устида Аллоҳнинг бандалари қиладиган тавба-тазарруълар, илтижолар ва биз гоҳида улар ким эканини билмайдиган кўплаб кишиларнинг дуо ва ёлворишларидир. Лекин улар софдил инсонлардир, улар Аллоҳнинг авлиё дўстларидир. Улар орасида абдоллари (ўринбосарлар) ҳам бор. Ушбу давомли тавба-тазарруълар ва айниқса, кечанинг охирида (тонг саҳарда) тўхтовсиз қилинаётган ушбу илтижолар бу қийинчилик кетишининг сабабидир.

Мен сизларга ва ўзимга ҳам эслатадиган бошқа бир вазифа шуки, Аллоҳ таоло тез кунда бизларга эҳтиром кўрсатиб, бу қийинчилик кетса ва ундан кейин бахтиёр ҳаёт кечира бошласак, бу нарса учун Аллоҳ азза ва жаллага шукр қилишни унутиб қўйишдан эҳтиёт бўлинглар.

Эҳтимол айримларингиз Аллоҳга шукр қилиш инсоннинг “Алҳамдулиллаҳ, ўзингга шукр” дейиш билан тилини қимирлатишидир” - деб ўйласангиз керак. Йўқ, эй дўстим. Бу тақлидий (анъанавий) шукр бўлиб, унинг Аллоҳ таолонинг олдида қиймати йўқдир.

Бу қийинчиликнинг кетишидаги ва ундан кейин неъматнинг келишидаги Аллоҳнинг шукри – Аллоҳнинг буйруқларини бажаришимиз ва Аллоҳ таоло олдида у рози бўлмайдиган беҳуда нарсалар билан шуғулланмасликка ҳамда Аллоҳ яхши кўрмайдиган ҳаром нарсалар билан машғул бўлмасликка ваъда беришимиздир. Аллоҳнинг шукри Унинг белгилаб қўйган тўғри йўлидан қийшайиб четга оғмаслигимиз ва барча соҳаларда У билан ярашиб, тузалганимизни эълон қилишимиздир.

Имом Бутий раҳимаҳуллоҳнинг асарларидан

Тошкент шаҳар “Кўкча оқтепа” жоме масжиди имом-хатиби
Абдуллоҳ Ғуломов таржимаси

Майонезнинг соғликка салбий таъсири бор. Ундаги ёғнинг миқдори 75 фоиздан ортади. Шунинг учун истеъмол қиладиган таомингиз майонездан холи бўлсин.

*****

Агар сувни ўтириб ичсанг, бу сув танангдаги барча чўкинди ва сарқитларни ҳайдаб чиқаради. Бу чиқиндилар орасида буйракда тош йиғилишига сабаб бўладиганлари ҳам бор.

Агар сувни уч марта бўлиб-бўлиб ичсанг, шу пайтда нафас олсанг, тана ҳаводан кислород олади, бу эса жисмга инсулин беради. Инсулин – танани қандли диабетдан ҳимоя қилувчи моддадир.

*****

Мисвок – оғиз бўшлиғи ва тиш орасидаги микробларни йўқ қилади. Бу микроблар милк яллиғланишига ва тишларнинг ишдан чиқиши (кариес)га сабаб бўлиши мумкин. Мисвокнинг таъсири 6 соатдан 8 соатгача давом этади. Тиш ювиш воситасининг таъсири эса 2 соатдан ошмайди.

*****

Танангизда магний моддаси етишмаслигининг баъзи аломатлари:

• Юракнинг тартибсиз уриши.
• Бош оғриши.
• Кўнгил айниши.
• Чарчоқ ва умумий ҳолсизлик.
• Бўғим ва суякларда оғриқ.
• Қабзият.
• Мушакларнинг титраб-қақшаб сиқилиши.

*****

Биласизми, агар бир инсон буйрагининг бирини олдириб ташлашга мажбур бўлса, иккинчи буйрак ҳажми катталашиб бориб, олдирилган буйракнинг ҳам вазифасини бажариш учун иккита буйракнинг умумий ҳажмига тенгалашади.

*****

Мияни хароб қилувчи еттита одат:

1. Нонушта қилмаслик.
2. Уйқусизлик.
3. Ширинликларни кўп истеъмол қилиш.
4. Кундузлари кўп ухлаш.
5. Таомланаётганда телевизор кўриш.
6. Пайпоқ кийиб ёки бошни бутунлай ўраб ётиш.
7. Вақтида ҳожатхонага бормай, бавлни ушлаб туриш. Бунинг натижасида танада заҳар тўпланади.

Азизлар, саломатлигимиз қадрига етайлик! Динимизнинг таомланиш ва ичимлик ичиш борасидаги кўрсатмаларига амал қилсак, ҳам соғлом бўламиз, ҳам савобга эришамиз. Шуни унутмаслигимиз керакки, танамиз Аллоҳ таолонинг бизга берган катта неъмати ва омонатидир. Неъматга шукр қилинади, омонат эса соғ-саломат ҳолда Эгасига қайтарилади.

“Саломатлик ажойиботлари” саҳифасидан

Нозимжон Иминжонов таржимаси

Ер юзидаги энг хатарли маъсиятлардан бири – ҳасаддир. Иблис Одам алайҳиссаломга ҳасад қилди, натижада Аллоҳ таоло уни жаннатдан чиқарди. Қобил укаси Ҳобилга ҳасад қилиб, уни ўлдирди.

Эй Аллоҳ! Биз сендан ҳасаддан ва ҳасадчиларнинг ёмонлигидан паноҳ сўраймиз!

*****

Яхши инсондоим табассум қилади, одамларни кечиради, оғриқли нарсаларни билмаганликка олади. Аммо қалбидаги нарсани Аллоҳ таолодан бошқа ҳеч ким билмайди.

*****

Обидларнинг бирига “Чиройли сабр нима?” дейилди. У киши “Балога учраганингда ҳам қалбинг АЛҲАМДУЛИЛЛАҲ деб туришидир” деб жавоб берди.

*****

Тўлғоқ оғриқларидан инграб, қийналаётган аёлга Аллоҳ таоло раҳм қилсин!

Боласи шикоят қилиб келганда, боласидан олдин кўзи ёшланган аёлга Аллоҳ таоло раҳм қилсин!

Эрига, болаларига тинмай меҳр кўрсатиб, яхшилик қилиб, эвазига ҳеч нарса талаб қилмай, бирор нарсадан шикоят қилмай яшаётган аёлга Аллоҳ таоло раҳм қилсин!

*****

Агар биров сенга зулм қилса, ундан ўч олма. Балки уни узоқдан кузатиб тур. Ўшанда Аллоҳнинг адолатини кўрасан. Бу адолат ҳисоб-китобни жуда аъло даражада жой-жойига қўяди.

*****

Ҳаёт ҳар қанча қийин бўлса ҳам, эшиклар ҳар қанча берк бўлса ҳам, ёдингда тут, Мусо алайҳиссалом учун денгизни иккига бўлиб, ўртасидан йўл очиб берган Зот сен учун ҳам барча берк эшикларни очиб беришга қодирдир. Сен “Эй Роббим” деб нидо қилгин!

*****

Қуп-қуруқ чўлдаги харсангтош ичидан ўсимлик ундирган, денгиз тубидаги тош ичида яшаётган жонзотга ризқини етказган Зот сенинг ҳам ризқингни етказишга қодирдир.

*****

Энг жирканч одам – таомингни еб, қорни тўйгач, яхшилигингни инкор қилган, сирларингни фош этган, бир пайтлар суҳбатдош бўлганини унутган ва сени сенда йўқ айблар билан ҳақорат қилган кимсадир.

Интернет маълумотларидан Нозимжон Иминжонов таржимаси

Анор қадим замонлардан шифобахшлиги билан эъзозланиб, меваларнинг султони ҳисобланган.      Анорнинг юзлаб турлари мавжуд бўлиб, меваси таркибида органик кислоталар, витаминлар, шунингдек микробларни йўқ қилувчи моддалар мавжуд. Анорнинг асосан пояси, шохи, гули, илдиз пўстлоғи ва меваси даво сифатида қўлланилади.

 Ўрта асрда Европалик табиблар анор шарбатидан асабларни тинчлантиришда фойдаланганлар.

Хитой табобатида анор гулларидан тайёрланган дамлама ичбуруғ, тишларнинг қимирлаб қолиши ва тушиб кетишиниyu олдини олишда фойдаланилган. Анор гулларининг қуритилган кукуни турли жароҳатларга ишлатилган.

Ҳинд табиби Бухан анор дарахтининг илдизидан лентасимон гижжаларни  йўқотишда фойдаланган.

ХАЛҚ ТАБОБАТИДА:

Қондаги гемоглобин миқдорини ошириш учун – ярим пиёла анор, хом лавлаги, қизил сабзи шарбатига бир ош қошиқ асал солиб аралаштириб наҳорга ичилади.

• Хафақон касаллигида – аччиқ ва нордон анорнинг сувини тенг миқдорда олиб, 15 кун 3 маҳал 50 граммдан ичилади.
• Қувват бўлиши учун – аччиқ анор сувини 10 кун 3 маҳал оч ҳолда 50 граммдан ичилади.
• Кўздаги ҳарорат ва кундузи кўрмай қолишликка – ширин ва аччиқ анорни сувини асал билан қўшиб, бир неча кун офтобга қўйилади.
• Қувватлантирувчи сифатида – анор шарбати радиактив моддалар ва компьютер билан ишлайдиганларга, операциядан кейин қувват бўлиши учун тавсия этилади.
• Ангинада, стоматитда, гингивит ва бошқа оғиз бўшлиғи хасталикларида – анор пўстидан тайёрланган дамлама ёки меваси шарбати билан оғиз чайилса самарали даволайди.
• Ҳомиладор аёлларда – анор мевасидан ейишлари туғилажак болада юрак хасталиклари, бош мия нуқсонларининг олдини олади.
• Асабийлашишда, хавотир, уйқусизликда – анор меваси орасидаги пардани қуритиб гиёҳли чойга қўшиб ичилса, ёрдам беради.

Анорнинг хосиятлари

Ширин анор эрур ҳўл-совуқ ҳар вақт

Бу сўзга табиблар сўзидир ҳужжат

Аччиғидан сафро бўлур тору-мор

Ундан ёмон хилтлар туғилмас зинҳор,

Асал билан қўшиб агар ширинин

Ярага суркалса – йўқотар барин,

Чарчоқ, қулоқ оғриқ, оғиз яраси,

Меъда иллати ҳам кетар барчаси

Аччиғи сийдикни ҳайдайди кўпроқ,

Майҳуши наздимда яна яхшироқ,

Аччиғи зарардир еса томоққа,

Йўтал бўлса – шошмас эл ҳам емоққа,

Аччиқ, ширин яна ул майхуш анор,

Ҳафақон ҳайдовчи хосиятга ёр.

Анор гулининг хосиятлари

Гапирсам анор гулидан – совуқ-

Биринчи ўринда, иккинчи қуруқ,

Тиш милкин доимо қилур мустаҳкам,

Қон туфлаш дардини даф этар ҳар дам

Ичак ярасига ундан наф етар

Яра-чақаларни яна даф этар.

Ширин анор

Ширин анор сувини шиша ичига солиб,

Қайнаб чиққунча офтоб тиғига тутгин уни

Сўнг чўп билан кўзингга ўша сувдан суркасанг,

Кўз қичишни йўқотиб, кўпайтирар нурини.

“Табобат дурдоналаридан”

*****

Оғиз ичра пишган бир дона анор,

Мингталаб хом сувдан яхшидир минг бор.

Хусрав Деҳлавий

*****

Тўкди заҳмидин бағир қонини ҳижрон нолиши,

Ўйлаким сиқмоқ ила эл сув оқизгай нордин

Навоий

*****

Мунира АБУБАКИРОВА