Бирлашган Араб Амирликлари (БАА) ва Ироқ Мосул шаҳридаги машҳур Ал-Нури масжидини қайта тишлаш лойиҳасини бирга амалга оширишга киришди. Бу ҳақда AFP нашрига таяниб "info.islom" нашри хабар берди.

Тарихий Ал-Нури масжиди ўтган йил ИШИД жангариларини Мосул шаҳридан сиқиб чиқариш учун олиб борилган ҳарбий амалиётлар пайтида вайрон бўлган.

23 апрел куни Ироқ пойтахти Бағдод шаҳридаги Тарих музейида уюштирилган тантанали маросимда БААнинг Маданият вазири Нура Ал Кааби хоним ўз мамлакати Ал-Нури масжидини қайта тиклаш лойиҳасига 50 миллион 400 минг АҚШ доллари миқдорида маблағ ажратишини эълон қилди.

“Беш йилга мўлжалланган лойиҳадан кўзланган мақсад фақат масжид, миноралар ва инфратузилмани қайта тиклашгина эмас балки, ёш ироқликларда умид уйғотишдан иборат”, - дея таъкидлади Ал Кааби хоним.

ЎМИ Матбуот хизмати