www.muslimuz
Нишонга урилган гаплар: “Борлигингда сени қадрламайдиган инсонга йўқлигинг оғриқли бўлмайди”
Қуйида келтириладиган фикрлар, ҳикматлар ижтимоий тармоқлардаги турли саҳифалардан олиб таржима қилинган. Бундан ташқари саҳобаи киромлар, улуғ олимлар, Яқин Шарқ, Осиё, Европа ва Америка мутафаккирларининг бир қатор фикрлари ҳам берилган.
*****
Барча ишлар селфи қилиняпти. Ибодат қилиш, овқатланиш, соқол қўйиш, соқол олиш, оиласи билан ўтириш, улфатлар билан ўтириш, бозорда юриш, аэропортда юриш, пахта даласида юриш...
*****
ИСТИҒФОР (АСТАҒФИРУЛЛОҲ)
Инсонларнинг гултожи, Пайғамбарларнинг имоми, олдинги ва кейинги гуноҳлари кечирилган зот кунига юз марта истиғфор айтганларидан кейин мен ким бўлибманки, истиғфор айтмасам!
Нимамга кериламан?!
Қайси гуноҳларим кечирилгани хабар қилинди?!
Шундай экан, кунига юз марта эмас, беш юз марта, минг марта истиғфор айтишим керак!
*****
Чуқур ерда сув кўпроқ ўрнашганидек, илм талабида тавозеъли кишида илм кўпроқ ўрнашади.
«Ал-калимут тоййиб»
*****
Таслим бўлай-бўлай деганингда, банкрот бўлиб, муваффақиятсизликка учрашингни кўриш орзусида турганлар ҳам борлигини эсла!
«Тарих муҳрлаган сўзлар»
*****
Қалбингни уч ўринда қидир:
- Қуръон тинглаётганингда.
- Зикр мажлисларида.
- Холи қолган пайтларингда.
Агар ушбу ўринларда қалбингни топмасанг, Аллоҳдан сенга қалб ато этишини сўра! Чунки, сенда қалб йўқ экан.
«Ал-калимут тоййиб»
*****
Солиҳ мўминнинг қўлидаги солиҳ мол
Ишнинг кўзини биладиган, тадбиркор, ҳалол, тақволи, пулдор, бировга муҳтож бўлмайдиган, фақир диндошларига моддий кўмак берадиган, айниқса, маҳалладошларининг меҳрини қозонган, мусулмонлар учун иш ўринлари ҳосил қилишга интиладиган, янгиликлар, қулайликлар ҳосил қилишга уринадиган мусулмон қандоқ яхши!
*****
Борлигингда сени қадрламайдиган инсонга йўқлигинг оғриқли бўлмайди.
«Тарих муҳрлаган сўзлар»
*****
Қаноат ва тамаъ бойлик ва фақирлик демакдир. Кўп фақирлар бор, сендан бойроқдир. Кўп бойлар бор, сендан фақирроқдир.
Мустафо Сибоий
*****
Ёмон хулқ кўплаб яхшиликларни ёпиб турганидек, гўзал хулқ кўплаб ёмонликларни ёпиб туради.
Мустафо Сибоий
*****
Гап дори кабидир.
Агар уни озайтирилса, фойда беради.
Агар уни кўпайтириб юборилса, ўлдиради.
Амр ибн Осс розияллоҳу анҳу
Интернет материалларидан тўплаб, таржима қилувчи
Нозимжон Иминжонов
Муфтий Усмонхон Алимов Мисрга жўнаб кетди
Бугун, 8 январь куни Ўзбекистон делегацияси таркибида Ўзбекистон мусулмонлари идораси раиси, муфтий Усмонхон Алимов ҳазратлари Миср Араб Республикасига жўнаб кетди. Сафар доирасида Мисрнинг ал-Азҳар мажмуаси билан диний кадрлар тайёрлаш, уларнинг касб-маҳоратини ошириш, халқаро конференция ва семинарлар ўтказишга оид диний-маърифий соҳадаги ҳамкорлик масалалари муҳокама қилинади.
Шунингдек, ал-Азҳар мажмуаси ҳамда Ўзбекистондаги диний соҳага оид марказлар ўртасида ҳамкорлик қилиш тўғрисидаги “Йўл харитаси”ни имзолаш, ал-Азҳар мажмуаси раҳбари Шайх Аҳмад Тоййиб ва ал-Азҳар университети ректори билан учрашувлар ўтказиш режалаштирилган.
Ўзбекистон делегацияси ал-Азҳар университети ва бошқа илмий муассасаларда кенг жамоатчилик иштирокида Ўзбекистонда амалга оширилаётган ислоҳотлар ҳақида такдимотлар ўтказиши мўлжалланган.
Сафар жараёнларини сайтимиз орқали ёритиб борамиз.
Ўзбекистон мусулмонлари идораси Матбуот хизмати
Диний-маърифий даврий нашрларни етказиб бериш бўйича тендерда иштирок этинг
“Мовароуннаҳр” нашриёти юртимиз мусулмонлари эътиборига ҳар йили икки миллиондан ортиқ ададдаги газета ва журнал маҳсулотларини тақдим этиб келмоқда. Ушбу нашриётда Ўзбекистон мусулмонлари идорасининг нашрлари - “Ҳидоят” ва “Мўминалар” журналлари ҳамда “Ислом нури” газетаси чоп этилади.
Чоп этилган маҳсулотларни ўз вақтида юртимиз мусулмонларига етиб боришини таъминлаш тизимини яхшилаш мақсадида нашриёт томонидан етказиб берувчи тадбиркорлик субъектларини танлаш бўйича тендер эълон қилди.
“Мовароуннаҳр” нашриёти 2019 йилда Тошкент шаҳар ва Тошкент вилоятининг шаҳар ҳамда туман марказий масжидларига, Қорақалпоғистон Республикаси ва республикамизнинг барча вилоятлар марказига арзон ва тез етказиб бериш имкониятига эга бўлган матбуот тарқатувчи юридик шахсларни ҳамкорлик қилишга таклиф этади.
Тендер 2019 йил 10 январь куни соат 14:00 да “Мовароуннаҳр” нашриётида ўтказилади.
Етказиб берувчига қўйиладиган талаблар:
“Ҳидоят” журнали ҳар ойда бир марта 100 000 (бир юз минг) дона;
“Мўминалар” журнали ҳар чоракда бир марта 50 000 (эллик минг)дона;
“Ислом нури” газетаси ҳар ойда икки марта 40 000 (қирқ минг) донани белгиланган манзилларга 48 (қирқ саккиз) соат ичида етказиб бериш.
Мурожаат учун телефон: +99871-227-34-30; +99871-240-08-23
Диний-маърифий даврий нашрларни чоп этиш бўйича тендер эълон қилинади
Ўзбекистон мусулмонлари идораси ҳузуридаги “Мовароуннаҳр” нашриёти бугунги кунда юртимиз мусулмонлари эътиборига ҳар йили 2 миллиондан ортиқ ададдаги газета ва журнал маҳсулотларини тақдим этиб келмоқда. Юртимиз ва жаҳонда юз бераётган хабар ва янгиликлар, диний ҳамда маърифий мавзудаги мақолалар фуқароларимиз томонидан севиб мутолаа қилинмоқда.
2019 йилда “Мовароуннаҳр” нашриёти фаолиятини тубдан ривожлантириш, замонавий талабларга мос келадиган технологиялар асосида чоп этишни таъминлаш мақсадида нашриёт томонидан тадбиркорлар ўртасида тендер лойиҳасини эълон қилинди.
Ўзбекистон мусулмонлари идорасининг нашрлари - “Ҳидоят” ва “Мўминалар” журналлари ҳамда “Ислом нури” газетасини 2019 йилда жаҳон стандартларига мувофиқ, замонавий усулда арзон ва сифатли чоп этиш имкониятига эга бўлган босмахоналарни ҳамкорлик қилишга таклиф этади.
Тендер 2019 йил 10 январь куни соат 10:00 да “Мовароуннаҳр” нашриётида ўтказилади. Тендерда иштирок этишни истаган томонлар қуйидаги телефон рақамлари билан боғланишлари талаб этилади.
Мурожаат учун телефон: +99871-227-34-30; +99871-240-08-23
Тендер иштирокчиларига қўйиладиган талаблар:
1. “Ҳидоят” журнали.
Бичими – 60х84 1/8;
Муқоваси – Мел. (150 гр), 4+4;
Ҳажми – 32 бет;
Матн – офсет қоғоз (70 гр),4+4.
Адади – 100 000 (бир юз минг) дона.
Чоп этиш муддати – 5 (беш) кун.
Эслатма: Журнал ҳар ойда 100 000 (бир юз минг), бир йилда жами 1200 000 (бир миллион икки юз минг ) нусхада чоп этилади.
2. “Мўминалар” журнали.
Бичими – 60х84 1/8;
Муқоваси – Мел. (130-150 гр), 4+4;
Ҳажми – 32 бет;
Матн – офсет қоғоз (70 гр),4+4.
Адади – 50 000 (эллик минг) дона.
Чоп этиш муддати – 5 (беш) кун.
Эслатма: Журнал ҳар чоракда 50 000 (эллик минг), бир йилда жами 200 000 (икки юз минг ) нусхада чоп этилади.
3. “Ислом нури” газетаси
Бичими – 60х84 1/8;
Ҳажми – 16 бет;
Матн – 4+4, офсет қоғоз (65-70 гр,);
Адади – 40 000 (қирқ минг) дона.
Чоп этиш муддати – 3 (уч) кун.
Эслатма: Газета ҳар ойда 2 марта 40 000 (қирқ минг), бир йилда жами 960 000 (тўққиз юз олтмиш минг ) нусхада чоп этилади.
Хитойлик энг бой одамнинг мулоҳазалари
Агар маймунларнинг олдига пуллар ва ёнғоқлар қўйилса, маймунлар ёнғоқларни танлайди. Чунки улар пулга жуда кўп ёнғоқлар сотиб олиш мумкинлигини билмайди.
Худди шу ишни кўплаб инсонларга қўлладим. Уларнинг олдига бир лойиҳа ва маош олиб ишлаш ихтиёрини қўйдим. Уларнинг жуда кўпчилиги маош олиб ишлашни танлашди. Чунки улар битта лойиҳани амалга ошириш орқали бир ойлик маошдан кўра анча кўп пул топиш ва яшаш тарзини ўзгартириш мумкинлигини билишмайди.
Одамларнинг камбағал бўлишларига сабаб бўладиган нарсалардан бири — турли бизнес лойиҳаларини ишга солиш, улар натижа бергунича сабр қилиш, лойиҳалар билан ишлашдек қулай фурсатни қўлдан бермасликни ўрганмаганларидир. Улар мактаб ва олийгоҳларда «Ишга бориб ишлаш маош олиш учундир» деган нарсани ўрганишган. Улар ўзлари учун ишлашни эмас, бошқалар бой бўлиши учун ишлашни, бировларнинг қўлида ишлашни ўрганишган, холос.
Тўғри, ойлик маош сизни фақир бўлиб қолмаслигингизга сабаб бўлади, лекин шу билан бирга у сизни бой бўлишдан тўсади.
Мен ҳаётимда эрталаб соат 8 дан то кеч соат 3 гача ишлаб, бой бўлиб кетган шахсни кўрмадим. Фақат ойликка ишлайдиган бузуқ табиатли одамгина (порахўрлик, ўғрилик, хиёнат ва ҳоказолар сабабли) бой бўлиб кетганини кўрдим.
Жек Ма,
Хитойнинг энг бой одами, шахсий бойлиги 39 миллиард долларни ташкил этади
Арабчадан Нозимжон Иминжонов таржимаси
Янгиликлар
