Саудия Арабистони ҳаж ва умра ишлари бўйича вазирлиги айни пайтда ажойиб бир лойиҳани якунлаш арафасида туришибди. Унга кўра, зиёратчилар, Қироллик фуқаролари ва аҳолисига Муҳаммад соллаллоҳу алайҳи ва саллам 622 йилда Макка шаҳридан Мадина шаҳри томон юрган йўллари бўйича туяларда сафар қилиш имкони яратилади.
"Saudi gazette" ва "Makkah Daily" нашрларинингг хабарига кўра, лойиҳа “Саниятул вадога йўл ” деб номланувчи лойиҳа меҳмонхоналар, дам олиш уйлари, музейлар ва бошқаларни ўз ичига олувчи 25 та бекатларни ишлаб чиқишни кўзда тутади.
Карвон ўз саёҳатини Расулуллоҳ соллаллоҳу алайҳи ва саллам саҳобалари Мадина шаҳрига отланишидан аввал Абу Бакр розияллоҳу анҳу билан душманлардан уч кун давомида беркиниб турган Савр ғоридан бошлайди. Сўнгра карвон Расулуллоҳ соллаллоҳу алайҳи ва салламни қабул қилган Умму Маъбаднинг чодири ўрнида тўхтайди (ўша ерда қўйнинг сути мўъжизаси содир бўлган эди). Кейин эса Расулуллоҳ соллаллоҳу алайҳи ва саллам Суроқа ибн Моликни учратган жойдан ўтилади. Суроқа қурайшликлар ваъда қилган мукофот умидида Расулуллоҳ соллаллоҳу алайҳи ва салламнинг изидан борган эди.
Бошқа жойларни ҳам зиёрат қилиб бўлгач, зиёратчилар ўз сафарларини Мадинадаги Сaниятул вадога етганда тугаллайдилар.
Лойиҳа ташаббускорлари кўра, ушбу 380 километрдан иборат бу йўналиш бўйлаб Мадинага автомобиль, ҳаво шари ва мотоциклларда ҳам сафар қилиш мумкин.
Ўзбекистон мусулмонлар идораси Матбуот хизмати
