“Умра-2016” Рамазон мавсуми ўтган йиллардаги мавсумлар каби Юртбошимиз Фармонларига мувофиқ тузилган “Ҳаж ва Умра тадбирларини ташкил этиш ва ўтказиш бўйича Жамоатчилик кенгаши”нинг қарорлари ва тавсиялари асосида ташкил этилди.
Маълумки, истиқлол шарофати билан муборак Умра ва Ҳаж сафарларини ташкил этиш борасида катта ютуқларга эришилди. Бугунги кунда бу ишлар янада такомиллашди ва зиёратчиларимизга кўплаб қулай шароитлар яратилди. Бунинг учун Яратганга чексиз шукурлар қилишимиз даркор.
2016 йилнинг 25 июнь куни эрта тонг соат 08:50 да ўзбекистонлик зиёратчиларнинг биринчи гуруҳи Тошкент–Жидда йўналишида умра амалларини адо этиш мақсадида Саудия Арабистонига жўнаб кетди.“Умра-2016” Рамазон мавсумининг биринчи рейсида учиш Қорақалпоғистон Республикаси, Сурхондарё, Қашқадарё, Хоразм, Сирдарё ва Бухоро вилоятлари зиёратчиларига насиб этди. Уларга зиёрат давомида ўзбекистонлик тажрибали ишчи гуруҳи, гуруҳ раҳбарлари, шифокорлар ҳамда моҳир ошпазларимиз хизмат кўрсатадилар.Зиёратчиларимизга Маккаи мукаррамада “Нама Мавадда” ва Мадинаи мунавварада “Нур Мавадда” меҳмонхоналарида Саудия Арабистони Подшоҳлигидаги бир неча йиллик ҳамкоримиз “ал-Ҳидоя” ширкати томонидан хизмат кўрсатилади. Сафар мобайнида фуқароларимиз Макка ва Мадина шаҳарларидаги тарихий жойларни зиёрат қилишга муяссар бўлишади. Аллоҳ барчамизга Умра ва Ҳаж ибодатларини адо этишни насиб этсин.
Халқаро алоқалар бўлими
