Шу кунларда мамлакатимизда узлуксиз давом этаётган ёғингарчиликлар оқибатида ўлкамизнинг қатор вилоятларида сел келиши хавфи ортиб, айрим хонадон, жамоат жойларига зарар етмоқда. Албатта, ёмғир Аллоҳнинг неъмати. Бироқ у фойдали бўлиши баробарида офат ҳам бўлиши мумкин. Шу боис Набий соллаллоҳу алайҳи ва саллам ёмғир ёғишни бошлаши билан уни манфаатли бўлишини сўраб дуо қилганлар.
Куни кеча Республикамизнинг барча масжидлари қатори Сурхондарё вилоятидаги "Ҳаким Термизий" жоме масжидида ҳам юртимизда давом этаётган ёғингарчиликларнинг оқибатларидан паноҳ ва яхшиликлар сўраб Истисҳо дуоси ўқилди. Намозхонлар Ҳақ таолодан бу ёмғирлар элу юртга манфаатли, хайру баракага сабабчи бўлишини сўраб, дуо қилдилар.
Ўзбекистон мусулмонлари идораси матбуот хизмати
