Ислом оламидаги энг нуфузли олий таълим муассасаларидан бири бўлган Ал Азҳар университети бош имоми, шайх Аҳмад ат-Тоййиб Миср пойтахти бўлган Қоҳира шаҳрида ўтказилган андуманда нутқ сўзлади.
Қоҳирада ташкил этилган анжуман "Ислом ва Ғарб: турли хиллик ва интеграция" шиори остида ўтказилган. Шайх Аҳмад ат-Тоййиб анжуман доирасида фикр билдириб, қуйидагиларни айтиб ўтган. "Мусулмонлар кўп ҳолларда шафқатсиз дея тарифланади, аслида эса мусулмонлар терроризм қурбонларидир. Терроризм эса дин асосида келиб чиқмайди, у дин ва аҳлоққа нисбатан глобал тизим(режим)ларнинг муносабати туфайли юзага келади". Унинг фикрларини Daily News нашри келтириб ўтган.
Унинг сўзларига кўра, Қуръони карим миллатлар ва одамлар ўртасидаги ўзаро ҳамжиҳатликнинг асоси очиқлик(бағрикенглик) эканини ўргатади.
Шайх Аҳмад ат-Тоййибнинг айтишича Ал Азҳарда ўқитиладиган замонавий Ислом мусулмонларни фикрлаш ва ҳаракатда мўтадил бўлишга, замоннинг муаммолари ва талабларига мослашувчанлик қобилиятини тарбиялашга хизмат қилади.
ЎМИ Матбуот хизмати
