ЖАННАТ ДАРВОЗАСИ (1-қисм)

?Муфтий Нуриддин домла
? #ЖАННАТ_СИЗГА_МУБОРАК!

Муфтий ҳазратларининг ижтимоий тармоқлардаги каналлари ⬇️
Telegram (https://t.me/+ZgkOZopwJwc3ZWEy) |
Youtube (https://www.youtube.com/@muftiynuriddindomla) |
Instagram (https://www.instagram.com/muftiynuriddindomla) |
Facebook (https://www.facebook.com/muftiynuriddindomla) |
Twitter (https://twitter.com/MuftiyNuriddin)

Миқдом ибн Маъдийкариб розияллоҳу анҳудан ривоят қилинади:

Набий соллаллоҳу алайҳи васаллам дедилар:

“Одам боласи тўлдирадиган идишларнинг энг ёмони қориндир. Одам боласига қаддини тутадиган (даражадаги) емаклар кифоядир. Агар жуда лозим бўлса, таоми учун учдан бир, шароби учун учдан бир ва нафаси учун учдан бир (жой қолсин)”.

Рамазон тарбия ойидир. Айниқса, нафс тарбияси муҳим омилдир. Банда Рамазондан ҳам жисман, ҳам руҳан покланиб чиқмас экан, мақсад ҳосил бўлмабди, рўза тутишдан кўзланган мақсадга эришмабди.
Рўзадан мурод – нафсни тарбиялаш ва тавбадир. Рўзадан мурод руҳан покланмоқдир. Қалбни поклаб, уни зикр-истиғфор ва ибодатлар билан сайқаллаш, нафсни эгиб тарбия қилмоқдир. Афсуски, Рамазон бизлар учун, гўё, емоқ ойига айланиб қолди. Тўғри, ифторлик қилиб бериш – савобли амал. Бу – ўз йўлида. Лекин Рамазон саҳарлик ва ифторликдангина иборат эмас. Ифторлик ва саҳарликлардан мурод суннат эканлигини ёдда тутишимиз, унга бериладиган савобдан умидвор ҳолда бўлмоғимиз даркор. Рўзадор учун муҳим бўлган масала рўзадан мақсаддир ва шу мақсадни унутмаслик ва англаб олиш муҳимдир.
Рамазон – тақво ойи. Рамазон – ҳам руҳан, ҳам жисман парҳез ойи. Рамазон нафс тарбияси ойидир. Рамазон – мурувват, меҳр-оқибат ойи. Ибодат ойи. Охират учун зодироҳила йиғиш ойидир. Имконни қўлдан бой бермайлик!

Абдураҳмон домла Артиқов.
Андижон шаҳар "Уйғур" жоме масжиди имом-хатиби.

Закот нисоби
Закотнинг тиллодан нисоби 85 грамм бўлиб, бугунги кунда 585 пробали 1 грамм тиллонинг ўртача нархи 420 000 (тўрт юз йигирма минг) сўм экани эътиборидан, бу йилги ЗАКОТ нисоби 35 700 000 (ўттиз беш миллион етти юз минг) сўм деб белгиланди.
Шунга кўра, зарурий эҳтиёжидан ташқари бир йил давомида 35 700 000 (ўттиз беш миллион етти юз минг) сўм ва ундан ортиқ пул маблағи ёки ушбу қийматдаги савдо-тижорат молига эга бўлган мусулмон киши, жами маблағининг қирқдан бири (2,5%)ни ажратиб, уни закот ниятида камбағал ва фақирларга беради.

Фитр садақаси ва фидя миқдори
Фитр садақасининг миқдори буғдойдан ярим соъ (≈ 2 кг.), арпадан бир соъ (≈ 4 кг.), майиздан ярим соъ (≈ 2 кг.) ва хурмодан бир соъ (≈ 4 кг.)дир.
Бугунги кунда мазкур маҳсулотларнинг бозордаги ўртача нархлари 1 кг. буғдой – 6 минг, 1 кг. арпа – 5 минг, 1 кг. майиз – 50 минг ва 1 кг. хурмо – 45 минг сўм эканлигини инобатга олиб, бу йилги ФИТР садақаси қуйидагича этиб белгиланди:

буғдойдан ≈ 2 кг. 12 000 (ўн икки минг) сўм;
арпадан ≈ 4 кг. 20 000 (йигирма минг) сўм;
майиздан ≈ 2 кг. 100 000 (юз минг) сўм;
хурмодан ≈ 4 кг. 180 000 (бир юз саксон минг) сўм деб белгиланди.

ФИДЯ миқдори фитр садақанинг миқдори билан бир хил бўлади.
Шундай экан, ҳар ким ўз имкониятига қараб ушбу тўрт маҳсулотнинг хоҳлаган бир туридан фитр садақасини ва фидя миқдорини берса кифоя қилади.

Эслатма: Мазкур қийматлар Тошкент шаҳар бозорларидаги нархга асосан белгиланди. Ҳар бир вилоят ўз бозорларидаги нархга қараб фитр садақасини белгилайди.

Милодий 2023 йил, 23 Март, Ҳижрий 1444 йил, 1 Рамазон.

Ўзбекистон мусулмонлари идораси Матбуот хизмати
Muslim.uz | https://taplink.cc/muslimuz
@muslimuzportal | @mp3muslim | @diniysavollar

Мўмин киши умрида бир марта бўлса ҳам муқаддас Каъбани зиёрат қилишни орзу қилади. У бу йўлда узоқ йиллар тоат ва ибодатда бўлиб, шундай саодатли онларни интиқлик билан кутади.

2023 йил — мамлакатимизда давлатимиз раҳбарининг ташаббуси билан “Инсонга эътибор ва сифатли таълим” йили, деб эълон қилинди. Албатта, бу юртимизда инсон қадри нақадар улуғ эканидан далолатдир. Қолаверса, мамлакатимизда жисмоний имконияти чекланган фуқароларимизни қўллаб-қувватлаш борасида алоҳида тизим шакллангани ҳам таҳсинга лойиқдир. Энг муҳими, бу каби хайрли ишлар диёримизда қадрият сифатида эъзозланиб, бугунги кунда энг устувор вазифа сифатида белгиланмоқда.

Маълумки, Ўзбекистон мусулмонлари идораси кўриш ва эшитишда имконияти чекланган инсонлар қалбига қувонч улашиш мақсадида, доимий равишда учрашувлар ташкил этиб келади.

Яқинда Ўзбекистон мусулмонлари идораси ва Дин ишлари бўйича қўмита ташаббуси билан кўриш ва эшитишда имконияти чекланган фуқароларнинг 34 нафари Умра сафарига юборилгани ҳам ана шундай хайрли ташаббусларнинг узвий давоми бўлди. Сафар харажати эса мазкур фуқароларнинг ўзлари томонидан қопланган.

Эътиборлиси, республикамизнинг турли ҳудудларидан кўриш ва эшитишда имконияти чекланган фуқаролардан алоҳида гуруҳ ташкил этилди. Уларга малакали шифокор, сафарда ҳамроҳлар ҳамда сурдо таржимонлари Ўзбекистон мусулмонлари идораси ҳисобидан ажратилди.

 Мана шундай неъматга эришган ҳамюртларимиз билан Муфтий ҳазратлари учрашиб, уларни Аллоҳ таолонинг меҳмони, Расул алайҳиссаломнинг Равзаларини зиёрат қилишдек бахту саодатга эришаётганлари билан қутладилар.

 Зиёратчилар эса бу қутлуғ хабарни катта хурсандчилик ва ҳаяжон билан кутиб олишди. Улар Аллоҳ таолонинг ушбу буюк инъомидан кўнгиллари тоғдек юксалиб, қалбларидаги энг эзгу тилакларини айтишдан, бу ишнинг бошида турганларни дуои фотиҳа қилишдан тўхтамадилар.

Қалблари қувончга лиммо-лим ва Аллоҳнинг байтига ошиққан зиёратчилар 2023 йил 2 март куни Умра зиёратини адо қилиш учун йўлга чиқдилар. Уларни Тошкент шаҳридаги “Новза” жоме масжидида уламолар ва мутасаддилар катта эҳтиром билан Саудия Арабистонига кузатиб қўйдилар.

Ҳамюртларимиз ҳаво кемасида қарийб беш соат учганларидан сўнг Саудия Арабистонининг Жидда шаҳрига етиб боришди. Аэропортда зиёратчиларни мамлакатимизнинг Саудия Арабистонидаги элчихонаси ходимлари кутиб олдилар. Гуруҳ аъзолари эса ўзларига кўрсатилаётган меҳр-мурувват ва юксак ғамхўрликдан кўнгиллари тоғдек кўтарилди.

Ватандошларимиз умра сафарини Қуръони каримнинг бир қанча оятлари нозил бўлган, ҳар бир қарич тупроғи Набий алайҳиссалом ҳамда у зотнинг саҳобаларига пояндоз бўлган Мадинаи мунавварадан бошладилар.

Аввало, ушбу муборак шаҳарда Масжидул Ҳаромдан кейинги энг мўътабар бўлган “Масжидун Набавий”да тоату ибодатда бўлдилар. Шундан сўнг, Расул алайҳиссалом ҳамда икки улуғ саҳоба — Абу Бакр Сиддиқ ва Умар ибн Хаттоб розияллоҳу анҳунинг қабрларини зиёрат қилдилар ва у зотларга саломлар йўлладилар. Улар Набий соллаллоҳу алайҳи васалламнинг “Ким мени ўлимимдан кейин зиёрат қилса, худди тириклигимда зиёрат қилгандек бўлади”, деганларини қалбан ҳис этиб турдилар.

Юртдошларимиз Мадина шаҳридаги “Қубо”, “Қиблатайн” масжидлари, Уҳуд тоғи ҳамда Бақиъ қабристонини зиёрат қилиш чоғларида ҳам дилларидаги энг эзгу тилаклари Ҳақ таолодан ёлвориб сўрадилар.

Мадинаи мунаввара зиёрати ниҳоясига етгач, Умра амалини адо этиш учун оппоқ эҳромлар ўралди. Гуруҳ аъзолари мийқот ҳисобланмиш – Зул-Ҳулайфа масжидида намоз ўқиб, умра амалига ният қилдилар.

Мадина шаҳридан Макка шаҳрига келган зиёратчилар дастлаб меҳмонхонага жойлашдилар. Сўнг гуруҳ раҳбарлари бошчилигида талбия айтиб, Каъбатуллоҳга йўл оладилар.

Зиёратчиларимиз масжидга ўнг оёқ билан, хокисор ҳолда кириб, қалбларининг туб-тубидаги дуоларни ўқидилар. Сўнг Каъбатуллоҳни тавоф қилишга киришдилар.

Улар Каъбани тавоф қилиш давомида зикр ва дуолар билан машғул бўлди ҳамда шундай саодатли кунларга етказгани учун Аллоҳ таолога чексиз ҳамду санолар айтишди. Шу кезларда уларнинг қалби шукроналик ҳиссига тўлиб, бу ҳаётдан мамнун ва масрур эканликлари юз-кўзларидан шундоққина кўриниб турди. Каъбатуллоҳни еттинчи марта айланиб, мақоми Иброҳимнинг ортида намоз ўқиганларидан сўнг ҳам энг илтижолар қилиб, юракларининг қаъридаги тилакларини билдирдилар.

Шундан сўнг зиёратчилар Сафо-Марва томонга саъй қилишга ҳаракатландилар. Саъй қилишдан олдин зам-зам сувидан ичдилар. Кейин эса, Сафо ва Марва оралиғида саъй қилдилар. Умранинг сўнгги амали сочни қисқартиришни ҳам адо этдилар.

Умра ибодати ниҳоясига етгач, зиёратчилар эҳромдан чиқдилар. Зиёратчилар умра қилгандан сўнг то Ватанга қайтгунга қадар вақтни ғанимат билиб, Масжидул Ҳарамда намоз ўқиш, Каъбаи муаззамани тавоф қилиш ва дуолар билан машғул бўлдилар.

Макка шаҳридаги сафар давомида юртдошларимиз Арафот, Мино, Муздалифа водийлари, Нур ва Савр тоғларини ҳам зиёрат қилдилар.

Ҳамюртларимиз ёрқин таассуротлар ҳамда унутилмас ҳаяжон билан она Ватанимизга қайтдилар.

Яратган Парвардигор зиёратларни қабул, дуоларни мустажоб қилсин!

 Ўзбекистон мусулмонлари идораси Матбуот хизмати