O‘zbekiston musulmonlari idorasi tasarrufidagi diniy ta’lim muassasalarining 2023–2024 o‘quv yili qabul jarayonlari bo‘yicha ma’lumot olishni istasangiz quyidagi manzil, telefon raqamlar, internet sayt va ijtimoiy tarmoqdagi sahifalarga murojaat qilishingiz mumkin:

OLIY TA’LIM MUASSASALARI:

1. Imom Buxoriy nomidagi Toshkent islom instituti
Telefon raqami: 71-227-42-37
Sayti: www.oliymahad.uz
Telegram kanali: https://t.me/oliymahad
Joylashuv manzili?

2. Mir Arab oliy madrasasi
Telefon raqami: 95-604-45-97
Sayti: www.mirarab.uz
Telegram kanali: https://t.me/Mirarabuz
Joylashuv manzili?

3. Hadis ilmi maktabi
Telefon raqami: 66-240-20-51
Sayti: www.muhaddis.uz
Telegram kanali: https://t.me/muhaddisuz
Joylashuv manzili?

O‘RTA MAXSUS ISLOM TA’LIM MUASSASALARI:

1. "Ko‘kaldosh" o‘rta maxsus islom ta’lim muassasasi
Telefon raqami: 71-244-48-27
Sayti: www.kukaldosh.uz
Telegram kanali: https://t.me/kukaldoshuz
Joylashuv manzili?

2. "Xadichai Kubro" ayol-qizlar o'rta maxsus islom ta'lim muassasasi
Telefon raqami: 71-248-47-52
Sayti: www.xadicha.uz
Telegram kanali: https://t.me/xadichauz
Joylashuv manzili?

3. "Sayyid Muhyiddin maxdum" o‘rta maxsus islom ta'lim muassasasi
Telefon raqami: 90-209-68-70
Sayti: www.maxdum.iiau.uz
Telegram kanali: https://t.me/maxdumuz
Joylashuv manzili?

4. "Hidoya" o‘rta maxsus islom ta'lim muassasasi
Telefon raqami: 88-572-6006
Sayti: www.hidoya.uz
Telegram kanali: https://t.me/hidoyauz
Joylashuv manzili?

5. "Xoja Buxoriy" o‘rta maxsus islom ta'lim muassasasi
Telefon raqami: 75-542-74-25
Sayti: www.xojabuxoriy.uz
Telegram kanali: https://t.me/Xojabuxoriy
Joylashuv manzili?

6. "Mir Arab" o‘rta maxsus islom ta'lim muassasasi
Telefon raqami: 95-420-45-97
Sayti: www.mirarabmadrasa.uz
Telegram kanali: https://t.me/mirarabmadrasa
Joylashuv manzili?

7. "Jo‘ybori Kalon" ayol-qizlar o'rta maxsus islom ta'lim muassasasi
Telefon raqami: 65-221-77-44
Sayti: www.juyborikalon.uz
Telegram kanali: https://t.me/juyborikalon
Joylashuv manzili?

8. "Faxriddin ar-Roziy" o‘rta maxsus islom ta'lim muassasasi
Telefon raqami: 95-606-92-55
Sayti: www.arroziy.uz
Telegram kanali: https://t.me/arroziyuz
Joylashuv manzili?

9. "Muhammad al-Beruniy" o‘rta maxsus islom ta'lim muassasasi
Telefon raqami: 55-101-55-12
Sayti: www.alberuniy.uz
Telegram kanali: https://t.me/alberuniyuz
Joylashuv manzili?

10. "Imom Termiziy" o‘rta maxsus islom ta'lim muassasasi
Telefon raqami: 55-451-05-96
Sayti: www.imomtermiziy.uz
Telegram kanali: https://t.me/termiziylar
Joylashuv manzili?

Diniy ta'lim muassasalariga oid eng muhim ma'lumotlar, dolzarb savol-javoblar va so'nggi yangiliklarni muslim.uz saytining ijtimoiy tarmoqdagi sahifalarida kuzatib boring.

O'zbekiston musulmonlari idorasi
Matbuot xizmati

Бугун, 5 июнь куни Ўзбекистон мусулмонлари идораси раиси, муфтий Нуриддин домла ҳазратлари Жазоир республикасининг Ўзбекистондаги фавқулодда ва мухтор элчиси Бумедиан Геннадни қабул қилдилар.

Муфтий ҳазратлари Элчи жанобларини тaшрифи билан қутлаб, Жазоир ҳам давлатчилик шаклига кўра мамлакатимизга яқинлиги, мазкур давлатнинг диний соҳадаги тажрибасини ўрганиш ниҳоятда аҳамиятли экани, шу боис Ўзбекистон мусулмонлари идорасининг Жазоирдаги расмий диний ташкилотлар билан ўзаро алоқасини ўрнатиш, икки томонлама манфаатли йўналишларда ҳамкорлик қилишдан мамнун бўлишини бирдирдилар.

Ўз сўзлари давомида Муфтий ҳазратлари кейинги йилларда юртимизда барча йўналишлар қатори диний-маърифий соҳада ҳам катта ижобий ўзгаришлар бўлаётгани, жумладан, зиёратчиларимизни умрага чекланмаган ҳисобда юбориш йўлга қўйилгани, ҳаж сафари квотаси ҳам йилдан-йилга ошириб борилаётгани, фуқароларга Қуръони карим ва тажвидни ўргатиш ишлари тизимли йўлга қўйилгани, диний таълим муассасаларида фан дастурларини сифат ва мазмун жиҳатдан такомиллаштириш борасида режали ишлар қилинаётганини алоҳида қайд этдилар.

Ўз навбатида Элчи Бумедиан Геннад ҳам кўрсатилган эҳтиром ва самимий қабул учун миннатдорлик билдириб, ўзаро манфаатли алоқаларни ривожлантиришга бор куч-ғайрати, билими ва тажрибасини қаратишга тайёр эканларини изҳор этдилар.

Шунингдек, Элчи жаноблари Жазоирдаги диний-маърифий соҳа ҳақида маълумот бериш билан бирга, икки давлат диний соҳа ходимлари мазкур йўналишда, хусусан, диний таълим, имомлар малакасини ошириш, илмий тадқиқотлар бўйича ҳамкорлик қилиш имкониятлари мавжудлигини алоҳида таъкидлади.

Учрашув якунида Элчи жанобларига Ўзбекистон мусулмонлари идорасининг эсталик совғаси тақдим этилди.

Ўзбекистон мусулмонлари идораси
Матбуот хизмати

#Ҳаж_умра

❓1066-CАВОЛ: Ҳаж ёки умранинг тавофи ва саъйида замонавий уловларга минишнинг ҳукми қандай?

? ЖАВОБ: Бисмиллаҳир Роҳманир Роҳим.
Ҳаж ёки умранинг тавофида ва саъйида қодир бўлган кишилар пиёда юришлари вожибдир. Ўзи юришга қодир кишилар узрсиз замонавий улов (аравача, скутер ва бошқа)ларга миниб тавоф ёки саъй қилса, вожиб амални тарк қилгани сабабли қўй сўйиши лозим бўлади. Узрсиз уловда тавоф ва саъй қилиб қўйганлар қайтадан пиёда тавоф ва саъй қилишса, қўй сўйиш шарт бўлмайди, жарима соқит бўлади.

Аммо ўзлари пиёда юриб тавоф ва саъй қила олмайдиган шахслар эса замонавий уловларда тавоф ва саъй қилишлари жоиздир. Бу билан уларга ҳеч қандай жарима вожиб бўлмайди.

Пайғамбаримиз алайҳиссалом пиёда тавоф ва саъй қилганлар. Фақат Видолашув ҳажида касалликлари сабабли уловда ҳаж қилдилар.
Юришга қодир бўлмаса, уловда тавоф қилиш жоизлиги ҳақида қуйидаги ҳадиси шариф келган:

عَنِ ابْنِ عَبَّاسٍ أَنَّ رَسُولَ اللَّهِ -صلى الله عليه وسلم- قَدِمَ مَكَّةَ وَهُوَ يَشْتَكِى فَطَافَ عَلَى رَاحِلَتِهِ

“Ибн Аббос разияллоҳу анҳудан ривоят қилинадики, Пайғамбаримиз алайҳиссалом Маккага келдилар. У Зот алайҳиссалом бемор эдилар. Уловлари устида тавоф қилдилар...” (Имом Абу Довуд ривоятлари).

Умму Салама онамиз айтадилар:

شكوت إلى رسول الله صلى الله عليه و سلم أني أشتكي فقال ( طوفي من وراء الناس وأنت راكبة (

“Набий соллаллоҳу алайҳи васалламга касаллигимдан шикоят қилдим. У Зот алайҳиссалом: “Одамларни орқа тарафида, уловда тавоф қилинг”, дедилар” (Имом Бухорий ривояти).

Бу ҳадиси шарифда ҳам тавоф пиёда бўлиши вожиблигига далил бор. Чунки уловда тавоф қилиш билан пиёда тавоф қилишнинг фарқи бўлмаса, Умму Салама онамиз бундай савол бермасдилар.

Бу масала ҳақида фиқҳ китобларимизда шундай дейилади:

وَإِنْ سَعَى رَاكِبًا لِعُذْرٍ فَلَا شَيْءَ عَلَيْهِ وَبِغَيْرِ عُذْرٍ عَلَيْهِ دَمٌ كَمَا فِي الطَّوَافِ

“Агар узр сабабли уловда саъй қилса, унга ҳеч нарса вожиб бўлмайди. Узрсиз уловда саъй қилса, қон вожиб бўлади. Тавофда ҳам ҳукм шундай” (“Табйинул ҳақоиқ”).

وان كان قادرا على المشى بنفسه فحمل أو ركب يلزمه الدم لان السعي بنفسه عند القدرة على المشى واجب فإذا تركه فقد ترك الواجب من غير عذر فيلزمه الدم كما لو ترك المشى في الطواف من غير عذر

“Агар ўзи юришга қодир бўлсаю уни кўтариб олишса ёки уловга минса, қон вожиб бўлади. Чунки юришга қодир бўлган кишининг ўзи саъй қилиши вожибдир. Юришни тарк қилса, узрсиз вожибни тарк қилган бўлади. Бундай ҳолатда эса қон вожиб бўлади. Тавофда ҳам ҳеч қандай узрсиз пиёда юришни тарк қилса, ҳукм шундай (яъни қон вожиб бўлади)” (“Бадоиъус саноиъ”).

Ҳозирги кунда ҳам ҳаж ва умра ибодатларини қилиш давомида ўзлари юришга қодир бўлсаларда, турли замонавий уловларга ўтириб оладиган кишиларни кўрамиз. Улар аслида юқорида айтилгани каби ўзлари юриб тавоф ва саъй қилишлари шарт. Акс ҳолда бир қўй сўйиб ёки тавоф ва саъйни қайта қилиб, бу хатони тўғрилашлари керак бўлади.

Гоҳида баъзи кишилар ўзи юра оладиган ота-оналари, ҳатто хотинларини кўтариб олганларини кўрамиз. Бу ишлари билан ота-оналари ва жуфтларининг ибодатини нуқсонли қилиб қўядилар. Лекин ота она ўзи юра олмаса, уларни кўтариб олишлари жоиз. Қолаверса, ўзлари юра оладиган ота-она ва аёллар уларни кўтармоқчи ёки замонавий уловларга миндирмоқчи бўлганларга рад жавобини беришлари керак. Чунки оқибатда уларнинг ибодатлари нуқсонли бўлиб қолади ва жарима уларнинг зиммасига тушади. Валлоҳу аълам.

Ўзбекистон мусулмонлари идораси
Фатво маркази.

Muslim.uz / @muslimuzportal / @Muftiy_Nuriddin_domla
@diniysavollar

#МАБРУР_ҲАЖНИНГ_МУКОФОТИ_ЖАННАТ!

Бугун, 2 июнь куни Имом Бухорий номидаги Тошкент ислом институтида 2019-2023 йиллар оралиғида таълим олган талабаларнинг “Хатмона – 2023” битирув тадбири бўлиб ўтди. Хатмонада Ўзбекистон мусулмонлари идораси раиси, муфтий Нуриддин домла ҳазратлари, бир қатор уламолару олимлар, диний соҳа ходимлари, институтнинг ўқитувчи ва талабалари иштирок этди.

Битирувчиларни кузатишга бағишланган тантанали тадбир Қуръон тиловати билан бошланди. Сўнг маросимни институт ректори Муҳаммадолим домла Муҳаммадсиддиқов кириш сўзи билан очиб, ташриф буюрган меҳмонлар ва битирувчиларни тантана билан самимий муборакбод этди ва уларнинг келгуси фаолиятларига муваффақият тилади.

Тадбирда Муфтий Нуриддин домла ҳазратлари битирувчиларни қутлар эканлар, келгусида динимиз ривожи ва халқимизнинг диний-маърифий камолоти йўлидаги хизматларига оқ йўл тилаб, хайрли дуолар қилдилар. Шунингдек, битирувчи талабаларни диний соҳа ходими сифатида иш бошлашлари, юртимиз уламолари сафига қўшилганлари билан муборакбод этдилар. Бунинг учун уларнинг устозлари ва ота-оналарига ташаккур изҳор қилдилар.

Шунингдек, хатмона тадбирида 2022-2023 ўқув йили якунлари бўйича юқори кўрсаткичларга эришган билим юрти талабаларига ташаккурнома, аъло ўқиши ва намунали хулқи, жамоат ишларида фаол иштирок этган талабаларга билим юртининг мақтов ёрлиғи ва эсдалик совғалари топширилди.

Ўзбекистон мусулмонлари идораси
Матбуот хизмати