Иқтисодий ҳамкорлик ва тараққиёт ташкилоти (OECD) дунё бўйлаб хайрия тадбирларига сарфлаган маблағига кўра давлатларнинг навбатдаги рейтингини эълон қилди, деб хабар бермоқда Islam Today.
Рейтингда биринчи ўринни Бирлашган Араб Амирликлари эгаллаган ва Амирлик учун биринчи марта эмас. Ташкилот хисоботига кўра, 2017 йилда БАА моддий ёрдам ва давлатларнинг ривожланиши йўлида 19 миллиард доллар сарф этган. Шуниси диққатга сазоворки, бу кўрсаткич БМТ томонидан белгиланган меъёрлардан икки баробар ошиб кетган.
Бирлашган Араб Амирликлари маблағларининг 43 фоизи Осиё мамлакатларига, 28 фоизи Африка давлатларига ёрдам беришга, қолган 23 фоизи эса Европа мамлакатларига ажратилган. Амирлик ўтган йили жами 147 мамлакатга ёрдам кўрсатган.
ЎМИ Матбуот хизмати
