Диёримизнинг бир гуруҳ уламолари муборак Қурбон ҳайити арафасида дунёнинг бир неча мамлакатларига ташриф буюриб, у ерда ватандошлар билан бирга ҳайит намозини адо этдилар. Шунингдек, хорижда ўқиш ёки меҳнат қилиш каби мақсадлар билан вақтинча бўлиб турган мамлакатимиз фуқароларига байрамона кайфият улашиш мақсадида ва уларни қизиқтирган мавзулар юзасидан ўтказилган суҳбатларда иштирок этдилар.

Жумладан, Ўзбекистон мусулмонлари идораси Фатво маркази уламоси Ҳабибуллоҳ домла Жўрабоев, Андижон вилояти бош имом-хатиби ўринбосари Хайрулло домла Сулаймонов, Тошкент шаҳридаги “Файзи ота” масжиди имом-хатиби Мирзатилло домла Алихонов, “Ал Ҳудайбия” масжиди имом-хатиби Муродилла домла Хуназаров, Тошкент вилоятидаги “Абу Бакр Сиддиқ” масжиди имом-хатиби Нурали домла Мавлонов Россияда; Қорақалпоғистон мусулмонлари қозиёти қозиси ўринбосари Баҳрамиддин домла Разов, Тошкент шаҳридаги “Абу Бакир Қаффол Шоший” жоме масжиди имом-хатиби Мирзаниёз домла Ражабий, "Яккасарой" жоме масжиди имом-хатиби Салоҳиддин домла Ташанов ҳамда “Аҳмаджон қори” масжиди имом ноиби Қудратилла домла  Сиддиқметовлар Қозоғистонда, Тошкент шаҳри Олмазор тумани бош имом-хатиби Яҳё домла Абдураҳмонов, Самарқанд вилоятидаги “Намозгоҳ” масжиди имом-хатиби Қамариддин домла Баҳриевлар эса АҚШда ватандошларимизга илмий суҳбатлар қилиб беришди.

Шунингдек, мазкур суҳбатлар асносида ватандошларимиз ўзларини ўйлантирган саволларга батафсил жавоб олишди. 

Сафар тафсилотларини кузатиб боринг.

Ўзбекистон мусулмонлари идораси Матбуот хизмати
Muslim.uz
@muslimuzportal | @Muftiy_Nuriddin_domla | @diniysavollar