Эфиопия ҳукумати Дажла вилоятидаги кўҳна Ал-Нежаши масжидини тиклашга ваъда берди, хабар бермоқда Anadolu агентлиги. Қадимий масжид ҳисобланган Ал-Нежаши ҳудудида VII асрда Эфиопияга келган Муҳаммад Пайғамбар соллаллоҳу алайҳи васаллам саҳобаларининг қабрлари бор. Улар мушриклардан қутулиш учун Саудия Арабистонидан қочиб кетишган.
Islam.ru маълумотларига кўра, Ал-Нежаши энг ҳурматли жойлардан бири ҳисобланади. Бино Тиграйдаги можаро, ўтган йилнинг ноябрида халқ Озодлик фронти (TPLF) федерал кучларга қарши исён кўтарган пайтида шикастланган. Эфиопия ҳукумати масжидга етказилган зарарнинг даражасини баҳолаш учун у ерга техник жамоа йўлга тушганини маълум қилди.
Эфиопия маданий меросни ўрганиш ва сақлаш бўйича идораси директорининг ўринбосари сўзларига кўра, тез орада қайта тиклаш ишлари бошланади. Ҳарбийларнинг ушбу ҳаракатларини куфрлик деб атаган Ал-Нежаши имомларининг норозилигига қарамай, TPLF масжид ҳудудида хандақ қазилгани маълум бўлди.
"Красная Весна" ахборот агентлигининг хабар беришича, жанговар ҳаракатлар пайтида масжид яқинида жойлашган христианларнинг Эмануэль черкови ҳам зарар кўрган.

Ўзбекистон мусулмонлари идораси матбуот хизмати