Жорий йилнинг 8 октябрь куни Москвадаги “Крокус Сити Холл” танталар саройида “Халқаро Қуръон байрами” бўлиб ўтади. Ушбу тадбир доирасида Москвада ҳалол маҳсулотлар дегустацияси (тотиб кўриш) маросими ҳам ташкиллаштирилади. Бундан ташқари, 32 мамлакатдан ташриф буюрган қорилар ўртасида бўлиб ўтадиган XVIII Қорилар мусобақасининг энг яхши 5 нафар қориси ҳам иштирок этиши кутилмоқда.
Ушбу тадбирга ташриф буюрган меҳмонларни ажойиб маданий дастурлар кутмоқда. Ҳофизи Қуръонларнинг Қуръон тиловатлари ва машҳур уламолар томонидан талабалар ва устозлар учун мастер-класслар бўлиб ўтади. Тадбир афишасида ғолибларни умра ва ҳаж зиёрати, Марокаш ва Туркияга саёҳат ҳамда “Iphone 7” каби ажойиб совғалар кутаётгани айтилади. Шунингдек, иштирокчи ва меҳмонлар тадбир доирасида ташкил этиладиган кўргазмада ўзларига ёққан ажойиб санъат асарларини сотиб олишлари ҳам мумкин.
Халқаро алоқалар бўлими
