Жорий йилнинг 24 март куни Санитария-эпидимиологик осойишталик агентлиги директори Баҳром Алматов билан онлайн брифинг бўлиб ўтмоқда.
Унда коронавирус аниқланган ўзбекистонликлар аҳволи ҳақида айтилди. Юзага келаётган саволларга имкон даражасида жавоб берилди.
Баҳром Алматовнинг маълум қилишича, коронавирусга чалинган 5 нафар Ўзбекистон фуқаросида касаллик аломатлари йўқолган. Ҳозирда улар кунига икки маҳал вирусга текширувдан ўтишмоқда. Бу фуқаролар 14 кун карантинда сақланади. Вирус йўқолганига тўлиқ ишонч ҳосил қилганганидан кейин, уларга уйга рухсат берилади.
Эслатиб ўтамиз, Ўзбекистонда ҳозиргача 49 нафар фуқарода коронавирус аниқланган. Уларнинг барчаси шифокорлар назоратида.
ЎзА
