2016 йил декабрь ойининг биринчи ўн кунлигида Тошкент вилояти Қибрай тумани бош имом-хатиблари, туман Ички ишлар бошқармаси, “Камолот” ёшлар ижтимоий ҳаракати, “Маҳалла” жамоат фонди ҳамда Халқ таълими бошқармасининг туман бўлимлари билан ҳамкорликда мазкур тумандаги 28 та умум таълим мактабида “Ёшлар ўртасида ижтимоий-маънавий муҳитни янада соғломлаштириш: терроризм ва экстремизмда кенг аҳоли, асосан ёшлар иштирокининг олдини олиш” мавзуида давра суҳбатлари ўтказилди.

Тадбирларга мактабларнинг устоз-муаллимлари ҳамда юқори синф ўқувчилари жалб қилинди. Мутахассислар, жумладан имом-хатиблар томонидан терроризмнинг келиб чиқиши, унинг асоссиз сохта ғоялари орқали мамлакатимиз тинчлиги, ҳаётимиз фаровонлигига таҳдиди, уларнинг ғояларига алданиб қолмаслик йўллари батафсил тушунтирилди. Учрашувлар қизиқарли, савол-жавобларга бой бўлди.

Бўлиб ўтган учрашув ва давра суҳбатларида Қибрай туманидаги барча имом-хатиблар фаол иштирок этди.

Сарвар Муҳаммадиев,

ЎМИ Масжидлар бўлими мутахассиси